ကျိုက်ထီးရိုးဘုရားကို ရှေးဟောင်း ယဉ်ကျေးမှု အမွေအနှစ် တည်ရှိရာဇုန်အဖြစ် သတ်မှတ်မည်

မွန်ပြည်နယ်၊ ကျိုက်ထိုမြို့နယ်ရှိ ကျိုက်ထီးရိုးဘုရား တည်ရှိရာနေရာကို မွန်ပြည်နယ် ရှေးဟောင်းယဉ်ကျေးမှု အမွေအနှစ်များ ကာကွယ်ထိန်းသိမ်းရေး ဥပဒေအရ ရှေးဟောင်းအမွေအနှစ် တည်ရှိရာဇုန်အဖြစ် သတ်မှတ်မည်ဖြစ်ကြောင်း မွန်ပြည်နယ် လူမှုရေးဝန်ကြီး ဒေါက်တာထိန်လင်းက ပြောကြားသည်။

ကျိုက်ထီးရိုးဘုရား တည်ရှိရာ နေရာကို ရှေးဟောင်းယဉ်ကျေးမှု အမွေအနှစ်များ တည်ရှိရာ နေရာအဖြစ် သတ်မှတ်ရန် အစီအစဉ် ရှိ၊ မရှိ ကိစ္စရပ်နှင့်ပတ်သက်၍ ဒုတိယအကြိမ် မွန်ပြည်နယ် လွှတ်တော် ဆဋ္ဌမပုံမှန်အစည်းအဝေး စတုတ္ထနေ့တွင် သထုံမြို့နယ် မဲဆန္ဒနယ်အမှတ် (၂)မှ လွှတ်တော်ကိုယ်စားလှယ် ဒေါ်ခိုင်ခိုင်လဲ့က မေးမြန်းရာ ဝန်ကြီးက အထက်ပါအတိုင်း ဖြေကြားခဲ့သည်။

“ကာကွယ်ရေးဇုန်အဖြစ် သတ်မှတ်ထားတယ်၊ ရှေးဟောင်း ယဉ်ကျေးမှုဇုန်အနေနဲ့ သတ်မှတ်မယ်ဆိုရင် သူက စည်းကမ်းချက်များတယ်၊ ရှေးဟောင်း ယဉ်ကျေးမှု ဇုန်အနေနဲ့ သတ်မှတ်ဖို့ လိုက်နာရမယ့် စည်းကမ်းညွှန်ကြားချက် ၂၂ ချက်လောက်ရှိတယ်၊ အဲဒီမှာရှိတဲ့ လူတွေ၊ ဆိုင်တွေရော၊ ဂေါပကအဖွဲ့တွေရော၊ ဟိုတယ်တွေရော ချပြရှင်းလင်းပြီးတော့ သူတို့အနေနဲ့ လိုက်နာနိုင်မှ ဒီဇုန်ကို သတ်မှတ်မယ်”ဟု လူမှုရေးဝန်ကြီး ဒေါက်တာထိန်လင်းက ပြောသည်။

ကျိုက်ထီးရိုးဘုရားနှင့် ပတ်သက်၍ ပြည်ထောင်စု ယဉ်ကျေးမှုဝန်ကြီးဌာမှ အမိန့်ကြော်ငြာစာအမှတ် (၄/၉၉) (၁၁-၁၀-၁၉၉၉) ရက်နေ့မှစ၍ ကာကွယ် ထိန်းသိမ်းထားသောဇုန် (Protected Zone) အဖြစ် သတ်မှတ်ထားကြောင်း၊ မွန်ပြည်နယ် အစိုးရအနေနှင့်လည်း ကျိုက်ထီးရိုးဘုရားကို ဇုန်နယ်မြေအဖြစ် သတ်မှတ် ကာကွယ်ထိန်းသိမ်းရန် အစီအစဉ်ရှိကြောင်း၊ အချိန်တစ်နှစ်ခန့် ယူရမည်ဖြစ်ကြောင်း ၎င်းထံမှ သိရသည်။

ကျိုက်ထီးရိုးဘုရားကို ရှေးဟောင်း ယဉ်ကျေးမှုအမွေအနှစ် တည်ရှိရာဇုန်အဖြစ် သတ်မှတ်မည်ဆိုပါက ဇုန်အတွင်း လိုက်နာရမည့် စည်းကမ်းသတ်မှတ်ချက်များ၊ အမိန့်ညွန်ကြားချက်များ သတ်မှတ်မည်ဖြစ်ပြီး မလိုက်နာပါက အရေးယူသွားမည်ဖြစ်ကြောင်း မွန်ပြည်နယ်အစိုးရထံမှ သိရသည်။

ကျိုက်ထီးရိုးဘုရား၏ သဘာဝကြိုးဝိုင်းတောမြေဧရိယာမှာ ၃၈၅၅၃ ဒသမ ၆၁ ဧက ရှိပြီး ကျိုက်ထီးရိုး သာသနာ့မြေအဖြစ် ဧရိယာမှာ ၆၆၉၂ ဧကရှိကြောင်း မွန်ပြည်နယ် လူမှုရေးဝန်ကြီးဌာန၏ စာရင်းများအရ သိရသည်။

Credit: The Voice