ကမ္ဘာ့ဒုတိယအသေးဆုံးနိုင်ငံ မိုနာကို

ကမ္ဘာ့နိုင်ငံပေါင်း ၁၉၆ နိုင်ငံရှိတဲ့အနက် နယ်မြေဧရိယာအားဖြင့် အကြီးဆုံးနိုင်ငံ က ရုရှားနိုင်ငံဖြစ်ပြီး အသေးဆုံးကတော့ အီတလီနိုင်ငံ၊ ရောမမြို့ထဲရှိ ပုပ်ရဟန်း မင်းကြီးနေထိုင်တဲ့ ဗာတီကန်စီးတီး (Vatican City) နိုင်ငံလေးပဲဖြစ်ပါတယ်။ ဒုတိယ အသေးဆုံးနိုင်ငံကတော့ မိုနာကို(Monaco)နိုင်ငံဖြစ်ပြီး သူလည်းပဲ ဥရောပနိုင်ငံတစ်ခု ဖြစ်ပါတယ်။ ဥရောပအရှေ့တောင်ဘက်ရှိ French Riviera လို့ခေါ်တဲ့ ပြင်သစ်ကမ်းရိုး တန်းမှာရှိပြီး အရှေ့ဘက်မှာမြေထဲပင်လယ်နဲ့ ကျန်သုံးဖက်မှာ ပြင်သစ်နိုင်ငံကဝန်းရံ ထားတဲ့ ကမ်းခြေနိုင်ငံလေးပါ။
အရှေ့ဘက် ၅ မိုင်လောက်အကွာမှာ ပြင်သစ်အီတလီ နယ်စပ်ရှိလို့ အီတလီနိုင်ငံနဲ့လည်းနီးပါတယ်။

မိုနာကိုနိုင်ငံလေးက ဘယ်လောက်များသေးလဲဆိုရင် အကျယ်အဝန်းစုစုပေါင်း စတု ရန်းမိုင် ၁ ဒသမ ၂၄ သာရှိပြီး မြို့သေးလေးတစ်မြို့စာလောက်ပဲရှိတာပါ။ နိုင်ငံ တစ်ဖက် ကနေတစ်ဖက်ကို အရှေ့နဲ့အနောက်တည့်တည့် လမ်းလျှောက်မယ်ဆိုရင် တစ်နာရီပဲ ကြာလောက်တဲ့အထိ နိုင်ငံလေးကသေးငယ်ပါတယ်။ နိုင်ငံသေးတော့ လေယာဉ်ကွင်း တို့ ဘူတာရုံတို့မရှိပါဘူး။ မိုနာကိုကိုသွားမယ်ဆိုရင် အနောက်ဘက် ၁၂ မိုင်ကျော် အကွာရှိ ပြင်သစ်အပန်းဖြေကမ်းခြေမြို့ နိစ်(Nice)ကနေတစ်ဆင့်ခံသွားရမှာပါ။
နိုင်ငံကသေးငယ်ပေမဲ့ အချမ်းသာဆုံးနိုင်ငံထဲမှာပါတယ်။ လူဦးရေရဲ့ ၃၀ ရာခိုင် နှုန်းက သန်းကြွယ်သူဌေးတွေပါ။ အလုပ်လက်မဲ့ဦးရေက သုညလို့ သိရပါတယ်။ ကိုယ် ပိုင်ရွက်လှေတွေဆို ဆိပ်ကမ်းမှာအပြည့်။ ဟယ်လီကော်ပတာဆင်းဖို့ကွင်းတွေလည်း ရှိပါတယ်။ မိုနာကိုဟာကမ္ဘာ့လူဦးရေ အထူထပ်ဆုံးနိုင်ငံလည်းဖြစ်ပါတယ်။

နိုင်ငံက သေးတော့ လူဦးရေ ၃၈၀၀၀ ကျော်ပဲရှိတာတောင် အကျယ်အဝန်းနဲ့ယှဉ်လိုက်တဲ့အခါမှာ လူဦးရေထူထပ်သွားတာပါ။ လူဦးရေ ၄ သောင်းနီးပါးမှာ ၅ ပုံ ၁ ပုံကသာ ဒေသခံတွေဖြစ် ပြီး ကျန် ၄ ပုံက နိုင်ငံသားခံယူထားတဲ့ ပြည်ပက လာနေထိုင်သူတွေပါ။ လူဦးရေ နည်းပေမဲ့ ခရီးသွားဧည့်သည်ပေါင်း တစ်နှစ်ကို ၁ ဒသမ ၅ သန်းလာရောက်လည်ပတ်ကြပါ တယ်။ အဲဒီတော့ အဓိကစီးပွားရေးက ခရီးသွားလုပ်ငန်းပေါ့။ ဘဏ်လုပ်ငန်းနဲ့ ကာစီ နိုဝိုင်းတွေကလည်း ဝင်ငွေအများဆုံးရပါတယ်။

နှစ်ပေါင်း ၁၅၄ နှစ်သက်တမ်းရှိ Monte Carlo (မွန်တီကာလို)ကာစီနိုရုံက မိုနာကိုနိုင်ငံရဲ့ Landmark တစ်ခုပါ။ James Bond ဇာတ်ကား ၃ ကားတောင်လာရိုက်ခဲ့ရပါတယ်။ ဒါပေမဲ့ နိုင်ငံသားတွေကိုတော့ ကာစီနိုရုံထဲဝင်ကစားခွင့်မပေးပါဘူး။ နောက်ပြီး မိုနာကို Formula F 1ကားမောင်းပြိုင်ပွဲGrandPrixကျင်းပရာနေရာအဖြစ်လည်းနာမည်ကြီးပါသေး
တယ်။ မိုနာကိုရဲ့ လမ်းကျဉ်းကျဉ်းလေးတွေ၊ ကမ်းခြေလမ်းတွေ၊
ဥမင်လှိုဏ် ခေါင်းတွေ ဖြတ်မောင်းရတဲ့ ဒီကားပြိုင်ပွဲကို ကမ္ဘာအနှံ့ကပရိသတ်တွေ လာရောက်အား ပေးကြလေ့ရှိပါတယ်။ တချို့လမ်းတွေမှာ ပြိုင်ကားမောင်းလို့ရအောင်လမ်းဘေးမှာ
သံဗန်းတွေကာ ထားပေးတာတွေ့ရပါတယ်။

မိုနာကိုနိုင်ငံဟာ တော်ဝင်မိသားစုအုပ်ချုပ်ဆဲနိုင်ငံဖြစ်လို့
တော်ဝင်မိသားစုတွေ နေထိုင်နေဆဲ နန်းတော်တွေလည်းတွေ့ခဲ့ရပါတယ်။ မိုနာကိုနိုင်ငံက ရှေးခေတ်က ဩဇာကြီးခဲ့တဲ့ ဂျီနိုယာသမ္မတနိုင်ငံကနေ
၁၂၄၇ ခုနှစ်မှာ လွတ်လပ်ရေးရပြီး နိုင်ငံ တစ်ခုအဖြစ်ခွဲထွက်လာခဲ့တာပါ။ ဖွဲ့စည်းပုံအခြေခံဥပဒေနဲ့ညီတဲ့ မင်းသားအုပ်ချုပ်ခံနိုင်ငံဖြစ်ပြီး ဥရောပမှာရှေးအကျဆုံး Ruling House ဖြစ်တဲ့ ဂရီမယ်လ်ဒီ(Grimaldi)မိသားစုမျိုးဆက်ကနေ အုပ်ချုပ်နေတဲ့
နိုင်ငံဖြစ်ပါတယ်။

၂၀၀၂ ခုနှစ်မတိုင်ခင်ကတော့
ဂရီမယ်လ်ဒီမျိုးဆက်ကနေ အမွေဆက်ခံမယ့်သူမရှိတော့ပါက
ပြင်သစ်နိုင်ငံရဲ့ ထိန်း ချုပ်မှုအာက်ရောက်သွားမယ်လို့
သိထားကြပါတယ်။ဒါပေမယ့် ၂၀၀၂ ခုနှစ်ကချုပ်ဆို ခဲ့တဲ့ ပြင်သစ်-မိုနာကိုသဘောတူစာချုပ်အရ အမွေဆက်ခံမယ့်သူမရှိတော့ရင်လည်း မိုနာကိုဟာ လွတ်လပ်တဲ့နိုင်ငံအဖြစ် ဆက်ရှိနေဦးမှာပါ။

အိမ်ခြံမြေ နှင့် အခြားအရေးကြီး စာချုပ်များ
အင်္ဂလန်နိုင်ငံကို တော်ဝင်မင်းသမီးဒိုင်ယာနာနဲ့တွဲသိကြသလို မိုနာကိုနိုင်ငံကို တော့ တော်ဝင်မင်းသမီးဂရေ့စ်ကယ်လီနဲ့တွဲသိကြပါတယ်။ ချောမောလှပလွန်းတဲ့ အမေရိကန်ရုပ်ရှင်မင်းသမီးဂရေ့စ်ကယ်လီဟာ မိုနာကိုနိုင်ငံမှာ ရုပ်ရှင်သွားရိုက်ရင်း ထိုစဉ်က မိုနာကိုတော်ဝင်မင်းသား ရိန်နီယာ III နဲ့ဖူးစာဆုံကာ ၁၉၅၆ ခုနှစ်မှာ ထိမ်း မြားလက်ထပ်ခဲ့ပြီး ရုပ်ရှင်မင်းသမီးဘဝကနေ တော်ဝင်မင်းသမီးဘဝကိုရောက်ရှိခဲ့ပါတယ်။ ကလေး ၃ ယောက်ဖွားမြင်ခဲ့ပြီး ဒုတိယသားဖြစ်တဲ့ တော်ဝင်မင်းသား အဲလ်ဘတ် II ဟာ အခုလက်ရှိ မိုနာကိုနိုင်ငံကို အုပ်ချုပ်နေသူပဲဖြစ်ပါတယ်။ လူအများ အားကျရခဲ့ပေမဲ့ မင်းသမီးဒိုင်ယာနာလိုပဲ မင်းသမီးဂရေ့စ်ကယ်လီရဲ့ဇာတ်သိမ်းက မလှပခဲ့ပါဘူး။ ၁၉၈၂ ခုနှစ်က ကားအက်ဆီးဒင့်နဲ့ ဆုံးပါးသွားခဲ့ရတာကြောင့်ပါ။

မိုနာကိုနိုင်ငံဟာ အကျယ်အဝန်းအားဖြင့်သေးငယ်ပေမဲ့ အတုယူစရာကောင်းပါ တယ်။ လူသားဖွံ့ဖြိုးမှုညွှန်းကိန်း ၁ အထက်မှာရှိတဲ့ တစ်ခုတည်းသောနိုင်ငံပါတဲ့။ အချမ်း သာဆုံးနိုင်ငံတွေထဲကတစ်ခုဖြစ်ပြီး ကမ္ဘာပေါ်မှာ ရာဇဝတ်မှုအနည်းဆုံး၊ မျှော်မှန်းလူ့ သက်တမ်းအမြင့်ဆုံးနိုင်ငံလည်းဖြစ်ပါတယ်။ စိတ်ဝင်စားစရာတွေနဲ့ပြည့်နှက်နေလို့ ဥရောပ ရောက်ရင်သွားလည်သင့်တဲ့ နိုင်ငံလေးတစ်ခုပဲဖြစ်ပါတယ်။

Credit: Pyi Myanmar