ရှန်ဟိုင်းအိမ်ခြံမြေဈေးကွက် ရှင်းလင်းပြုပြင်

တရုတ်နိုင်ငံ ရှန်ဟိုင်းမြို့တွင် မြို့၏ အိမ်ခြံမြေဈေးကွက်တွင် မသမာမှု၊ မူမမှန်မှုများကို နှိမ်နင်းရန် ယခုနောက်ဆုံးကြိုးပမ်းမှုအဖြစ် ကုန်သွယ်ရေးအဆောက်အအုံစီမံကိန်းအချို့
တွင် ရှင်းလင်းပြုပြင်ရေးအစီအစဉ်တစ်ခုကို စတင်လိုက်ပြီဖြစ်သည်။

ကုန်သွယ်ရေးအမျိုးအစားအဖြစ် ခေါင်းစဉ်တပ်ထားသော စီမံကိန်း စတုရန်းမီတာ ၁၇ သန်းနီးပါးသည် ကုန်သွယ်ရေးမြေကွက်များတွင် တည်ဆောက်ထားသော်လည်း လူနေလိုအပ်ချက်များနှင့် ကိုက်ညီရန်လည်း ရည်ရွယ်တည်ဆောက်နေသည်ကို စစ်ဆေး
တွေ့ရှိရကြောင်း၊ ၎င်းစီမံကိန်းများအနေဖြင့် ယင်းအခြေအနေကို ပြင်ဆင်ရန် လိုအပ်ကြောင်း မြို့အစိုးရက ယမန်နေ့ (မေ ၁၇) တွင် ထုတ်ပြန်ကြေညာခဲ့သည်။

ထိုအစီအစဉ်သည် မြို့၏ အိမ်ခြံမြေဈေးကွက်ကို စည်းကမ်းထိန်းသိမ်းရန် အဓိကကျသည့် ခြေလှမ်းတစ်ရပ်ဖြစ်ကြောင်း မြို့တော်ဝန် ယင်ယုံက ပြောကြားခဲ့သည်။

ယင်းရှင်းလင်းပြုပြင်မှုအတွက် အိမ်ခြံမြေ developer (မြေယာဝယ်ယူ၍ အဆောက်အအုံဆောက်လုပ်ရောင်းချသူကုမ္ပဏီ) များတွင် တာဝန်ရှိမည်ဖြစ်ကာ မတူညီသော ကိစ္စရပ်များတွင် မတူညီကွဲပြားသော ချဉ်းကပ်နည်းများကို အသုံးပြုမည်ဖြစ်ကြောင်းလည်း အစိုးရက ထုတ်ပြန်ခဲ့သည်။

လက်ရှိတွင် ဈေးကွက်ထဲ မရောက်ရှိသေးသည့် စီမံကိန်း စတုရန်းမီတာ ၁၂ သန်းခန့်ရှိနေသည်။ ၎င်းတို့၏ developer များသည် ဆောက်လုပ်မှုလုပ်ငန်းစဉ်အတွင်း စည်းမျဉ်းစည်းကမ်းချိုးဖောက်မှုမရှိအောင် ပြုပြင်တည့်မတ်သင့်သည်။ ၎င်းတုိ့သည်
ဒေသခံအိမ်ခြံမြေအာဏာပိုင်များ၏ စစ်ဆေးမှုများကို မအောင်မြင်သေးသရွေ့ ဆောက်လုပ်မှုနှင့် ရောင်းချမှုများကို ရှေ့တိုး၍ရ မရပေ။

ရှန်ဟိုင်းအစိုးရသည် ကုန်သွယ်ရေးအမျိုးအစားအဖြစ် ခေါင်းစဉ်တပ်လာသော အဆောက်အအုံစီမံကိန်းသစ်များအတွက် ခွင့်ပြုချက်ကိုလည်း ဆိုင်းငံ့ထားမည်
ဖြစ်ကြောင်း သိရသည်။

ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com