အစိုးရအကူးအပြောင်းကာလ မြေယာလွှဲပြောင်းပေးမှုများအနက် မြေသုံးဧကကျော်ကို ပထမဆုံးဂရန် ပယ်ဖျက်

အစိုးရအကူးအပြောင်း ကာလအတွင်း အများပိုင်မြေ ကွက်များအား ပုဂ္ဂလိကသို့ လွှဲ ပြောင်းချထားပေးခဲ့မှုများထဲမှ မန္တလေးမြို့ ချမ်းမြသာစည်မြို့ နယ်အတွင်း မြေသုံးဧကကျော် ကို အမျိုးသမီးတစ်ဦးထံ ချထား ပေးခဲ့မှုကို ပထမဆုံးအနေဖြင့် ဂရန်ပြန်လည် ပယ်ဖျက်ခဲ့ကြောင်း မန္တလေးတိုင်းဒေသကြီးအစိုးရ အဖွဲ့မှ သတင်းရရှိသည်။

ဈေး၊ ရုံးနှင့် စာသင်ကျောင်း များအဖြစ် အသုံးပြုရန် လျာထား
သတ်မှတ်ထားပြီး မြေကွက်လွတ် အဖြစ်ရှိနေသည့် ချမ်းမြသာစည် မြို့နယ် အောင်သာယာရပ်ကွက် ရှိ မြေ ၃ ဒသမ ၂၃ ဧကကို အမျိုးသမီးတစ်ဦးထံ တစ်ဦးတည်းပိုင် အဖြစ် ဂရန်ချထားပေးခဲ့ခြင်းကို စုံစမ်းစစ်ဆေးမှုများပြုလုပ်ပြီး နောက် ဂရန်ပြန်လည်ပယ်ဖျက် ခဲ့ခြင်းဖြစ်သည်ဟု မန္တလေးတိုင်း ဒေသကြီး ၀န်ကြီးချုပ်ဒေါက်တာ ဇော်မြင့်မောင်က ပြောသည်။

‘‘ဂရန် ထုတ်ပေးထားတဲ့မြေ ကို ဂရန်ပယ်ဖျက်ပြီး အစိုးရစီမံ ခန့်ခွဲပိုင်ခွင့်ရှိတဲ့ မြေအဖြစ် ဆက်လက်ထားရှိဖို့နဲ့ မြေဖိုးပေးသွင်း ထားတဲ့ ငွေကြေးတွေကို ဥပဒေ လုပ်ထုံး လုပ်နည်းများနဲ့အညီ မန္တလေးမြို့တော် စည်ပင်သာ ယာရေးကော်မတီက ပြန်လည် ထုတ်ပေးဖို့ ဆုံးဖြတ်ခဲ့ပါတယ်’’ ဟု ၀န်ကြီးချုပ်ဒေါက်တာဇော်မြင့် မောင်က ပြောသည်။

အဆိုပါ မြေ သုံးဧကကျော် ကို အစိုးရအကူးအပြောင်းကာလ နောက်ဆုံးရက်သတ္တပတ်ဖြစ် သည့် ၂၀၁၆ မတ်လ ၂၉ ရက် တွင် ကျပ်သိန်း ၅,၆၄၀ ကျော် ဖြင့် အမျိုးသမီးတစ်ဦးထံသို့ နှစ် ၃၀ ဂရန်ချထားပေးခဲ့သည်။ အစိုးရအဖွဲ့သစ် တာဝန်ယူပြီးနောက်ပြန်လည်စိစစ်မှုများ ပြုလုပ်ကာ အများပြည်သူအကျိုးဖြစ်စေမည့် လုပ်ငန်းများ လုပ်ဆောင်ရန် ၂၀၁၇ မတ်လ ၁၄ ရက်တွင် ဂရန်ပြန်လည်ပယ်ဖျက်ခဲ့သည်ဟု ဒေါက်တာဇော်မြင့်မောင်က ပြောကြားသည်။

Credit: 7Daydaily