ဝန်ထမ်းအိမ်ရာ ၄၃ လုံး ဆောက်လုပ်ရန် ညှိနှိုင်းစည်းဝေး

နေပြည်တော်ကောင်စီ၏ ၂ဝ၁၇-၂ဝ၁၈ ဘဏ္ဍာရေးနှစ် ငွေလုံးငွေရင်းခွင့်ပြုရန်ပုံငွေဖြင့် အကောင်အထည်ဖော်ဆောင်ရွက်မည့် ဝန်ထမ်းအိမ်ရာ ၄၃ လုံး ဆောက်လုပ်ခြင်းနှင့်စပ်လျဉ်း၍ တင်ဒါခေါ်ယူဆောင်ရွက်လျက်ရှိသော လုပ်ငန်းစဉ်များ ညှိနှိုင်းအစည်းအဝေးကို သြဂုတ် ၂၂ ရက်မွန်းလွဲ၁နာရီကနေပြည်တော်ကောင်စီရုံးအစည်းအဝေးခန်းမ၌ ကျင်းပရာ ဝန်ထမ်းအိမ်ရာ ၄၃ လုံး ဆောက်လုပ်ရေးတင်ဒါကော်မတီဥက္ကဋ္ဌ နေပြည်တော်ကောင်စီဝင် (ဆောက်လုပ်ရေး၊ လျှပ်စစ်/စွမ်းအင်၊ စီမံဘဏ္ဍာ၊ စက်မှုကဏ္ဍများ တာဝန်ခံ) ဦးတင်ထွဋ်က အဖွင့်အမှာစကားပြောကြားပြီး တင်ဒါလက်ခံရေးနှင့်စိစစ်ရေးကော်မတီဥက္ကဋ္ဌ ဆောက်လုပ်ရေးဝန်ကြီးဌာန အင်ဂျင်နီယာချုပ်(မြို့ပြ)ဦးခင်မောင်အေးကတင်ဒါခေါ်ယူဆောင်ရွက်မှုအခြေအနေနှင့် ဆောင်ရွက်ရမည့် ရှေ့လုပ်ငန်းစဉ်များကို ရှင်းလင်းဆွေးနွေး ပြောကြားသည်။

ယင်းနောက် ဝန်ထမ်းအိမ်ရာ ၄၃ လုံးဆောက်လုပ်ရေးတင်ဒါကော်မတီဝင်များ၊ တင်ဒါလက်ခံရေးနှင့်စိစစ်ရေးကော်မတီဝင်များ၊အရည်အသွေးစစ်ဆေးရေးနှင့်လက်ခံရေးကော်မတီဥက္ကဋ္ဌ၊ သက်ဆိုင်ရာ ဝန်ကြီးဌာနအသီးသီးမှ ကိုယ်စားလှယ်များက မိမိဌာနအလိုက် ဆောင်ရွက်ထားရှိမှုအခြေအနေများနှင့် လိုအပ်ချက်များကို တင်ပြဆွေးနွေးကြသည်။

ဆက်လက်၍ နေပြည်တော်ကောင်စီ၏ ၂ဝ၁၇-၂ဝ၁၈ ဘဏ္ဍာရေးနှစ် ငွေလုံးငွေရင်းခွင့်ပြုရန်ပုံငွေနှင့်ပတ်သက်၍ ဖြည့်စွက် ခွင့်ပြုရန်ပုံငွေ တင်ပြတောင်းခံရေးညှိနှိုင်းအစည်းအဝေးကို ကျင်းပသည်။

ထို့နောက် နေပြည်တော် စည်ပင်သာယာ ရေးကော်မတီ၊ လမ်းဦးစီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်းနှင့်ကျေးလက်ဒေသဖွံ့ဖြိုးတိုးတက်ရေးဦးစီးဌာနများမှ တာဝန်ခံ များ၊ ခရိုင်/မြို့နယ် အုပ်ချုပ်ရေးမှူးများ က မိမိတို့ကဏ္ဍများအလိုက်ဘဏ္ဍာငွေလွှဲပြောင်းသုံးစွဲခြင်း၊ဖြည့်စွက်ရန်ပုံငွေ
တင်ပြတောင်းခံခြင်းများနှင့် စပ်လျဉ်း၍ ဆောင်ရွက်ထားရှိမှု အခြေအနေများကို ဆွေးနွေး ခဲ့ကြကြောင်း သိရသည်။

Credit: The Mirror