ထိုင်း-တရုတ်မီးရထားလမ်း ဆောက်လုပ်ရာတွင် တရုတ်ကုမ္ပဏီတစ်ခုခုကို တာဝန်ပေးရန် ထိုင်းဝန်ကြီးချုပ်က ပုဒ်မ ၄၄ ကို ကိုင်တွယ်ကာ အမိန့်ထုတ်ပြန်

ထိုင်းနိုင်ငံ ဘန်ကောက်မြို့ တော်မှ နခွန် ရပ်ချာစီမာအကြား ဖောက်လုပ်မည့် ထိုင်း-တရုတ် မြန်နှုန်းမြှင့် မီးရထားလမ်းပိုင်းကို ယခု ၂၀၁၇ ခုနှစ်အတွင် လုပ်ငန်းများ စတင်နိုင်ရေးအတွက် ထိုင်းဝန်ကြီးချုပ် ပရာယု ချန်အိုချာက ပုဒ်မ ၄၄ ကိုကိုင်တွယ်ကာ အမိန့်တစ်ရပ် ထုတ်ပြန်လိုက်ကြောင်း ဘန်ကောက်အိမ်ခြံမြေသတင်းဝက်ဘ်ဆိုက် သတင်းတစ်ရပ်တွင် ဖော်ပြသည်။

ထိုင်းနိုင်ငံတွင် ၂၀၁၄ ခုနှစ်အတွင်း စစ်အာဏာသိမ်းမှု ပေါ်ပေါက်ပြီးနောက် ချူလာလောင်ကွန်းတက္ကသိုလ်မှ ဥပဒေဆရာများက ကြားဖြတ်ဖွဲ့စည်းပုံအခြေခံဥပဒေကို ရေးဆွဲပေးခဲ့ကြသည်။
အဆိုပါ ကြားဖြတ်ဖွဲ့စည်းပုံတွင် ပါရှိသည့် ပုဒ်မ ၄၄ မှာ ဝန်ကြီးချုပ် ပရာယုအနေဖြင့် ပြည်သူများအတွင်း စည်းလုံးမှုကို မြှင့်တင်ရန်နှင့် ငြိမ်းချမ်းရေးကို ယိုယွင်းစေမည့်လုပ်ရပ်များကို ကာကွယ်ရန် လိုအပ်သည့် မည်သည့်အမိန့်ကိုမဆို ထုတ်ပြန်နိုင်သည့် အကြွင်းမဲ့အာဏာ ပေးအပ်ထားသည်။

ဝန်ကြီးချုပ် ပရာယုဦးဆောင်သည့် အမျိုးသား ငြိမ်းချမ်းရေးနှင့် တရားဥပဒေစိုးမိုးရေးကောင်စီမှ ထုတ်ပြန်လိုက်သော အမိန့်အမှတ် ၃၀/၂၀၁၇ သည် ၂၅၂ ကီလိုမီတာရှည်လျားသည့် မီးရထားလမ်းပိုင်းဖောက်လုပ်ရေးတွင် နှောင့်နှေးစေမည့် လုပ်ထုံးလုပ်နည်းဆိုင်ရာနှင့် ဥပဒေဆိုင်ရာ ပြဿနာများကို ဖြေရှင်းပေးရန် ဖြစ်သည်ဟု ဆိုသည်။

အမိန့်အမှတ် ၃၀/၂၀၁၇ ကို ထိုင်းအစိုးရထုတ် Royal Gazette တွင် ဖော်ပြခဲ့ပြီး ဖြစ်သည်။

အဆိုပါအမိန့်တွင် ညွှန်ကြားထားသည်မှာ ထိုင်းအစိုးရမီးရထားလုပ်ငန်း (SRT) အနေဖြင့် ထိုင်း-တရုတ် မီးရထားလမ်း ဆောက်လုပ်မှုကို ကွပ်ကဲရေးအတွက် တရုတ်ကုမ္ပဏီတစ်ခုခုကို ငှားရမ်းရန် ညွှန်ကြားထားသည်။

ငှားရမ်းမည့် ကုမ္ပဏီသည် တရုတ်အမျိုးသား ဖွံ့ဖြိုးရေးနှင့် ပြန်လည်ထူထောင်ရေးကော်မရှင်၏ အသိအမှတ်ပြုလက်မှတ် ရရှိသူဖြစ်ရမည် ဟူသည့်အချက်လည်း ပါဝင်သည်။

ငှားရမ်းမည့် ကုမ္ပဏီသည် မီးရထားလမ်း အခြေခံအဆောက်အအုံဒီဇိုင်းအပြင် လျှပ်စစ်စနစ်များကိုပါ ကြီးကြပ်ကွပ်ကဲပေးရမည် ဖြစ်သည်။
စီမံကိန်း ဆောက်လုပ်ရေးအတွက် အကြံပေးပုဂ္ဂိုလ်အဖြစ်လည်း တာဝန်ယူရမည့်အပြင် စီမံကိန်းဝန်ထမ်းများကိုလည်း လေ့ကျင့်မှုများ ပြုလုပ်ပေးရမည် ဖြစ်သည်။

SRT သည် စီမံကိန်းကုန်ကျစရိတ်၊ အစိုးရအဖွဲ့၏ ဆုံးဖြတ်ချက်များ၊ ထိုင်း-တရုတ် မီးရထားလမ်းကော်မတီ၏ အစည်းအဝေး ဆွေးနွေးချက်များအပေါ် အခြေခံကာ သဘောတူစာချုပ်မှုကြမ်းရေးဆွဲရမည်ဟု ယခုအမိန့်တွင် ညွန်ကြားထားသည်။
စာချုပ်မူကြမ်းကို ရက်ပေါင်း ၁၂၀ အတွင်း အပြီးသတ်ရေးဆွဲရမည်ဟုလည်း ပါဝင်သည်။

အကယ်၍ မပြီးစီးနိုင်ပါက ပို့ဆောင်ရေးဝန်ကြီးဌာနသို့ ရှင်းပြရမည်ဖြစ်သည်။
ပို့ဆောင်ရေးဝန်ကြီး အာခွန်က အစောပိုင်းကပင် အစီရင်ခံခဲ့သည်မှာ မိမိတို့ဝန်ကြီးဌာနသည် မီးရထားလမ်း၏ ပထမလမ်းပိုင်းတွင် နှောင့်နှေးရသည့် ပြဿနာများ ရင်ဆိုင်ရကြောင်း အစီရင်ခံခဲ့ပြီး ဝန်ကြီးချုပ်အနေဖြင့် ပုဒ်မ ၄၄ ကို အသုံးပြုပေးပါရန် တောင်းဆိုခဲ့သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)