နိုင်ငံတကာအဆင့်မီ လက်ကားဈေးတည်ဆောက်ရန် စီစဉ်

ပဲခူးတိုင်းဒေသကြီးအစိုးရအဖွဲ့ရုံး တော်ဝင်ဟံသာခန်းမ၌ မေ ၅ ရက်
နံနက် ၉ နာရီခွဲက ပဲခူးမြို့ ကလိကျေးရွာအနီး
ရန်ကုန်-မန္တလေးကားလမ်းနှင့် မြို့ရှောင်လမ်းထောင့်တွင် နိုင်ငံတကာအဆင့်မီ လက်ကားဈေး (Whole Sale Center) တည်ဆောက်ရန်အတွက် လုပ်ငန်းညှိနှိုင်းအစည်းအဝေး ကျင်းပသည်။

အဆိုပါအခမ်းအနား၌ ဝန်ကြီးချုပ်က ပဲခူးမြို့သည် ဟံသာဝတီအပြည်ပြည်ဆိုင်ရာလေဆိပ်ကြောင့် ကုန်စည်စီးဆင်းမှုများ ပိုမိုများပြားလာမည် ဖြစ်ကြောင်း၊ လူဦးရေများပြားခြင်းနှင့်အတူ ယာဉ်ကြောကြပ်တည်းမှုများ မဖြစ်ပေါ်စေရေးတို့အတွက် နိုင်ငံတကာအဆင့်မီ ဈေးသစ်ကြီးများအား မြို့ပြင်ဘက်တွင် ကြိုတင်နေရာပေး စီစဉ်ဆောင်ရွက်ရန် လိုအပ်လာပြီဖြစ်ကြောင်း၊ နိုင်ငံတကာ အဆင့်မီ
လက်ကားဈေးဆောက်လုပ်မည့် ကုမ္ပဏီသည် ရန်ကုန်မြို့တွင်း၌ အဆင့်မြင့်ဈေးများ၊ Super Market များ ဆောက်လုပ်လျက်ရှိသည့် ကုမ္ပဏီတစ်ခုဖြစ်၍ အတွေ့အကြုံများစွာရှိနေကြောင်း၊ ပဲခူးမြို့အတွက် အမှန်တကယ်လိုအပ်သည့် ဈေးသစ်ကြီးတစ်ခုဖြစ်ကြောင်း ပြောကြားသည်။

ထို့နောက် လက်ကားဈေးတည်ဆောက်ရေးကြီးကြပ်မှုကော်မတီ အတွင်းရေးမှူး ပဲခူးတိုင်းဒေသကြီးစည်ပင်သာယာရေးအဖွဲ့ ညွှန်ကြားရေးမှူး ဦးအောင်မြင့်က Grand Style Co., Ltd က အဆိုပြုတင်ပြလာသည့် ဈေးတည်ဆောက်မည့် ဒီဇိုင်းပုံစံ နှင့်ပတ်သက်ပြီး စည်းကမ်းချက်များကိုလည်းကောင်း၊ အစိုးရအဖွဲ့အတွင်းရေးမှူး ဦးတိုးဝင်းက ဈေးသစ်ကြီးတည်ဆောက်ရာတွင် စားသောက်ဆိုင်
များ၊ ဟိုတယ်များ၊ Express Gate များ၊ ယာဉ်ရပ်နားစခန်းငယ်များလည်း ထည့်သွင်းစေလိုကြောင်း၊ Grand Style Co., Ltd မှ အုပ်ချုပ်မှုဒါရိုက်တာ ဦးနေ
လင်းဦးနှင့် ဒုတိယဒါရိုက်တာ ဦးမြတ်သူတို့က နိုင်ငံတကာအဆင့်မီ လက်ကားဈေး(Whole Sale Center) တည်ဆောက်မည့် အဆောက်အအုံပုံစံများ၊ ဆိုင်ခန်းများအတွက် ပံ့ပိုးပေးထားသည့် အပိုင်းများကို လည်းကောင်း ရှင်းလင်းတင်ပြခဲ့ကြသည်။

ပဲခူးမြို့ ကလိကျေးရွာအနီး ရန်ကုန်-မန္တလေးကားလမ်းနှင့် မြို့ရှောင်လမ်းထောင့်တွင် နိုင်ငံတကာအဆင့်မီ လက်ကားဈေး (Whole Sale Center)နှစ်ထပ်အဆောက်အအုံအား ၁၈ လနှင့် အပြီးတည်ဆောက်သွားမည်ဖြစ်ပြီး ၁၅ ပေ x ပေ ၄ဝ (၁၂)ခန်းတွဲ ၁၉ လုံး၊ ၁၅ ပေx ပေ ၄ဝ (၁ဝ) ခန်းတွဲ နှစ်
လုံး၊ ၁၅ ပေx ပေ ၄ဝ ၂၄ ခန်းတွဲ တစ်လုံး စုစုပေါင်း ဆိုင်ခန်း ၂၇၂ ခန်း ပါဝင်မည် ဖြစ်သည့်အပြင် ယာဉ်အစီးရေ ၇ဝဝ ထိ ရပ်နားနိုင်သော Car Parkingတစ်ခုလည်းပါဝင်မည်ဖြစ်ကြောင်း သိရသည်။

အဆိုပါအခမ်းအနားသို့ တိုင်းဒေသကြီး ဝန်ကြီးချုပ်နှင့် ဝန်ကြီးများ၊ အစိုးရအဖွဲ့ အတွင်းရေးမှူး၊ တိုင်းဒေသကြီးလွှတ်တော် ကိုယ်စားလှယ် ဦးညွန့်ရွှေနှင့် သက်ဆိုင်ရာဌာနဆိုင်ရာများ၊ ဆောက်လုပ်ရေးကုမ္ပဏီမှ တာဝန်ရှိသူများ တက်ရောက်ခဲ့သည်။

Credit: MOI Webportal Myanmar