ရင်းနှီးမြှုပ်နှံမှု အခွင့်အလမ်းအဆင့်အတန်းကို သုံးနှစ်အတွင်း အဆင့် ၁၀၀ အောက် ရောက်အောင် ကြိုးပမ်းမည်ဟု ဒုတိယသမ္မတပြောကြား

မြန်မာနိုင်ငံတွင် ပြည်တွင်း၊ ပြည်ပ ရင်းနှီးမြှုပ်နှံမှုဆောင်ရွက်နိုင်မှု ဆောင် ရွက်နိုင်မည့် အခွင့်အလမ်း၊ အဆင့်အတန်းမှာ လက်ရှိတွင် အဆင့် ၁၇၀ နေ ရာ ရှိနေသည့်အတွက် သုံးနှစ်အတွင်း အဆင့် ၁၀၀ အောက် ရောက်ရှိရန် ရည်မှန်းချက်ထား လုပ်ဆောင်သွားမည်ဟု ဒုတိယသမ္မတဦးမြင့်ဆွေက ဇူ လိုင်လ ၂၀ ရက်တွင် ပြောသည်။

မြန်မာနိုင်ငံ၏ လက်ရှိရောက်ရှိနေသည့် ရင်းနှီးမြှုပ်နှံမှုဆောင်ရွက်နိုင်မှုေ ဆာင်ရွက်နိုင်မည့် အခွင့်အလမ်း၊ အဆင့်အတန်းမှာ အနည်းငယ် များနေ သည့် အတွက် သုံးနှစ်အတွင်း ၁၀၀ အောက် ရောက်ရှိရန် ရည်မှန်းချက်ထား ကြိုးစားနေပြီး အမှန်တကယ်ကြိုးစားပါက ရနိုင်သည့်အနေအထားရှိကြောင်း ၎င်းက ကုန်သည်/စက်မှုအသင်းချုပ်တွင် ပြုလုပ်သော ပုဂ္ဂလိကစီးပွားရေး လုပ်ငန်းရှင်များနှင့်တွေ့ဆုံပွဲတွင် ပြောကြားခဲ့ခြင်းဖြစ်သည်။

ရင်းနှီးမြှုပ်နှံမှုဆောင်ရွက်နိုင်မှု ဆောင်ရွက်နိုင်မည့် အခွင့်အလမ်း၊ အဆင့်အ တန်းကို Indicator ဖြင့် တွက်ချက်ရာတွင် စီးပွားရေးလုပ်ငန်းများ စတင်ဆောင်ရွက်ရာတွင် လိုအပ်သည့်အချက်များဖြစ်သည့် (doing Business) အချက် ၁၀ ချက်ဖြင့် တွက်ချက်ခြင်းဖြစ်ကြောင်း၊ ထိုသို့ တွက်ချက်ရာတွင် စီးပွားရေးလုပ်ငန်းတစ်ခု စတင်ခြင်း၊ ကန်ထရိုက်အတိုင်း လုပ်ငန်းစာချုပ်ပါအတိုင်း လိုက်နာဆောင်ရွက်ခြင်း၊ အကြွေးမဆပ်နိုင်မှု ဖြေရှင်းခြင်း၊ မြေယာမှတ်ပုံတင်ခြင်း၊ လျှပ်စစ်ရရှိခြင်း၊ နယ်စပ်ဖြတ်ကျော်ကုန်သွယ်ခြင်း၊ အနည်းစုရင်းနှီးမြှုပ်နှံမှုများကို အကာအကွယ်ခြင်း၊ အခွန်ဆောင်ခြင်း၊
ချေးငွေရယူခြင်း၊ ဆောက်လုပ်ရေးခွင့်ပြုချက်ဆိုင်ရာဆောင်ရွက်ခြင်း စသည့် ၁၀ ချက်ကို Indicator အမှတ်ပေးစနစ်ဖြင့် ဆောင်ရွက်ခြင်းဖြစ်ကြောင်း သိရသည်။

အစိုးရအနေဖြင့် အဆိုပါ ၁၀ ချက်ကို သိရှိပြီးဖြစ်၍ အားလုံးဝိုင်းဝန်း ဆောင် ရွက်နေခြင်းကြောင့် တဖြည်းဖြည်းဖြင့် အဆင့် ၁၀၀ အောက်ကို ရောက် ရှိနိုင်ကြောင်း ဒုတိယသမ္မတကပြောသည်။

"သို့သော်လည်းပဲ အတွေ့အကြုံရှိတဲ့ လုပ်ငန်းရှင်တွေကို မေးကြည့်တဲ့ အခါကျတော့ တချို့လည်း position ကောင်းပေမယ့် အလားအလာတော့ သိပ်မကောင်းဘူး။ ဥပမာ - အိမ်နားနီးချင်း နိုင်ငံတွေမှာဆိုရင် တချို့ဆို position ကောင်းပါတယ်။ ဒါပေမယ့် သူတို့ဆီမှာ သွားရောက်ပြီးလုပ်တဲ့ ရင်းနှီးမြှုပ်နှံတဲ့ စက်ရုံအလုပ်ရုံတွေဆိုရင် ရေကြီးရေလျှံမှုတွေ ဖြစ်တဲ့ အခါ ကျတော့ တစ်အားပျက်စီးတယ်။ ကျွန်တော်တို့ဆီမှာ Indicator အရ နောက် မှာရောက်ပေမယ့် သူတို့လာကြည့်တဲ့အခါကျရင် အများကြီးအလားအလာရှိတယ်။ သဘာဝဘေးအန္တရာယ်လည်း နည်းတယ်။ အလုပ်သမားခလည်း သက်သာတယ်။ လူစွမ်းအားအရင်းအမြစ် ကျွမ်းကျင်မှုတွေလည်း ယခင်ထက်စာရင် တနေ့တခြားအများကြီး တိုးတက်လာတယ်။ doing Business မှာနောက်ရောက်နေပေမယ့်လည်း လာရောက်ရင်းနှီးမြှုပ်နှံဖို့ အများကြီး စိတ်အားထက်သန်မှုရှိတယ်လို့
သတင်းရတယ်။ ဒါတွေကလည်း ကျွန်တော်တို့နိုင်ငံအတွက် အလားအလာကောင်းပဲ"ဟု ၎င်းက ဆက်လက် ပြောဆိုသည်။

ထို့ကြောင့် မြန်မာနိုင်ငံတွင် နိုင်ငံခြားရင်းနှီးမြှုပ်နှံမှုများလာရောက်ရင်းနှီးမြှုပ်နှံအောင် အကုန်လုံးက ပေါင်းစပ်ညှိနှိုင်း၍ ပြည်တွင်း၊ ပြည်ပရင်းနှီးမြှုပ်နှံမှု၊ အသေးစားနှင့် အလတ်စားလုပ်ငန်းများ၊ လျှပ်စစ်နှင့် စွမ်းအင်လုပ်ငန်းများ စသည့် စီးပွားရေးလုပ်ငန်းများဖွံ့ဖြိုးတိုးတက်အောင် တောက်လျှောက် အားပေးဆောင်ရွက်နေကြောင်း သိရသည်။

Credit: Myanmar Time