စင်္ကာပူအဆင့်မြင့်အိမ်ဈေး မဖြစ်စလောက်သာမြင့်တက်ခဲ့

စင်္ကာပူတွင် အဆင့်မြင့်အိမ်ဈေးများသည် ပြီးခဲ့သည့်သုံးလပတ်အတွင်း တက်သည်ဆိုရုံမျှသာမြင့်တက်ခဲ့သည်။

စင်္ကာပူအဆင့်မြင့်အိမ်ဈေးများသည် ယခုနှစ် တတိယသုံးလပတ်(ဇူလိုင်၊ သြဂုတ်၊ စက်တင်ဘာ) အတွင်း ဒုတိယသုံးလပတ်(ဧပြီ၊ မေ၊ ဇွန်)ထက် ၀ ဒသမ ၅ ရာခိုင်နှုန်းသာ မြင့်တက်ခဲ့
ကြောင်း လန်ဒန်တွင် အခြေစိုက်ပြီး စင်္ကာပူတွင်လည်း ရုံးခွဲရှိသည့် အိမ်ခြံမြေအတိုင်ပင်ခံလုပ်ငန်း Knight Frank က ထုတ်ပြန်ခဲ့သည်။

စင်္ကာပူသည် အိမ်ခြံမြေစည်းမျဉ်းတင်းကျပ်မှုများနှင့် စီးပွားရေးဖွံ့ဖြိုးမှုနှုန်းနှေးကွေးမှုတို့နှင့်
ရင်ဆိုင်နေရသော်လည်း စင်ကာပူအဆင့်မြင့်အိမ်ဈေးပြန်လည်နာလန်ထူဖွံ့ဖြိုးနှုန်း
သည်ယခုနှစ် တတိယသုံးလပတ် ၃ခုအတွင်း တည်ငြိမ်ခဲ့သည်။

Knight Frank သည် မြို့အရွယ်အစားနိုင်ငံဖြစ်သည် စင်္ကာပူသာမက ဗန်ကူးဗား၊ တိုရန်တို၊လန်ဒန်၊ ဆစ်ဒနီနှင့် မဲလ်ဘုန်းအပါအ၀င် ကမ္ဘာ့အထင်ကရမြို့ကြီး ၁၇ မြို့၏ အဆင့်မြင့်အိမ်
ဈေးကွက်ကို လေ့လာစောင့်ကြည့်၍ ထုတ်ပြန်ခဲ့ခြင်းဖြစ်သည်။ ပြီးခဲ့သည့်
၁၂ လအတွင်း အခွန်အသစ်များ ချမှတ်ခဲ့သည့် မြို့များလည်းဖြစ်သည်။

သို့ဖြစ်ရာ စင်္ကာပူသာမကအခြားမြို့များ၏ ယခုနှစ်တတိယသုံးလပတ်ဈေးနှုန်းမြင့်တက်နှုန်း
များသည်လည်း ယခင်နှစ်တတိယသုံးလပတ်ဈေးနှုန်းမြင့်တက်နှုန်းအောက် ကျဆင်းခဲ့သည်ကို Knight Frank ကတွေ့ရှိခဲ့သည်။

ဥပမာအားဖြင့် ဖော်ပြရသော် ပြည်ပ၀ယ်လက်များအတွက် ၁၅ ရာခိုင်နှုန်းအခွန်ကောက်
သည့် အခွန်စည်းကျပ်မှုပြုလုပ်ခဲ့သော ဗန်ကူးဗားရှိ အဆင့်မြင့်အိမ်ဈေးများသည်လည်း ၁

ဒသမ ၅ ရာခိုင်နှုန်းသာ မြင့်တက်ခဲ့ပြီး ယခင်နှစ်အောက် ၈ ဒသမ ၁ ရာခိုင်နှုန်းကျဆင်းခဲ့သည်။ လန်ဒန်တွင်လည်း ယခင်နှစ်အောက် ၂ ဒသမ ၁ ရာခိုင်နှုန်း ကျဆင်းခဲ့ကြောင်းKnight Frank က ထုတ်ပြန်ခဲ့သည်။

ခင်အေးချမ်း မှ iMyanmarHouse.comအတွက် အထူးရေးသားဖော်ပြသည်။
Credit: iMyanmarHouse.com