အတွင်းဝန်ရုံးရှိ ပါလီမန်အဆောက်အအုံ၊ ဝန်ကြီးများ အစည်းအဝေးခန်းမအပါအဝင် နေရာသစ်များအား အများပြည်သူသို့လေ့လာခွင့်ပြုမည်

ဇူလိုင် ၁၉ ရက်တွင် ကျရောက်မည့် နှစ်(၇ဝ)ပြည့် အာဇာနည်နေ့တွင် ရန်ကုန်မြို့ အတွင်းဝန်ရုံးအတွင်းရှိ တိုင်းပြုပြည်ပြုလွှတ်တော်ရုံး(ပါလီမန် အဆောက်အအုံ)၊ ကက်ဘိနက် ဝန်ကြီးများအစည်းအဝေးခန်းတို့
အပါအဝင် နေရာသစ်များကို အများပြည်သူသို့ လေ့လာခွင့်ပြုသွားမည်ဖြစ်ကြောင်း အတွင်းဝန်ရုံး ထိန်းသိမ်းစောင့်ရှောက်ရေးအဖွဲ့ ပြောရေးဆိုခွင့်ရှိသူ မမေသန္တာဝင်းက ပြောသည်။

ယခုနှစ်တွင် ပထမဦးဆုံးအကြိမ်အဖြစ် နေရာသစ်များကို အများ ပြည်သူ ကြည့်ရှုလေ့လာခွင့်ရရှိရန် ဆောင်ရွက်ပေးမည်ဖြစ်ပြီး ဇူလိုင် ၁၉ ရက် အာဇာနည်နေ့တွင် နံနက် ၈ နာရီခွဲမှ စတင်ကာ အများပြည်သူများသို့ ကြည့်ရှုလေ့လာခွင့်ပြုသွားမည်ဖြစ်ကြောင်း သိရသည်။

''အရင်နှစ်တွေနဲ့မတူဘဲ ဒီနှစ်မှာ တိုင်းပြုပြည်ပြုလွှတ်တော်ရုံး(ပါလီမန် အဆောက်အအုံ)ကို အများပြည်သူလေ့လာနိုင်ဖို့ ပထမဆုံးအကြိမ် ဖွင့်ပေး သွားမယ်။ အဲဒီအဆောက်အအုံက ၁၉၂ဝ ခုနှစ်ကျော်လောက်ကတည်းက ဆောက်ခဲ့တဲ့ဟာ။ မြန်မာနိုင်ငံရဲ့ ဒီမိုကရေစီမွေးဖွားတဲ့နေရာလို့တောင် ပြောလို့ရတယ်။ လွှတ်တော်ရဲ့ ကနဦးနေရာလည်း ဖြစ်ပါတယ်။
နောက်ပြီးတော့ ဗိုလ်ချုပ်တို့ လုပ်ကြံခံရတဲ့အခန်း။ အရင် ဘယ်တုန်းကမှ အများပြည်သူကို ဖွင့်မပြခဲ့ဘူး။ ဒီနှစ်က ပထမဆုံးဖွင့်ပြမယ့် နှစ်ဖြစ်တယ်။ အထဲမှာလည်း ဗိုလ်ချုပ်တို့ လုပ်ကြံခံရတုန်းက ရှိခဲ့တဲ့ ပရိဘောက အဟောင်းတွေ၊ လုပ်ကြံခံရတုန်းက ကျန်ခဲ့တဲ့ စားပွဲတွေ၊ ခုံတွေ အကုန်လုံးကို အမျိုးသားပြတိုက်ကနေ အဲဒီနေ့ တစ်ရက်အတွက် ငှားပြီး အများပြည်သူကြည့်ရှုခွင့်ရမယ်''ဟု မမေသန္တာဝင်းက ယခုနှစ် အာဇာနည်နေ့အတွက် အတွင်းဝန်ရုံးအတွင်း ပြင်ဆင်ဆောင်ရွက်ထားမှုများကို ရှင်းပြသည်။

နှစ် (၇ဝ)ပြည့်အထိမ်းအမှတ် အာဇာနည်နေ့အခမ်း အနား၌ နံနက် ၈ နာရီတွင် အတွင်းဝန်ရုံးအတွင်းရှိ အာဇာနည်အထိမ်းအမှတ်ကျောက်တိုင်နှင့် မြန်မာနိုင်ငံ လွတ်လပ်ရေးရရှိခဲ့စဉ် အလံတင်အခမ်းအနားပြုလုပ်ခဲ့ သည့် အလံတိုင်တွင် နိုင်ငံတော်အလံလွှင့်တင်ခြင်းကို ဆောင်ရွက်မည်ဖြစ်ပြီး ပြည်သူများကို နံနက် ၈ နာရီခွဲမှစတင်ကာ ဝင်ခွင့်ပြုမည်ဖြစ်ကြောင်း သိရသည်။

ယခုနှစ်တွင် တိုင်းပြုပြည်ပြုလွှတ်တော်ရုံး (ပါလီမန် အဆောက်အအုံ)ကို ဖွင့်လှစ်ပြသမည်ဖြစ်ပြီး အဆိုပါ လွှတ်တော်နေရာတွင် ၁၉၃၆ ခုနှစ်မှ ၁၉၆၂ ခုနှစ်အထိ မြန်မာနိုင်ငံ၏လွှတ်တော်ကို ကျင်းပခဲ့သည်။ မြန်မာနိုင်ငံ၏ အစောပိုင်း ဖွဲ့စည်းပုံအခြေခံဥပဒေများကိုလည်း ထိုလွှတ်တော်ရုံးတွင် မူကြမ်းရေးဆွဲခဲ့ခြင်းဖြစ်ကြောင်း သိရသည်။

ယင်းအပြင် အတွင်းဝန်ရုံး အနောက်ဘက်အဆောင်ရှိ ကက်ဘိနက်ဝန်ကြီးများ အစည်းအဝေးခန်းမကို အများပြည်သူကို လေ့လာခွင့်ပြုမည်ဖြစ်ပြီး ယင်းအစည်းအဝေး ခန်းမကို ၁၉ဝ၅ ခုနှစ်ကတည်းက အုပ်ချုပ်ရေး၊ စီမံရေးရာ များအတွက် အသုံးပြုခဲ့သည်။ ယင်းအခန်းမှာ ဗိုလ်ချုပ် အောင်ဆန်း၏ ရုံးထိုင်ရာ အခန်းလည်းဖြစ်သည်။ ယခုနှစ် တွင် အမျိုးသားပြတိုက်၌ ထိန်းသိမ်းထားခဲ့သော လုပ်ကြံခံရစဉ်က ရှိခဲ့သည့် မူရင်းပရိဘောဂများကို ခေတ္တ ငှားရမ်းကာ ထားရှိပြသသွားမည်ဖြစ်သည်။

အာဇာနည်နေ့အခမ်းအနားနှင့်အတူ ပန်းချီပြပွဲကိုလည်း ကျင်းပသွားမည်ဖြစ်ပြီး အသက် (၁ဝ)နှစ်မှ (၁၄) နှစ်ကြား ကျောင်းသားများ၏ ပန်းချီအနုပညာ လက်ရာများကို မေလလယ်မှစတင်၍ ပေးပို့ရန် ဖိတ်ခေါ် ခဲ့ပြီး လက်ရှိပန်းချီကားပေါင်း ၂၇ဝ ကျော် လက်ခံရရှိ ခဲ့ပြီဖြစ်ကာ ယင်းနေ့တွင် အတွင်းဝန်ရုံးအတွင်း၌ ပန်းချီ ကား ၄ဝ ခန့်ကို ပြသထားရှိမည်ဟု သိရသည်။ အလားတူ ပန်းချီပြပွဲ ဆုချီးမြှင့်ပွဲကိုလည်း မွန်းလွဲ ၂ နာရီတွင် အတွင်းဝန်ရုံးအတွင်း၌ ပြုလုပ်သွားမည်ဖြစ်ကြောင်း သိရသည်။

ထို့အတူ အာဇာနည်နေ့အထိမ်းအမှတ် အမျှအတမ်း ပေးလှူခြင်းကို ဇူလိုင် ၁၈ ရက် ညနေ ၆ နာရီတွင် ပြုလုပ်သွားမည်ဖြစ်ကြောင်း သိရသည်။ ယခုနှစ်တွင် အာဇာနည်နေ့အထိမ်းအမှတ်အဖြစ် အတွင်းဝန်ရုံး အဆောက်အအုံကို ထိန်းသိမ်းရန် ကြိုးပမ်းမှုများနှင့် အာဇာနည်နေ့တွင် ပြုလုပ်မည့် အစီအစဉ်အခမ်းအနားများကို တစ်ပြေးညီ သိရှိလိုသော ပြည်သူများအတွက် ရည်ရွယ်၍ ဖေ့စ်ဘွတ်စာမျက်နှာတစ်ခု ပြုလုပ်ထားကြောင်း သိရသည်။

တစ်နေ့တာအတွင်း အတွင်းဝန်ရုံးတွင် ပြုလုပ်သော အစီအစဉ်များကို Live ဗီဒီယိုအဖြစ်ဖေ့စ်ဘွတ်စာမျက်နှာမှတစ်ဆင့်တိုက်ရိုက်လွှင့်တင်သွား
မည်ဖြစ်သဖြင့် ww.facebook.com/thesecretariatyangon/ တွင် ဖတ်ရှုကြည့်ရှုနိုင်ကြောင်း ယနေ့အတွင်းဝန်ရုံးတွင် ပြုလုပ်ခဲ့သော သတင်းစာရှင်းလင်းပွဲမှ သိရသည်။

Credit:The Mirror