ကမ္ဘောဒီးယားနိုင်ငံ၊ ဖနွမ်းပင်မြို့၏ အရှေ့တောင်ပိုင်းရှိ မီးန်ချေခရိုင်တွင် မှတ်ပုံတင်မထားသည့် အထည်ချုပ်စက်ရုံတစ်ခု၌ ပြင်းထန်သည့် ဘွိုင်လာပေါက်ကွဲမှုကြီးဖြစ်ပွားရာ ဝန်ထမ်း ၂ ဦးသေဆုံးပြီး ၄ ဦးသေဆုံးခဲ့ကြောင်း ဖနွမ်းပင်အခြေစိုက် သတင်းဝက်ဘ်ဆိုက်
တစ်ခုတွင် ဖော်ပြသည်။
ဖနွမ်းပင် စက်မှုလက်မှုဌာန၏ ညွှန်ကြားရေးမှူး နက်သ် မိုနီ ပွန်နာကာက ပြောကြားရာတွင် ဘွိုင်လာပေါက်ကွဲမှုဖြစ်ပွားခဲ့သော ချန်ဆန်ဟန် အထည်ချုပ်စက်ရုံသို့ အထူးစုံစမ်းရေးအဖွဲ့ စေလွှတ်သွားမည်ဖြစ်ကြောင်း၊ ယင်းစက်ရုံသည် ဧပြီလ ၁ ရက်တွင် စတင်ဖွင့်လှစ်ခဲ့ခြင်းဖြစ်သော်လည်း မိမိတို့ဌာနတွင် လာရောက်မှတ်ပုံတင်ထားခြင်းမရှိသေးကြောင်း ပြောကြားသည်။
“စက်ရုံပိုင်ရှင်နဲ့ ကျွန်တော်တို့ တွေ့ဆုံဆွေးနွေးသွားမှာ ဖြစ်ပါတယ်။ ဒီကုမ္ပဏီဆီက လိုင်စင်ကျွန်တော်တို့ မရသေးပါဘူး။ ဒါက ပုဒ်မ ၂၃ ကိုချိုးဖောက်မှုဖြစ်ပါတယ်။ ပိုင်ရှင်အနေနဲ့ အရေးယူခံရဖွယ်ရှိပါတယ်” ဟု ပွန်နာကာက ပြောကြားသည်။
ပွန်နာကာ၏ ပြောကြားချက်အရ ဘွိုင်လာများမှာ အလွန်ဟောင်းနွမ်းနေပြီဖြစ်ပြီး တစ်ပတ်ရစ်များကို ပြန်လည်အသုံးပြုထားခြင်း ဖြစ်ကြောင်း ပြောကြားသည်။
ခရိုင်ရဲတပ်ဖွဲ့ လက်ထောက်အကြီးအကဲ အမ်သီယာက ပြောကြားရာတွင် နေ့လည်စာ ရပ်နားချိန်တွင် ပေါက်ကွဲမှုဖြစ်ပွားခဲ့ခြင်းဖြစ်ပြီး လုံခြုံရေးအစောင့် ဆာ့သ် ဖား (အသက် ၂၇) နှင့် သန့်ရှင်းရေးလုပ်သား ကွန်ဖန်နီ (အသက် ၆၁ ) တို့ သေဆုံးခဲ့ကြကြောင်း ပြောကြားသည်။
“ပေါက်ကွဲမှုက အလွန်ပြင်းထန်တာကြောင့် လုပ်သားတွေ စက်ရုံထဲမှာ ရှိနေချိန်သာဆိုရင် ထိခိုက်ဒဏ်ရာရတဲ့သူ ဒီထက်များ နိုင်ပါတယ်”ဟု သီယာက ပြောကြားသည်။
ဘွိုင်လာပေါက်ကွဲမှုကြောင့် နံရံများ၊ အမိုးများ ပွင့်ထွက်သွားခဲ့ကာ စက်ရုံကြမ်းပြင်များပေါ်နှင့် လမ်းမပေါ်တွင် အပျက်အစီး အပိုင်းအစ များစွာ ပြန့်ကျဲသွားခဲ့ပြီး ဘွိုင်လာအိုးမှ သတ္တုအပိုင်းအစကြီးတစ်ခုမှ ပေါက်ကွဲသည့်နေရာနှင့် မီတာ ၅၀ ခန့် ဝေးကွာသော နေရာအထိ ကျရောက်သွားခဲ့သည်ဟု ဆိုသည်။
ပေါက်ကွဲမှုဖြစ်ပွားချိန်တွင် အသက် ၃၅ နှစ်အရွယ်ရှိ အလုပ်သမားတစ်ဦးဖြစ်သူ ဆမ်ဟန်းသည် စက်ရုံမှ မီတာ ၁၀၀ ခန့် ဝေးကွာသောနေရာတွင် နေ့လယ်စာစားရန် ရောက်ရှိနေခဲ့သည်။
“ဧရာမဗုံးကြီးတစ်လုံး ပေါက်ကွဲသွားသလိုမျိုးပါ” ဟု ဆမ်ဟန်းက ပြောကြားခဲ့ပြီး စက်ရုံသို့ ချက်ချင်းပြေးသွားခဲ့ရာ သန့်ရှင်းရေးလုပ်သား ကွန်ဖန်နီကို သွေးအိုင်ထဲတွင် တွေ့ရကြောင်း ပြောကြားသည်။
“သူ့သားကို ခေါ်ပေးပြီး ဆေးရုံပို့ပေးဖို့ ပြောပါတယ်။ ကျွန်တော်တော်တော်သွေးပျက်တုန်လှုပ်ခဲ့ရတယ်” ဟု ဆမ်ဟန်းက ဆက်လက်ပြောကြားသည်။
ကွန်ဖန်နီ၏ သားဖြစ်သူ ခွန်ဆမ်ဘိုက ပြောကြားရာတွင် သူ၏မိခင်သည် ခမာ-ဆိုဗီယက်ချစ်ကြည်ရေးဆေးရုံတွင် သေဆုံးသွားခဲ့ကြောင်း၊ လျော်ကြေးငွေ ကန်ဒေါ်လာ ၄၀၀၀၀ ရလိုမှုဖြင့် တရားစွဲရန် ရည်ရွယ်ထားကြောင်း ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
