ေရႊထည္လက္ဝတ္ရတနာမ်ားအေပၚ ကုန္သြယ္လုပ္ငန္း ခြန္ေကာက္ခံရာတြင္ အခြန္တံဆိပ္ေခါင္းမရွိသည့္အတြက္ ေရႊဆိုင္မ်ားအေနျဖင့္ အခက္အခဲရွိေနေၾကာင္း ျမန္မာႏုိင္ငံ ေရႊလုပ္ငန္းရွင္မ်ားအသင္းမွ သိရသည္။ ဧၿပီလ ၁ ရက္မွစတင္ကာ ကုန္သြယ္လုပ္ငန္းခြန္ေကာက္ခံရန္ ၫႊန္ၾကားထားေသာ္လည္း ယင္းအတြက္ ေရႊဆိုင္မ်ားမွာ အခြန္တံဆိပ္ေခါင္း မရွိေသးေၾကာင္း ျမန္မာႏုိင္ငံ ေရႊလုပ္ငန္းရွင္အသင္း အတြင္းေရးမွဴး ဦးေက်ာ္ဝင္းက ဆိုသည္။
ဦးေက်ာ္ဝင္းက ''အခြန္တံဆိပ္ေခါင္း မရွိေသးတဲ့အတြက္ အခြန္ေဆာင္တဲ့ သူေတြကလည္း ဒီ ေငြေတြ ႏိုင္ငံေတာ္ကုိ တကယ္ကုိ ေရာက္ရဲ႕လားဆိုၿပီး တခ်ဳိ႕လည္း သံသယရွိတာေပါ့။ အဲဒါေၾကာင့္ အမ်ားႀကီး ရွင္းျပရတယ္။ ေရႊဆိုင္ေတြအတြက္ ေတာ္ေတာ္ေလး အခက္အခဲ ရွိပါတယ္။ တံဆိပ္ ေခါင္းနဲ႔ ပတ္သက္ၿပီး ျပည္တြင္းအခြန္မ်ားဦးစီးဌာနကုိ ဆက္သြယ္ေမးျမန္းေတာ့ ဒီလထဲရေအာင္ စီစဥ္ေနပါတယ္လို႔ ေျပာပါတယ္''ဟု ေမ ၁ ရက္က ဒီမိုကေရစီတူေဒးကို ေျပာသည္။ ယင္းကဲ့သို႔ ေရႊထည္လက္ဝတ္ရတနာမ်ားအေပၚ ကုန္သြယ္လုပ္ငန္းခြန္ေကာက္ခံမႈေၾကာင့္ ေရႊအေရာင္းအဝယ္မ်ား က်ဆင္းမႈမ်ားရွိေနၿပီး တခ်ဳိ႕ေရႊဆိုင္မ်ားအေနျဖင့္ ဝယ္ယူသူထံမွ ေကာက္ခံျခင္းမျပဳဘဲ ကုိယ္စားေပးေဆာင္ရန္ စီစဥ္ထားမႈမ်ား ရွိေနေၾကာင္း သိရသည္။
တိတ္စိန္ေရႊဆိုင္မွ ဦးေဇာ္ေဇာ္ေအာင္က '' အခြန္တံဆိပ္ေခါင္း မရေသးေပမယ့္ တခ်ိဳ႕ဆိုင္ ေတြလည္း အခြန္စၿပီးေကာက္ခံေနတာရွိသလို တခ်ိဳ႕လည္းေကာက္ခံျခင္းမရွိပါဘူး။ တခ်ိဳ႕ဆိုင္အေနနဲ႔လည္း ဝယ္သူထံက မေကာက္ဘဲ ကုိယ့္ ဘာသာ ကုိယ္ေဆာင္ေပးဖို႔ စီစဥ္ထားတယ္။ ကြၽန္ ေတာ္တို႔ ဆိုင္အေနနဲ႔လည္း ဝယ္သူဆီက မေကာက္ဘူး။ ကုိယ္ဘာသာကုိယ္ေဆာင္ေပးမယ္။ အခြန္တံဆိပ္ေခါင္းထြက္လို႔ မကပ္ရင္ ဒဏ္ေၾကးေပးရ မွာျဖစ္တဲ့အတြက္ ေနာက္ပိုင္းအခြန္တံဆိပ္ေကာင္းရရင္ အခြန္တံဆိပ္ေကာင္းေတာ့ကပ္ေပးမယ္။ ျပည္တြင္းအခြန္ကေတာ့ ေမလလယ္ထဲမွာ အခြန္တံဆိပ္ေခါင္း ရမယ္လို႔ေတာ့ ေျပာထားတယ္''ဟု ဆိုသည္။
ျပည္တြင္းအခြန္မ်ားဦးစီးဌာန ၫႊန္ၾကား ေရးမွဴးခ်ဳပ္ ဦးမင္းထြဋ္က ''လက္ရွိအခြန္တံဆိပ္ ေကာင္းေတြကုိ ကုမၸဏီကေနမွာ ထားပါတယ္။ ဒီလထဲမွာေရာက္လာရင္ ျဖန္႔ျဖဴးေပးသြားမွာပါ။ အခြန္တံဆိပ္ေကာင္းေတြက က်ပ္ ၁ဝဝ တန္၊ ၂ဝဝ တန္ကေန ၅ဝဝဝ တန္၊ တစ္ေသာင္းတန္ အထိပါဝင္မွာပါ''ဟု ဆိုသည္။ လက္ရွိအခြန္ဥပေဒအရ မီးလင္းေရႊ (ေရႊ တံုး၊ ေရႊခဲ)အေနျဖင့္ ကုန္သြယ္လုပ္ငန္းခြန္ ငါး ရာခုိင္ႏႈန္းေပးေဆာင္ရမည္ျဖစ္ၿပီး အဆိုပါအခြန္ ေကာက္ခံမႈ ဆိုင္းငံ့ေပးရန္အတြက္ ျမန္မာႏုိင္ငံ ေရႊလုပ္ငန္းရွင္မ်ား အသင္းအေနျဖင့္ ျပည္တြင္း အခြန္မ်ားဦးစီးဌာနသို႔ ေမတၱာရပ္ခံစာေပးပုိ႔ထား ေၾကာင္း သိရသည္။
Credit: Democracytoday
![[မိဘဟူသည်..] စင်္ကာပူတွင် ဖခင်ကြီးက သမီးဖြစ်သူ မျှော်လင့်အိပ်မက်နေသော လုပ်ငန်း လုပ်ဆောင်နိုင်ရေးအတွက် မိမိ၏ ကုမ္ပဏီကို ရ](https://imh-images-prod.s3.ap-southeast-1.amazonaws.com/pictures/news/dr5b5kh/1150125-0446813001750392081-02.jpg)
![[အဓိပ္ပာယ်ရှိသောလူ] မလေးရှားတွင် အမျိုးသားတစ်ဦးမှာ ပိုက်ဆံအိတ်ထဲမှ မသုံးဖြစ်ဘဲရှိနေသော ရင်းဂစ် ၅၀ တန်တွင် ပါသည့် နံပါတ်ဖ](https://imh-images-prod.s3.ap-southeast-1.amazonaws.com/pictures/news/dr5b5kh/1149228-0428783001749621332-02.jpg)
