စိန်နှင့်မြကို အထူးကုန်စည်ခွန်၊ ရွှေစင်ရွှေတုံးများကို ကုန်သွယ်လုပ်ငန်းခွန်ကင်းလွတ်ခွင့်ပြုရေး လွှတ်တော်သဘောတူ

စိန်နှင့်မြကို အထူးကုန်စည်ခွန်၊ ရွှေစင် ရွှေတုံး များကို ကုန်သွယ်လုပ်ငန်းခွန် ကင်း လွတ်ခွင့်ပြုရန် တင်ပြခြင်းမှာ တစ်ဦး တစ်ယောက်၊ တစ်စုတစ်ဖွဲ့ အကျိုးအ တွက် မဟုတ်ဘဲ အများပြည်သူအကျိုး အတွက်ဖြစ်သည်ဟု စီမံကိန်းနှင့် ဘဏ္ဍာ ရေးဝန်ကြီးဌာနဒုတိယဝန်ကြီး ဦးမောင် မောင်ဝင်းက ပြောသည်။

သြဂုတ် ၈ ရက် ဒုတိယအကြိမ် ပြည်ထောင်စုလွှတ်တော် အစည်းအ ဝေးတွင် နိုင်ငံတော်သမ္မတထံမှ ပေးပို့ သော ၂၀၁၇ ခုနှစ် ပြည်ထောင်စု၏အခွန်ကောက်ဥပဒေပါ ကုန်စည်ခွန် အချို့အပေါ် အထူးကုန်စည်ခွန်နှင့် ကုန်သွယ်ခွန်များ ကင်းလွတ်ရေးနှင့် ပတ်သက်ပြီး လွှတ်တော်သို့ တင်ပြ ချက်ကို ကိုယ်စားလှယ်များ ဆွေးနွေး ချက်အပေါ် ဒုတိယဝန်ကြီးက ပြန် လည် ရှင်းလင်းရာ ယင်းသို့ပြောကြား ခဲ့ခြင်းဖြစ်သည်။

""အခွန်ကင်းလွတ်ခွင့် ပြုခြင်းမှာ တိုက်ရိုက် အခွန်ကင်းလွတ်ခွင့် ပြုခြင်း နှင့် သွယ်ဝိုက်ခွန် ကင်းလွတ်ခွင့်ပြုခြင်း ရှိပါတယ်။
တိုက်ရိုက် အခွန်ကင်းလွတ် ခွင့် ပြုခြင်းကတော့ ကင်းလွတ်ခွင့် ရရှိတဲ့ တစ်ဦးတစ်ယောက်၊ တစ်စု၊ တစ်ဖွဲ့အတွက်သာ တိုက်ရိုက် အကျိုး သက်ရောက်မှာ ဖြစ်သော်လည်း သွယ် ၀ိုက်ခွန် ကင်းလွတ်ခွင့် ပြုခြင်းကတော့ ရောင်းဝယ်၊ ထုတ်လုပ်၊ တင်သွင်းသူ များသာမက သုံးစွဲသူ အများပြည်သူ အပေါ်မှာလည်း အကျိုးသက်ရောက် စေမှာ ဖြစ်ပါတယ်။
ထို့အပြင် တိုက် ရိုက်ခွန် ကင်းလွတ်ခွင့် ပြုခြင်းကြောင့် ဖြစ်စေ၊ သွယ်ဝိုက်ခွန် ကင်းလွတ်ခွင့် ပြုခြင်းကြောင့်ဖြစ်စေ ကုန်စည်စီးဆင်း ရာ လုပ်ငန်းတစ်လျှောက် ဆက်စပ် နေသူများနဲ့ အမှီပြုနေသူများကိုလည်း အကျိုးသက်ရောက်မှု ရရှိစေမှာ ဖြစ် ပါတယ်။
သို့ဖြစ်၍ အထူးကုန်စည်များ ဖြစ်တဲ့ စိန်နဲ့မြအပေါ်မှာ အထူးကုန် စည်ခွန် ကင်းလွတ်ခွင့်၊ ရွှေစင်ရွှေတုံး များအပေါ်မှာ ကုန်သွယ်လုပ်ငန်းခွန် ကင်းလွတ်ခွင့်ပြုနိုင်ရန် တင်ပြခြင်းဟာ တစ်ဦးတစ်ယောက်၊ တစ်စုတစ်ဖွဲ့အ ကျိုးအတွက် မဟုတ်ဘဲနဲ့ သုံးစွဲသူ၊ ရောင်းဝယ်ဖောက်ကားသူများ၊ ဈေး နှုန်းတည်ငြိမ်စွာဖြင့် ရောင်းဝယ်နိုင် ရေး၊ ဆက်စပ်လုပ်ငန်းများ ဖွံ့ဖြိုးတိုး တက်ရေး၊ အလုပ်အကိုင်အခွင့်အလမ်း များဖြစ်ပေါ်လာရေး စသည့်အများ ပြည်သူအကျိုးကို ရည်မျှော်ပြီး ကင်း လွတ်ခွင့်ပြုရန် တင်ပြခြင်းဖြစ်ပါတယ်"" ဟု ဒုတိယဝန်ကြီးက ပြောသည်။

စိန်နှင့်မြကို အထူးကုန်စည်ခွန် ကင်းလွတ်ခွင့် ၁၀ ရာခိုင်နှုန်းပေးလိုက် သော်လည်း ကျန်အကောက်ခွန် ၃၀ ရာခိုင်နှုန်း၊ ကုန်သွယ်လုပ်ငန်းခွန် ငါး ရာခိုင်နှုန်း ကျသင့်မည်ဖြစ်ကြောင်း ရောင်းချမှုအပေါ် ဝင်ငွေလည်း ပေး ဆောင်ရမည်ဖြစ်ကြောင်း သိရသည်။

အခွန်နှုန်း သက်သာတဲ့အခါမှာ တရားဝင် တင်သွင်းလာပါက ပြည် တွင်း၌ ကျောက်မျက် အချောထည် လုပ်ငန်း၊ လက်ခစားလုပ်ငန်းများ ဖွံ့ ဖြိုးလာနိုင်ခြင်း၊ နိုင်ငံခြားရင်းနှီးမြှပ်နှံ မှု ပိုမိုဝင်ရောက်လာနိုင်ခြင်း၊ အကြမ်း ထည်များ ပြည်တွင်းသို့ တင်သွင်းပြီး အချောထည် ထုတ်လုပ်နိုင်ခြင်းများရရှိ စေမည်ဟု ဒုတိယဝန်ကြီးကပြောသည်။

နိုင်ငံတကာတွင် ငွေကြေးတန် ဖိုး အတက်အကျမတည်ငြိမ်ဘဲ ငွေ ကြေးတန်ဖိုး ကျဆင်းခြင်းကြောင့် ဆုံး ရှုံးနိုင်ခြေများကို ကာကွယ်ရန် ရွှေစင် ရွှေတုံးများကို ဝယ်ယူ စုဆောင်းလေ့ ရှိကာ လိုအပ်ချိန်တွင် ငွေပြန်ဖော်နိုင် ပြီး ရင်းနှီးမြှုပ်နှံသူများ အားထားသည့် ရင်းနှီးမြှုပ်နှံမှုဖြစ်ကြောင်း၊ မြန်မာနိုင်ငံ တော် ဗဟိုဘဏ်က ရွှေစင်၊ ရွှေတုံး များကို အာမခံထားပြီး ငွေချေးခွင့် ပြုထားကြောင်း သိရသည်။

""ရွှေစင်ရွှေတုံးများအပေါ် ကုန် သွယ်လုပ်ငန်းခွန် ကောက်ခံမည်ဆို ပါက ရွှေတစ်ကျပ်သား ဝယ်ယူသူ သည် တန်ဖိုးကျပ် ကိုးသိန်း၊ ကုန် သွယ်လုပ်ငန်းခွင် ငါးရာခိုင်နှုန်း အ ဖြစ် ကျပ်လေးသောင်းခွဲ ပေါင်း ကျပ် ၉၄၅၀၀၀ ပေးရမည်ဖြစ်ကာ ပြန်လည် ရောင်းချရာတွင် ကုန်သွယ်လုပ်ငန်း ခွန်ကို ထည့်မတွက်တော့ဘဲ ရွှေဈေး အတက်အကျ ပြောင်းလဲမှုမရှိပါက ရွှေတန်ဖိုး ကျပ် ၉၀၀၀၀၀ သာ ပြန် လည်ရရှိမည်ဖြစ်သဖြင့်အရှုံးပေါ်မည်""ဟု ဒုတိယဝန်ကြီးက ပြောသည်။

ယင်းသို့ဖြစ်ပါက ရွှေစင်ရွှေတုံး အစား အခြားရင်းနှီးမြှုပ်နှံမှု နယ်ပယ် တွင် ပိုမိုရင်းနှီးမြှုပ်နှံ စုဆောင်းပါက ငွေကြေးဖောင်းပွမှု၊ ကုန်ဈေးနှုန်းကြီး မြင့်မှုကို ဖြစ်ပေါ်စေပြီး ငွေကြေးဈေး ကွက်အပေါ်တွင် ရိုက်ခတ်မှုဖြစ်လာ နိုင်ကြောင်း သိရသည်။

ထို့ကြောင့် ရွှေစင်ရွှေတုံးအပေါ် ကုန်သွယ်လုပ်ငန်းခွန် ကင်းလွတ်ခွင့် ပြုခြင်းဖြင့် ငွေကြေးစီးဆင်းမှု မမှန် သောကိစ္စများ၊ အိမ်ခြံမြေ ဈေးကွက် အတွင်း ဝင်ရောက်ဈေးကစားမှုကြောင့် အိမ်ခြံမြေ ဈေးကြီးမြင့်မှုကို အထိုက် အလျောက် ကာကွယ်ပေးနိုင်မည်ဟု ဒုတိယဝန်ကြီးက ထပ်လောင်းပြော ကြားသည်။

ယင်းသို့ ရှင်းလင်းမှုအပြီး အဆို ပါတင်သွင်းမှုအပေါ် လျှို့ဝှက်စက် ခလုတ်သုံး မဲခွဲဆုံးဖြတ်ရာ ထောက် ခံမဲ ၃၆၁ မဲ၊ ကန့်ကွက်မဲ ၁၈၁ မဲ၊ ကြားနေမဲ တစ်မဲ ရရှိကာ ထောက်ခံ မဲ များသဖြင့် စိန်နှင့်မြကို အထူးကုန် စည်ခွန်၊ ရွှေစင်ရွှေတုံးကို ကုန်သွယ် လုပ်ငန်းခွန် မကျသင့်သည့် ကုန်စည် အဖြစ် သတ်မှတ်ရန်ကို လွှတ်တော် က သဘောတူ အတည်ပြုကြောင်း လွှတ်တော်နာယကမှ ကြေညာခဲ့သည်။

Credit: Democracytoday