ရန်ကုန်မြို့တွင် ဆောက်လုပ်သော အဆောက်အအုံများ၌ မီးစက်ထားရှိရမည့် နေရာမရှိပါက လူနေထိုင်ခွင့် ချထားပေးမည် မဟုတ်ဟုဆို

ရန်ကုန်မြို့တွင် ဆောက်လုပ်သော အဆောက်အအုံများ၌ မီးစက်ထားရှိရမည့် နေရာများမရှိပါက လူနေထိုင်ခွင့် ချထားပေးမည် မဟုတ်ကြောင်း ရန်ကုန်မြို့တော်ဝန် ဦးမောင်မောင်စိုးက နိုဝင်ဘာ ၉ ရက်က ပြုလုပ်သည့် ရန်ကုန်တိုင်းဒေသကြီး လွှတ်တော် အစည်းအဝေးတွင် ပြောကြားသည်။

ထိုနေ့တွင် လမ်းမတော်မြို့နယ် မဲဆနနယ် အမှတ် (၁) လွှတ်တော် ကိုယ်စားလှယ် ဒေါ်အေးအေးမာက ‘ရန်ကုန်မြို့တော် စည်ပင်သာယာရေး ကော်မတီအနေဖြင့် မြို့တွင်း ခြောက်မြို့နယ်အတွင်း အများပြည်သူပိုင် လမ်းများပေါ်တွင် တည်ရှိသော သို့မဟုတ် နောက်ဖေးလမ်းကြားတွင် တည်ရှိသော သို့မဟုတ် အများပိုင် ရေမြောင်းများပေါ်တွင် အခိုင်အခံ့ တည်ဆောက်ထားသော မီးစက်များကို မည်သည့်အချိန်ကာလတွင် ခွင့်ပြုထားမည်ကို သိရှိလိုကြောင်း သို့မဟုတ် မီးစက် အရွယ်အစားနှင့် တပ်ဆင်ထားသော နေရာအမျိုးအစားအလိုက် ထိုက်သင့်သော အခွန်ပေးဆောင်နိုင်စေရန် စီစဉ်ထားခြင်း ရှိ မရှိ’ မေးမြန်းမှုအပေါ် ရန်ကုန်မြို့တော်ဝန်က အထက်ပါကဲ့သို့ ထည့်သွင်းဖြေကြားခဲ့ခြင်း ဖြစ်သည်။

မီးစက်များကို အများပိုင်နေရာများတွင် ခွင့်မပြုနိုင်သည့်အတွက် စဉ်းစားရမည်ဖြစ်ပြီး ယခင်က လျှပ်စစ်ဓာတ်အား ပုံမှန်မရရှိခဲ့သည့် အခြေအနေပေါ် မူတည်၍ ဖြစ်ပေါ်နေခြင်း ဖြစ်ကြောင်း၊ မီးစက်များကို အများပြည်သူပိုင် နေရာများတွင် သုံးပါက အခကြေးငွေယူရပြီး ယင်းသို့ အခကြေးငွေယူပါက တရားဝင် ခွင့်ပြုပေးသလို ဖြစ်သွားနိုင်ကြောင်း၊ ထို့ကြောင့် အခကြေး ငွေယူရန်နှင့် ယင်းကိုဖယ်ရှားရန်မှာ မဖြစ်နိုင်ကြောင်း ရန်ကုန်မြို့တော်ဝန် ဦးမောင်မောင်စိုးက ပြောကြားသည်။

“မီးစက်တွေကို အမိန့်ဖြင့် ဖယ်ရှားရင်လည်း လျှပ်စစ်ဓာတ်အားကို မေးလာနိုင်ပြီး မြို့တွင်းခြောက်မြို့နယ်မှ သက်ဆိုင်ရာ လျှပ်စစ်ဓာတ်အားပေးရေး အဖွဲ့၊ ရပ်မိရပ်ဖများနှင့် ပူးပေါင်း ဆောင်ရွက်ပြီးမှသာ သင့်တင့်သည့် နေရာများသို့ ရွှေ့နိုင်မှာ ဖြစ်ပါတယ်” ဟု ရန်ကုန်မြို့တော်ဝန်က ဆိုသည်။

ယင်းသို့ ရွှေ့ခိုင်းသော်လည်း များသောအားဖြင့် မီးစက်များမှာ လေထုညစ်ညမ်းခြင်းတို့ဖြင့် အခြေအနေ ဆိုးရွားလာနိုင်သဖြင့် တတ်နိုင်သမျှ ဖယ်ရှားရန် ပူးပေါင်းဆောင်ရွက်နေကြောင်း၊ ဒဏ်ကြေးဆောင်ရာတွင်လည်း သက်သာသည့် နှုန်းထားများ သတ်မှတ်ပေးလိုက်ပါက မီးစက်များ ပိုများလာနိုင်ကြောင်း ရန်ကုန်မြို့တော်ဝန်က ဆိုသည်။

“လက်ရှိ အဆောက်အအုံ ဆောက်လုပ်ခွင့်ပြုရာ၌ အဆောက်အအုံများတွင် မီးစက်ထားရှိမည့် နေရာများနှင့် ကားပါကင်ကို စနစ်တကျထားရှိရန် လိုနေပါတယ်။ ကားပါကင်နှင့် မီးစက်ထားရှိမည့် နေရာများမရှိပါက လူနေထိုင်ခွင့် ချထားပေးမှာ မဟုတ်ပါဘူး” ဟု ရန်ကုန်မြို့တော်ဝန်က ပြောကြားသည်။

ရန်ကုန်မြို့တွင် တစ်လလျှင် အထပ်မြင့်အထပ်နိမ့် အဆောက်အအုံ အလုံးရေ ၅၀၀ ခန့်ဆောက်လုပ်ခွင့် ပြုနေကြောင်းနှင့် အဆောက်အအုံ ဆောက်လုပ်ခွင့်ပြုရာတွင် ကားပါကင်၊ ရေရရှိမှု၊ မီးသတ်စနစ်များ၊ အမှိုက်စွန့်ပစ်မှု စသည်တို့ ပြည့်စုံမှသာ လူနေထိုင်ခွင့် ချထားပေးမည်ဖြစ်ပြီး ယခု မီးစက်ထားရှိရမည့် နေရာသတ်မှတ်ချက် ထပ်တိုးလိုက်သည့် ပုံစံဖြစ်သည်။



Credit: Eleven Media Group