ပြည်တွင်းရွှေဈေးပြန်တက်လာတာကြောင့် ဈေးကွက် အေးစက်လာနေ

ပြည်တွင်းရွှေဈေးပြန်တက်လာတာကြောင့် ဈေးကွက်အေးစက်လာနေတယ်လို့ မြန်မာနိုင်ငံရွှေလုပ်ငန်းရှင်အ သင်းတာဝန်ရှိသူတွေနဲ့ လုပ်ငန်းရှင်တွေထံကသိရပါတယ်။

ကမ္ဘာ့ရွှေဈေးတောက်လျှောက်မြင့်တက်လာတာကြောင့်ပြည်တွင်းရွှေဈေးကလည်း ကျပ်၉သိန်း၁သောင်းမှာရှိနေတာကြောင့်ဈေးကွက်ပိုမိုအေးစက်လာ
တာဖြစ်တယ်လို့လည်း တိတ်စိန်ရွှေဆိုင်လုပ်ငန်းရှင်ဦးဇော်
အောင်ကပြောပါတယ်။

“ ဒီနှစ်ပိုင်းအရောင်းအဝယ်ကလည်းအေးတယ် ဈေးကလည်းကျပ် ၉ သိန်း ၁ သောင်းလောက်အထိ ပြန်တက် လာပြီဆိုတော့ အရောင်းအဝယ်ကမဖြစ်သလောက်ပဲ၊ ကမ္ဘာ့ဈေးကလည်း ဒီရက်ပိုင်းတွေမှာ တောက်လျှောက် တက်နေတယ်”လို့ သူကပြောပါတယ်။

လက်ရှိကမ္ဘာ့ရွှေဈေးက တစ်အောင်စကို ၁၂၇၅ဒေါ်လာအထိပေါက်ဈေးရှိနေပြီး ဇူလိုင်လလယ်ပိုင်းနဲ့နှိုင်းယှဉ် ပါက၁၅ဒေါ်လာလောက်အထိမြင့်တက်ခဲ့ပါတယ်။ ဒေါ်လာငွေလဲလည်နှုန်းက ၁၃၅၅ ကျပ်လောက်မှာငြိမ် သက်နေတာ
လည်းဖြစ်ပါတယ်။ ပြည်တွင်းရွှေဈေးကလည်း ပြီးခဲ့တဲ့ဇူ
လိုင်လကုန်ပိုင်နဲ့နှိုင်းယှဉ်ပါက ကျပ် ၄ ထောင်ကျော်မြင့်
တက်ခဲ့ပါတယ်။

ကျောင်းဖွင့်ရာသီဖြစ်သလိုတောင်သူတွေအလုပ်များတဲ့အချိန်လည်းဖြစ်
တာကြောင့် အခုလိုချိန်မျိုးမှာရွှေဈေး ကွက် အေးတက်တယ်လို့လည်း ရွှေဘုံသားလမ်းအခြေစိုက် ရွှေဆိုင်လုပ်ငန်းရှင်တွေထံကသိရပါတယ်။

ရွှေတုံးအရောင်းအဝယ်လုပ်ငန်းရှင်တစ်ဦးက “ မိုးတွင်းရာသီဆိုတာက ပြည်တွင်းရွှေရှားတဲ့ကာလပဲ ဒီအချိန်ဈေးတက်တာက ကမ္ဘာ့ဈေးကြောင့်ပဲ အခြားထူးခြားတဲ့ အခြေအနေတော့ မရှိပါဘူးလို့” ပြောပါတယ်။လလယ် ပိုင်းရောက်လာတာကြောင့်လည်း ဈေးကွက်အေးစက်ရခြင်းဖြစ်တယ်လို့ ယင်းရွှေဆိုင်လုပ်ငန်းရှင်တွေ ကပြောပါ တယ်။

Credit: SFJ Strategy First Journal