ဟာသသရုပ်ဆောင် ခရစ်ရော့ခ် ဘရွတ်ကလင်းနေအိမ်ကို ကန်ဒေါ်လာ ၄ သန်းနီးပါးဖြင့် ရောင်းချမည်

ဟာသသရုပ်ဆောင် ခရစ်ရော့ခ် သည် အမေရိကန်ပြည်ထောင်စု ၊ နယူးယောက်မြို့  ဘရွတ်ကလင်းအရပ်ရှိ နေအိမ်ကို ကန်ဒေါ်လာ ၃ ဒသမ ၈၅ သန်းဖြင့် ရောင်းချမည် ဖြစ်ကြောင်း နယူးယောက် အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ခရစ်ရော့စ်သည် အဆိုပါ နေအိမ်ကို ၁၉၉၄ ခုနှစ်ကတည်းက
ပိုင်ဆိုင်ထားခဲ့ပြီး ဖြစ်ပြီး နေထိုင်ခြင်း မရှိဘဲ အငှားချထားခဲ့သည်မှာ နှစ်ပေါင်းများစွာ ကြာခဲ့ပြီဖြစ်သည်။

နေအိမ်ရှိရာ အရပ်မှာ ထိပ်တန်းအနုပညာရှင်များ နေထိုင်ရာ
အရပ်ဖြစ်သည်။“သူဟာ Saturday night live မှာ ပါဝင်သရုပ်ဆောင်ပြီး နာမည်ကျော်ကြားစပြုလာသူတစ်ဦးဖြစ်ပါတယ်” ဟု ဈေးကွက်တင်သည့် အကျိုးဆောင် အန်း ကတ်ဘီလ် လီနာနီ က ပြောကြားသည်။

မစ္စတာ ရော့ခ်သည် ယင်းနေအိမ်ကို ဈေးနှုန်းမည်မျှ ဖြင့်
ဝယ်ယူခဲ့ကြောင်း မသိရှိရချေ။မစ္စတာ ရော့ခ်သည် ဈေးနှုန်းအမျိုးမျိုးဖြင့် ပြန်လည် အငှားချထားခဲ့ရာ ကန်ဒေါ်လာ ၈၀၀၀ မှ ၁၅၀၀၀ ကြား ဖြစ်ကြောင်း အိမ်ခြံမြေမှတ်တမ်းများတွင် ဖော်ပြသည်။

နေအိမ်မှာ သုံးထပ်အဆောက်အအုံဖြစ်ပြီး ၁၉၀၁ ခုနှစ်ခန့်က ဗိသုကာလက်ရာများ ယနေ့တိုင် တွေ့ရှိရသေးသည်။
နေအိမ်အတွင်း အိပ်ခန်း ၃ ခန်း၊ ရေချိုးခန်း ၃ခန်း၊ ဂိုဒေါင် ၁လုံး ၊ အသားကင်ပြုလုပ်ရန် နေရာပါဝင်သည့် ပန်းခြံ တို့ ပါဝင်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)