ဘဏ်ချေးငွေ ထုတ်ပေးနိုင်ရန် SME လုပ်ငန်း စာရင်းကောက်မည်

ပြည်တွင်းဘဏ်များနှင့် ချိတ်ဆက်ကာ ချေးငွေများ ထုတ်ချေးနိုင်ရန်အတွက် ရန်ကုန် တိုင်းဒေသကြီးအတွင်းရှိ အသေးစားနှင့် အလတ်စား (SME) လုပ်ငန်းများစာရင်းကို ဩဂုတ်လအတွင်း စတင် ကောက်ယူမည်ဖြစ်ကြောင်း ရန်ကုန် တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောကြားသည်။

SME လုပ်ငန်းများ အောင်မြင်စေရန် ငွေကြေးပံ့ပိုးပေးခြင်း၊ နည်းပညာ ပံ့ပိုးပေးခြင်းနှင့် ကျွမ်းကျင်လုပ်သား မွေးထုတ်ပေးခြင်းတို့ အဓိက လိုအပ်ပြီး အဆိုပါအချက်များ ဆောင်ရွက်နိုင်ရန်အတွက် ရန်ကုန် တိုင်းဒေသကြီးအတွင်းရှိ SME လုပ်ငန်းများ စာရင်းနှင့် ကူညီ ဆောင်ရွက်ပေးနိုင်မည့် လုပ်ငန်းကဏ္ဍများကို လက်တွေ့ကျကျ သိရှိနိုင်ရန် ကြိုးစား ဆောင်ရွက်သွားမည်ဖြစ်ကြောင်း ၎င်းက ပြောဆိုသည်။

ဇူလိုင်လ ၂၉ ရက်နေ့က အသေးစားနှင့် အလတ်စား စီးပွားရေး လုပ်ငန်းများ ဖွံ့ဖြိုးတိုးတက်ရေးအတွက် မဟာဗျူဟာချမှတ်နိုင်ရန် SMEs Development Srrategy “Issues & Solutions” Forum ကို ရန်ကုန်မြို့၊ မင်းရဲကျော်စွာလမ်းရှိ ကုန်သည်စက်မှုအသင်းချုပ်တွင် ပြုလုပ်ခဲ့ပြီး ယင်းဖိုရမ်တွင် ပြောကြားခဲ့ခြင်းဖြစ်သည်။

“ဘယ်မြို့နယ်မှာ SME ဘယ်နှခု ရှိတယ်ဆိုတာကို စာရင်းပြုစုပါမယ်။ ဒီလုပ်ငန်းတွေထဲမှာ ဘယ်ကဏ္ဍဟာ ဖြစ်နိုင်ခြေရှိတဲ့ စီးပွားရေးလဲ ဆိုတာကို လေ့လာဆန်းစစ်မှု သေသေချာချာပြုစုပြီးရင် သူ့ရဲ့ အခြေအနေ အားလုံးနဲ့ သူ့ကို ငွေဘယ်လောက် ထုတ်ချေးရင် အဆင်ပြေမလဲ ဆိုတာကို အသေးစိတ် သိနိုင်အောင် ကြိုးစားမှာဖြစ်ပါတယ်”ဟု ဦးဖြိုးမင်းသိန်းက ပြောဆိုသည်။

SME လုပ်ငန်းများ တိုးတက်စေရန်အတွက် ပထမအဆင့် မြို့နယ်အလိုက် စာရင်း ကောက်ယူမည်ဖြစ်ပြီး ဒုတိယအဆင့် ဘဏ်လုပ်ငန်းများနှင့် ချိတ်ဆက်ကာ ချေးငွေများ ရယူနိုင်ရန် စီစဉ်ပေးမည်ဖြစ်ကြောင်း ရန်ကုန်တိုင်းအစိုးရအဖွဲ့ထံမှ သိရသည်။

ရန်ကုန် တိုင်းဒေသကြီး အတွင်းရှိ မြို့နယ်အသီးသီး၊ စက်မှုဇုန် အသီးသီးတို့တွင် SME လုပ်ငန်းများစာရင်း ကောက်ယူပြီးလျှင်
ဘဏ်စနစ်သည် SME ကဏ္ဍ၏ အဓိက မောင်းနှင်အား တစ်ခုဖြစ်သောကြောင့် ဘဏ်လုပ်ငန်းရှင်များအသင်းနှင့် ဆွေးနွေးပြီး SME လုပ်ငန်းများနှင့်ပတ်သက်၍ အခြားစိတ်ဝင်စားသည့် ဘဏ်များနှင့် SME လုပ်ငန်းရှင်များကို တိုက်ရိုက် ထိတွေ့ပေးသည်နိုင်သည်အထိ ဆောင်ရွက်မည်ဖြစ်ကြောင်း တိုင်းဒေသကြီး အစိုးရအဖွဲ့ထံမှ သိရသည်။

စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေး ဦးစီးဌာနတွင် တစ်နိုင်ငံလုံး အတိုင်းအတာဖြင့် မှတ်ပုံတင်ထားသည့် SME လုပ်ငန်းပေါင်း ခြောက်သောင်းသုံးရာကျော်ရှိပြီး စက်မှုလုပ်ငန်းပေါင်း လေးသောင်းခုနစ်ထောင်ရှိကြောင်း ယင်းဦးစီးဌာန ညွှန်ကြားရေးမှူးချုပ် ဒေါ်အေးအေးဝင်းက ပြောကြားသည်။

Credit: The Voice