ကွန်ဒိုဥပဒေကြန့်ကြာနေခြင်းက ဈေးကွက်လေးဖင့်နေရသည့်အကြောင်းရင်း တစ်ရပ်ဖြစ်

အိမ် ခြံ မြေ ဈေးကွက်လေးဖင့်နေရသည့်အကြောင်အရင်းများစွာရှိသည့်အနက် ကွန်ဒို နည်းဥပဒေကြန့်ကြာနေခြင်းသည်လည်း တစ်ခုအပါအဝင်ဖြစ်ကြောင်း မြန်မာနိုင်ငံအိမ် ခြံ မြေ ဝန်ဆောင်မှုအသင်းဗဟိုမှ ဒုတိယဥက္ကဌဖြစ်သူ ဦးသန်းဦးမှ ပြောဆိုသုံးသပ်သည်။

""ကွန်ဒို နည်းဥပဒေမထွက်သေးတော့ တိကျတဲ့စည်းကမ်းတွေ
မရှိသေးတော့ အလုပ်ဖြစ်တာကြာနေတယ်။ဈေးကွက်ဘေးဖင့်နေရနဲ့
အထဲမှာ ဒါလည်းပါတာပေါ့။အိမ် ခြံ မြေ ဈေးကွက်ကောင်းဖို့ကတော့ မှန်ကန်တိကျစနစ်ကျတဲ့ ဥပဒေတွေရှိဖို့လိုသလို ပြည်သူတွေဝင်ငွေကောင်းဖို့လိုတယ်။နောက်ပြီး နိုင်ငံရဲ့ စီးပွားရေးကောင်းဖို့လည်း အရေးကြီးတာပေါ့။ဒါမှ အိမ် ခြံ မြေ ဈေးကွက်ကောင်းလာမှာပေါ့။""ဟု ဦးသန်းဦးမှ ပြောပြသည်။

လက်ရှိ အိမ် ခြံ မြေ ဈေးကွက်တွင် အရောင်းအဝယ်ပိုင်းဆိုင်ရာအရ စတော့ရှယ်ယာဈေးကွက်အားလျော့သွားခြင်း ၊ ဒေါ်လာဈေးစိတ်မချရသဖြင့် မြုပ်နှံသူနည်းသွားခြင်း ၊ ရွှေဈေးအတက်ပြနေသဖြင့် ဝယ်ယူသူနည်းသွားခြင်းအစရှိသည်တို့ကြောင့် အိမ် ခြံ မြေ ဘက်သို့ဦးလှည့်လာကြကြောင်းသိရသည်။မြေဈေးကွက်မှာမူ အိမ် ဈေးကွက်၊ တိုက်ခန်းဈေးကွက်များထက်ပိုမိုအားကောင်းလာနေကြောင်းသိရသည်။

သို့သော် အားကောင်းသည်မျိုးမဟုတ်ဘဲ အတန်အသင့်သာ ဈေးကွက်ဖြစ်ထွန်းနေကြောင်းသိရသည်။
အငှားဈေးကွက်မှာလည်း ယခင်လများနှင့် နှိုင်းယှဉ်ပါက
အနည်းငယ်ကျဆင်းသွားကြောင်း သိရသည်။

မင်းချို မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com