အိမ်ခြံမြေအကျိုးဆောင်တစ်ဦးကို လက်ထပ်သင့်သည့် အကြောင်းရင်းများ

အကယ်၍ သင်သည် အိမ်ခြံမြေအကျိုးဆောင်တစ်ဦးနှင့် date လုပ်တော့မည် (သို့မဟုတ်) လက်ထပ်ခွင့်တောင်းခံလာခြင်းကို ဖြေကြားရတော့မည်ဆိုပါက သင်ပြောသင့် ၊ ဆုံးဖြတ်သင့်သည့် တစ်ခုတည်းသော အဖြေမှာ “Yes” ဖြစ်လေသည်။ယင်းသို့ လက်ခံသင့်သည့် အကြောင်းရင်းများမှာ အောက်ပါအတိုင်း ဖြစ်လေသည်။

၁။ အိမ်ခြံမြေအကျိုးဆောင်တစ်ဦးကို လက်ထပ်ပါက စိတ်ရောဂါကု ဆရာဝန်ထံသွားရန်မလိုတော့ဘဲ ငွေကုန်ကြေးကျ သက်သာမည် ဖြစ်သည်။
အိမ်ခြံမြေအကျိုးဆောင်ထက်ပို၍ လူတို့၏စိတ်ကို ချမ်းသာအောင် လုပ်ပေးနိုင်သည့်ပညာရှင်ဟူသည် မရှိချေ။

၂။ အိမ်ခြံမြေအကျိုးဆောင်တို့သည် ကိုယ်စိတ်ကြံ့ခိုင်ကြသည်။
သူတို့သည် အလွယ်တကူ လက်လျှော့အရှုံးပေးစွန့်လွှတ်လေ့မရှိ။ ဟန်းနီးမွန်းကာလ ပြီးဆုံးသွားသည့်တိုင် ခြေကုန်လက်ပန်းကျ သွားမည့်သူများ မဟုတ်ချေ။

၃။ အိမ်ခြံမြေအကျိုးဆောင်တို့သည် ညှိနှိုင်းစည်းရုံးနိုင်စွမ်း အားကောင်းသူများ ဖြစ်ကြသည်။အကယ်၍ သင်က ကမ်းခြေသို့ အပန်းဖြေခရီးထွက်ချင်နေပြီး သူက တောင်ပေါ်မြို့ကလေးတစ်မြို့ဆီ သွားချင်သောအခါမျိုးတွင် မည်သို့ အဖြေထွက်မည် ထင်ပါသနည်း။
သေချာပါသည်၊ တောင်ပေါ်မြို့ကလေးသို့ ချက်ခြင်းပင် ရောက်လိုစိတ်ပေါ်သွားပါလိမ့်မည်။
သင့်အနွေးထည်များကိုသာ ခရီးဆောင်အိတ်ထဲ ထည့်သိုလိုက်ပါ။
မည်သို့ဖြစ်စေ၊ သူ့ဆန္ဒရှိသည့်နေရာသို့ ခရီးထွက်ခြင်းမှာ ပိုမိုကောင်းမွန်ပါသည်။

အဘယ့်ကြောင့်ဆိုလျှင် ကမ်းခြေသို့ သင်ယခင်ကလည်း ကြိမ်ဖန်များစွာ ရောက်ဖူးခဲ့ပြီးဖြစ်သည် မဟုတ်ပါလော။

၎။ အိမ်ခြံမြေအကျိုးဆောင်တို့သည် ဆက်သွယ်ရန် လွယ်ကူသူများ ဖြစ်ကြသည်။ဖုန်းကို ကိုယ်နှင့်မကွာဆောင်ထားကြ၏။ သူတို့၏ ဘဝရပ်တည်မှုသည် တယ်လီဖုန်းအပေါ်တွင် မူတည်နေသည် မဟုတ်ပါလော။

၅။ အလှစစ်ဟူသည်မှာ အရေပြားတစ်ထောက်ထက် ပိုမိုအရေးပါကြောင်း
အိမ်ခြံမြေအကျိုးဆောင်တို့ နားလည်ကြသည်။
အိမ်ခြံမြေတို့၏ ပြင်ပဆေးရေးအလှထက် အတွင်းပိုင်းမွမ်းမံမှုများ၏ တန်ဖိုးကို အသေအချာနားလည်ထားကြသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)