ဟောင်ကောင်အိမ်ခြံမြေလုပ်ငန်းရှင်များ လန်ဒန်တွင် ရုံးခန်းနေရာများကို ကန်ဒေါ်လာ သန်း ၂၉၀ သုံးစွဲကာ ၀ယ်ယူကာ အင်္ဂလန်ဘဏ်အား ပြန်လည်အငှားချ

ဟောင်ကောင်စီးပွားရေးလုပ်ငန်းရှင်များသည် လန်ဒန်တွင် ရုံးခန်းနေရာများကို ပေါင် ၂၃၄ သန်း (ကန်ဒေါ်လာ သန်း ၂၉၀) သုံးစွဲကာ ၀ယ်ယူလိုက်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ဝယ်ယူလိုက်သော ရုံးခန်းအဆောက်အအုံတည်နေရာမှာ မိုဂိတ်လမ်း၊
အမှတ် ၂၀ ရှိ အဆောက်အအုံဖြစ်ပြီး ဗဟိုဘဏ်၏ လုပ်ငန်းတာဝန်အများအပြား ဆောင်ရွက်ရာ အဆောက်အအုံလည်း ဖြစ်သည်။

ဟောင်ကောင်ကုမ္ပဏီသည် အဆိုပါအဆောက်အအုံကို ၀ယ်ယူရရန်အတွက် Deutsche Fonds Holdings အား ပေါင် ၁၅၄ သန်း (ကန်ဒေါ်လာ ၁၉၁ သန်း) ပေးခဲ့ရသည်ဟု ဆိုသည်။

လက်ရှိအားဖြင့် အင်္ဂလန်ဘဏ် Bank of England အား ၂၀၂၇ ခုနှစ်အထိ ပြန်လည်ငှားရမ်းထားသည်။
ယင်းအဆောက်အအုံသည် စတုရန်းပေ ၁၅၄၈၅၄ စတုရန်းပေ အကျယ်အ၀န်းရှိပြီး ယခုနှစ်မတ်လကတည်းကပင် ပေါင်သန်း ၁၆၀ (ကန်ဒေါ်လာ ၁၉၈ သန်း) ဖြင့် အရောင်းဈေးကွက်တင်ထားခဲ့ခြင်း ဖြစ်သည်။

အဆိုပါအဆောက်အအုံသည် လန်ဒန်၏ ဘဏ္ဍာရေးအချက်အခြာနေရာနှင့် ခြေလျင်ခရီးဖြင့် ၁၀ မိနစ်ခန့်သာ ကွာဝေးသည့် နေရာတွင်တည်ရှိသည်။

ဟောင်ကောင်အခြေစိုက် China Group ကုမ္ပဏီကလည်း ဖန်းချပ်လမ်း ၊ အမှတ် ၁၀ အဆောက်အအုံကို ကန်ဒေါ်လာ ၉၉ သန်းဖြင့် ယခုရက်သတ္တပတ်အတွင်းကပင် ၀ယ်ယူခဲ့သေးသည်။

အာရှဝယ်လက်တို့သည် လန်ဒန်ရှိ အဆောက်အအုံများကို အင်္ဂလန်ဥရောပသမဂ္ဂမှ ထွက်ခဲ့သည့်တိုင် ဆက်လက်ဝယ်ယူလျက်ရှိရာ ဟောင်ကောင်အခြေစိုက် Kingboard Chemical Holdings ကလည်း အောက်တိုဘာလကုန်ပိုင်းက ဥရောပသမဂ္ဂရုံးအဆောက်အအုံကို Brookfield Property Partners ထံမှ ပေါင် ၂၇၁ သန်း (ကန်ဒေါ်လာ ၃၃၁ သန်း) ဖြင့် ၀ယ်ယူခဲ့သေးသည်။


Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)