ပုဂ္ဂလိကစီးပွားရေးလုပ်ငန်းများ ဖွံ့ဖြိုးတိုးတက်ရေး

မြန်မာနိုင်ငံ၏စီးပွားရေးဖွံ့ဖြိုးတိုးတက်လာစေရန်အတွက် ပုဂ္ဂလိက စီးပွားရေးလုပ်ငန်းများ ဖွံ့ဖြိုးတိုးတက်လာအောင် မြှင့်တင်ဆောင်ရွက်ပေး ရမည်ဖြစ်သည်။ ဒီမိုကရေစီအသွင်ကူးပြောင်းရေးကာလတွင် ဈေးကွက် စီးပွားရေးစနစ်နှင့်အညီ ပုဂ္ဂလိကစီးပွားရေးလုပ်ငန်းများ လွတ်လပ်စွာ လုပ်ကိုင်လာနိုင်သော်လည်း လုပ်ငန်းလုပ်ကိုင်ရာ၌ အခက်အခဲများ ရှိနေသေးသည်။

ထို့ကြောင့် နိုင်ငံတော်က ပုဂ္ဂလိကကဏ္ဍ ဖွံ့ဖြိုးတိုးတက်ရေး ကော်မတီများကိုဖွဲ့စည်းပြီး လုပ်ငန်းရှင်များနှင့် တွေ့ဆုံဆွေးနွေးခြင်း၊ အလုပ်ရုံဆွေးနွေးပွဲများ ကျင်းပခြင်းတို့ကိုပြုလုပ်ကာ ညှိနှိုင်းအဖြေရှာ ပေးလျက်ရှိရာ ယခုအခါ ပုဂ္ဂလိကစီးပွားရေးလုပ်ငန်းရှင်များနှင့် လစဉ် ပုံမှန်တွေ့ဆုံဆွေးနွေးပွဲများ ငါးကြိမ်တိုင်ရှိခဲ့ပြီဖြစ်သည်။ ထိုသို့တွေ့ဆုံရာတွင် စီးပွားရေးလုပ်ငန်းရှင်များကို ကဏ္ဍအလိုက်ရွေးချယ်စုစည်းပြီး လုပ်ငန်းရှင်များ၏ လိုအပ်ချက်များ၊ အခက်အခဲများအား ကြားနာဖြေရှင်းပေးလျက်ရှိရာ စီးပွားရေးလုပ်ငန်းဆိုင်ရာ အခက်အခဲများ ဖြေလျှော့တန်သရွေ့ ဖြေလျှော့သွားမည်ဖြစ်သည်။

စီးပွားရေးလုပ်ငန်းရှင်များနှင့် တွေ့ဆုံဆွေးနွေးညှိနှိုင်းမှုပြုလုပ်ခဲ့ရာတွင် လုပ်ငန်းရှင်များက အကြံပြုချက် ၈၃ ချက်ကို တင်ပြခဲ့ကြရာ သက်ဆိုင်သော ဝန်ကြီးဌာန ၁၇ ခု၊ တိုင်းဒေသကြီးနှင့် ပြည်နယ်များမှ
လုပ်ငန်းကော်မတီများနှင့် ပေါင်းစပ်ညှိနှိုင်းဖြေရှင်းဆောင်ရွက်ပေးခဲ့ခြင်းတို့သည် ပုဂ္ဂလိကစီးပွားရေးလုပ်ငန်းများ ရှင်သန်ဖြစ်ထွန်းလာရေးအတွက် အထောက်အပံ့ကောင်းများပင်ဖြစ်သည်။

ပုဂ္ဂလိကစီးပွားရေးကဏ္ဍ ဖွံ့ဖြိုးတိုးတက်လာခြင်းသည် နိုင်ငံ့ဖွံ့ဖြိုး တိုးတက်ခြင်းဖြစ်၍ အလေးထားဆောင်ရွက်ရမည့် အရေးကြီးသော လုပ်ငန်းစဉ်ဖြစ်သဖြင့် စီးပွားရေးလုပ်ငန်းရှင်များ၏
တင်ပြချက်များအပေါ် သက်ဆိုင်ရာဌာနများက အလျင်အမြန် ထိထိရောက်ရောက် ပြန်လည်တုံ့ပြန်သွားရန်လိုအပ်ပြီး တက်ကြွစွာဖြင့် ဝိုင်းဝန်းပူးပေါင်းဆောင်ရွက်ပေးကြရမည်ဖြစ်သည်။

လုပ်ငန်းများကိုဆောင်ရွက်ရာတွင် သက်ဆိုင်ရာလုပ်ငန်းများအတွက် ပြဋ္ဌာန်းထားသော ဥပဒေများမှာ အရေးပါသဖြင့် ပြင်ဆင်သင့်သည့် ဥပဒေများကို ပြင်ဆင်နိုင်ရေးနှင့် လိုအပ်သည့်စီးပွားရေးဆိုင်ရာ ဥပဒေသစ်များပြဋ္ဌာန်းရေးတို့ကို အကြံပြုပေးခြင်း၊ ပို့ကုန်သွင်းကုန်များအား ဆိပ်ကမ်းများတွင် ကုန်တင်ကုန်ချပြုလုပ်ရာ၌ လုပ်ငန်းဆောင်ရွက်မှု အစဉ်အဆက်ကြန့်ကြာ မှုများရှိနေခြင်း၊ ဆိပ်ကမ်းများတွင် ကုန်သေတ္တာယာဉ်များ ယခင်နှစ်သင်္ကြန်ကာလက ကျပ်တည်းပိတ်ဆို့မှုများရှိခဲ့ခြင်းတို့ကို ဖြေလျှော့ ကူညီဆောင်ရွက်ခြင်းတို့ကို ကော်မတီအလိုက် ဖြေရှင်းဆောင်ရွက်ပေးခဲ့သည်ဟု သိရသည်။

ပုဂ္ဂလိကစီးပွားရေးလုပ်ငန်းများ ဖွံ့ဖြိုးတိုးတက်လာရေး တွင် နိုင်ငံခြားငွေတန်ဖိုးမြင့်တက်မှုမှာ လုပ်ငန်းဆောင်ရွက်မှုကို အဟန့်အတား ဖြစ်စေပြီး ပြည်ပဘဏ်၊ ပြည်တွင်းဘဏ်များမှ ချေးငွေလုံလောက်စွာရရှိရေးအတွက် အခက်အခဲမရှိရန်လည်းလိုအပ်သည်။ ထို့အပြင် အခွန်အခများ၊ ဘဏ်စရိတ်များ၊ လုပ်ထုံးလုပ်နည်း တင်းကျပ်မှုများကို ဖြေလျှော့ပေးရန် လိုအပ်ချက်များရှိနေသဖြင့် သက်ဆိုင်ရာကော်မတီအလိုက် လိုအပ်ချက်များကို ထိရောက်စွာ ကူညီဖြေရှင်းပေးနိုင်လိမ့်မည်ဟု မျှော်လင့်ပါသည်။

ပြည်တွင်း၊ ပြည်ပရင်းနှီးမြှုပ်နှံသူများအတွက် လိုအပ်သည့်ဥပဒေ မူဘောင်နှင့်နည်းဥပဒေများ၊ အမိန့်ကြော်ငြာစာများကို အချိန်နှင့်တစ်ပြေးညီ ထုတ်ပြန်ပေးရေး၊ အကောင်အထည်ဖော်မည့် အင်စတီကျူးရှင်းများကို တစ်ပြိုင်နက် စုဖွဲ့ဆောင်ရွက်ပေးရေးတို့အတွက် နိုင်ငံတော် က ဆောင်ရွက်ပေးနေခြင်းသည် ရင်းနှီးမြှုပ်နှံမှု ဝန်းကျင် ကောင်းများကို ဖြစ်ပေါ်လာစေပါသည်။

ပုဂ္ဂလိကစီးပွားရေးလုပ်ငန်းရှင်များအား နိုင်ငံတော်က ဤသို့ စီးပွားရေးဆိုင်ရာ အထောက်အပံ့ကောင်း ပံ့ပိုးဖြည့်ဆည်းဆောင်ရွက်ပေးနိုင်ခြင်းသည် နိုင်ငံတော်နှင့် ပုဂ္ဂလိက စီးပွားရေးလုပ်ငန်းရှင်များ မကြာမကြာ ထိတွေ့ဆက်ဆံ ဆွေးနွေး အဖြေရှာနိုင်ခြင်းကြောင့် ဖြစ်ပေါ်လာသော အကျိုးရလဒ်ကောင်းများ ပင်ဖြစ်သည်။ ပွင့်လင်းမြင်သာမှုနှင့် ပုဂ္ဂလိကစီးပွားရေးလုပ်ငန်းများကို အားပေးမှုတို့ တစ်နေ့ထက်တစ်နေ့ တိုးတက်ကောင်းမွန်လာသည်နှင့် အမျှ နိုင်ငံ့စီးပွားရေးလည်း မြင့်မားတိုးတက်လာမည်ဖြစ်သည်။

နိုင်ငံ့စီးပွားရေးမြင့်မားတိုးတက်လာပါက ပြည်သူများ၏လူမှုစီးပွားဘဝလည်း လိုက်ပါတိုးတက်မြင့်မားလာမည်ဖြစ်၍ ပုဂ္ဂလိကစီးပွားရေး လုပ်ငန်းများ ပိုမိုလွယ်ကူချောမွေ့စေရေးအတွက် သက်ဆိုင်ရာအဖွဲ့ အစည်းများနှင့် ဆက်နွှယ်သူအားလုံးဝိုင်းဝန်းပူးပေါင်းဆောင်ရွက်ကြရန်
တိုက်တွန်းအပ်ပါသည်။ ။

Credit: MOI Webportal Myanmar