ကမ္ဘာ့အကြီးဆုံးမိုးလုံလေလုံနှင်းလျှောစီးစခန်းကို တရုတ်နိုင်ငံ ရေခဲမြို့တော်တွင် ဖွင့်လှစ်

တရုတ်နိုင်ငံ၏ အကြီးဆုံးအိမ်ခြံမြေ developer ကုမ္ပဏီ Dalian Wanda Group တည်ထောင်သူနှင့် အချမ်းသာဆုံးလုပ်ငန်းရှင်သူဌေးကြီး ၀မ်ကျန်းလင်
တည်ဆောက်ပိုင်ဆိုင်သည့် ကမ္ဘာ့အကြီးဆုံးမိုးလုံလေ
လုံနှင်းလျှောစီးစခန်းကိုရေခဲမြို့တော်ဟု လူသိများသော နိုင်ငံအရှေ့မြောက်ပိုင်းရှိ ဟာပင်မြို့တွင်
ပြီးခဲ့သည့်သောကြာ (ဇွန် ၃၀) ၌ တရားဝင်ဖွင့်လှစ်လိုက်ပြီဖြစ်သည်။

ပိုင်ဆိုင်မှု အမေရိကန်ဒေါ်လာ ၃၀ ဒသမ ၆ ဘီလျံ ရှိမည်ဟု ခန့်မှန်းခံထားရသောဝမ်ကျန်းလင်က Harbin Wanda City မိုးလုံလေလုံနှင်းလျှောစီးစခန်းကို ယွမ် ဘီလျံ၄၀ အမေရိကန်ဒေါ်လာ
၆ ဘီလျံနီးပါး အကုန်ကျခံတည်ဆောက်ထားခြင်း ဖြစ်သည်။

နိုင်ငံ၏ အရှည်ကြာဆုံးနှင့် အပြင်းထန်ဆုံးဆောင်းတွင်းကို
ပိုင်ဆိုင်ထားသည့်
ဟာပင်မြို့သည် ရုရှားနယ်စပ်အနီး တည်ရှိသည်။ ထို့ကြောင့် ၎င်းနှင်းလျှောစီးစခန်းသည်လည်း ရုရှားဗိသုကာတစ်ရပ်ပင် ဖြစ်နေသည်။

စခန်းတွင် အမျိုးမျိုးသော ရေမျက်နှာပြင်အမှတ်များရှိသော နိမ့်လျှောများ ပါဝင်သည့်နှင်းလျှောစီးလမ်း ၆ ခုရှိသည်။ အရှည်ဆုံးနှင်းလျှောစီးလမ်းသည် အလျား မီတာ၅၀၀ ရှိသည်။ လူ ၃ ထောင် ဆံ့ရန် တည်ဆောက်ထားသော ယင်းနှင်းလျှောစီးစခန်းသို့ ယခုနှစ်ကုန်အထိ လာရောက်သူ
၎ သိန်း ရှိမည်ဟု ခန့်မှန်းထားကြသည်။

အနိမ့်ဆုံးအနေဖြင့် ရေခဲအမှတ်အောက် ၃၆ ဒီဂရီစင်တီဂရိတ်အထိ အပူချိန်ကျဆင်းသော၊ ခြောက်လအထိ ကြာနိုင်သော ဆောင်းရာသီရှိသည့် ဟာပင်တွင် ၎င်းမိုးလုံလေလုံနှင်းလျှောစီးစခန်းက စိတ်ဝင်စားဖွယ်ရာအတိဖြစ်နေသည်။

တရုတ်နိုင်ငံက လာမည့် ၂၀၂၂ ခုနှစ် ဆောင်းရာသီအိုလံပစ်အားကစားပွဲတော်ကို
အိမ်ရှင်နိုင်ငံအဖြစ် လက်ခံကျင်းပရန် ပြင်ဆင်လျက်ရှီသဖြင့် နှင်းလျှောစီးခြင်းသည်၎င်းတို့နိုင်ငံတွင် ရေပန်းစားလာသည်။


ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com