ထိုင်းနိုင်ငံတွင် အဝေးပြေးလမ်းမဖောက်လုပ်ရန်အတွက် ယာမြေသိမ်းဆည်းခံရသောကြောင့် ကျေးရွာသားများ အမျက်ထွက်

ထိုင်းနိုင်ငံ၊ မူအန်ခရိုင်ရှိ ကျေးရွာတစ်ရွာတွင် အဝေးပြေးလမ်းမဖောက်လုပ်ရန်အတွက် ယာမြေသိမ်းဆည်းခံကာ မြေယာများအတွက် အလွန်နည်းပါးလှသည့် လျော်ကြေးငွေသာ ရရှိခဲ့ခြင်းကြောင့် ကျေးရွာသား ၁၀ ဦး အမျက်ထွက်လျက်ရှိကြကြောင်း ဘန်ကောက်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

ကျေးရွာသား ၁၀ ဦး၏ သိမ်းဆည်းခံလိုက်ရသော ယာမြေစုစုပေါင်းမှာ ရိုင် ၄၀ (၁၅ ဒသမ ၈ ဧက) ရှိပြီး တစ်ရိုင်လျှင် ဘတ် ၅၅၀၀၀ တန်ဖိုးဖြတ်
ခဲ့ကြကြောင်း၊ ကျေးရွာလမ်းမ၏ အခြားတစ်ဖက်ခြမ်းရှိ မြေများအတွက်ကိုမူ တစ်ရိုင်လျှင် ဘတ်ငွေ ၂၆၄၀၀၀ အထိ ပေးအပ်ခဲ့ခြင်းဖြစ်ကြောင်း မြေသိမ်းခံရွာသူတစ်ဦးဖြစ်သူ ဆီနုအန် ဘွန်ယော့က ပြောကြားသည်။

သူမက ဈေးနှုန်းကွာခြားရခြင်း၏ အကြောင်းကို အာဏာပိုင်တို့ထံ မေးမြန်းခဲ့သော်လည်း မရေရာသည့်အဖြေများသာ ရရှိခဲ့သည်ဟု ဆိုသည်။

ယာမြေများပေါ်တွင် စိုက်ပျိုးထားသည့် climbing wattles ပင်များအတွက် တစ်ပင်လျှင် ဘတ် ၅၀ လျော်ကြေးပေးခဲ့ပြီး အစောပိုင်းကမူ ၁၅၀ ပေးခဲ့သည်။

အာဏာပိုင်းများက ဖြေကြားသည့်အကြောင်းပြချက်မှာ အပင်ငယ်များဖြစ်သောကြောင့်ဟု ဆိုသည်။
ထို့ကြောင့် ဘွန်ယော့အပါအဝင် မကျေနပ်သည့်ကျေးရွာသားများ
က သတင်းမီဒီယာများထံတင်ပြရန် ဆုံးဖြတ်ခဲ့ကြသည်။

ဘွန်ယော့တို့သည် အဝေးပြေးလမ်းမဌာနနှင့် အမျိုးသားအကျင့်ပျက်ခြစားမှုတိုက်ဖျက်ရေးကော်မရှင်ရုံးများသို့လည်း တိုင်ကြားစာများ ပေးပို့ခဲ့ပြီးဖြစ်သည်။

အစိုးရအဖွဲ့မှ ကိုယ်စားလှယ်များစေလွှတ်ကာ ညှိနှိုင်းမှုများ
လုပ်ခဲ့သော်လည်း ကျေနပ်ဖွယ်အဖြေမထွက်ခဲ့ချေ။
“လက်ရှိမှာတော့ ဝန်ကြီးချုပ်ဆီကို အသနားခံစာတင်ဖို့ ကျွန်မတို့ စီစဉ်နေပါတယ်” ဟု ဘွန်ယော့က ပြောကြားသည်။
ဖောက်လုပ်လျက်ရှိသည်မှာ အမှတ် ၁၂၂ အဝေးပြေးလမ်းမကြီးဖြစ်ကာ
နခွန် ဆာဝမ်မြို့အရှေ့ဘက်မှ ဖြတ်သန်းဖောက်လုပ်မည် ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)