တံတားဦးမြို့ပြဖွံ့ဖြိုးမှုစီမံကိန်း ပထမအဆင့် စတင်တော့မယ်လို့ စီမံကိန်းဆောင်ရွက်နေတဲ့ မြန်မာ့ခရီးသွား လုပ်ငန်းဖွံ့ဖြိုးတိုးတတ်ရေးအများပိုင်ကုမ္ပဏီက သိရပါတယ်။
စီမံကိန်းဆက်လက် အကောင်အထည်ဖော်ဖို့ မန္တလေးတိုင်းဒေသကြီး အစိုးရအဖွဲ့နဲ့ တွေ့ဆုံခွင့်တောင်းထား တယ်လို့ သိရပါတယ်။
“စီမံကိန်း ဆက်လုပ်ခွင့်တော့ ရတယ်၊ ဘယ်လိုလုပ်ရမယ်ဆိုတာ အစီအစဉ်တွေ တိုင်းဒေသကြီး အစိုးရ အဖွဲ့နဲ့ တွေ့ဆုံပြီးမှ ဆက်လက်ဆောင်ရွက်မယ်၊ လတ်တလော first phase ဆိုပြီး ပထမအဆင့် အနေနဲ့ ဆောင်ရွက်ဖို့ လုပ်နေတယ်” လို့ မြန်မာ့ခရီးသွား လုပ်ငန်းဖွံ့ဖြိုးတိုးတတ်ရေး အများပိုင်ကုမ္ပဏီ ဒါရိုက်တာ ဦး မြင့်အောင်က ပြောပါတယ်။
အဆင့်ဆင့်လုပ်ဆောင်
စီမံကိန်းကို ပိုင်းခြားမျဉ်းနဲ့ ပိုင်းထားပြီး အနောက်ဘက်ခြမ်းကို ပထမအဆင့် စတင်အကောင်အထည်ဖော်မှာ ပါ။ အရှေ့ဘက်ခြမ်းက ဒုတိယအဆင့်ဖြစ်ပြီး အဆင့်ဆင့် ဆက်လက်လုပ်ဆောင်မှာ ဖြစ်တယ်။
ဒါရိုက်တာ ဦးမြင့်အောင်က “မြေပွဲစားတွေက အနောက်ဘက်ခြမ်းပဲ အကောင်အထည်ဖော်မှာ၊ အရှေ့ဘက် ခြမ်းကတော့ အကောင်အထည်မဖော်ဘူးဆိုပြီး မြေအရောင်းအဝယ်ဖြစ်အောင် ပြောနေတာတွေရှိတယ်၊ စီမံ ကိန်းတစ်ခုလုံး လုပ်ဆောင်မှာပါ” လို့ ပြောပါတယ်။
ပြီးခဲ့တဲ့ ဇူလိုင်လလောက်က စီမံကိန်းအတွင်း ရေဝင်ရောက်မှုကြောင့် မြေညှိတဲ့ လုပ်ငန်းတွေ ရပ်ဆိုင်းထား ရပြီး အခုပြန်လည်ဆောင်ရွက်တော့မှာဖြစ်တယ်။
တောင်သူတွေ မြေအပ်မှုမှာ မြေတစ်ဆက်တည်းမရတဲ့အတွက် စီမံကိန်းဆောင်ရွက်ဖို့ နှောင့်နှေးနေပါတယ်။
တံတားဦးမြို့ပြဖွံ့ဖြိုးမှု စီမံကိန်းမှာ နိုင်ငံခြားသားတွေ ရင်းနှီးမြှုပ်နှံမယ့်ဟိုတယ်၊ ပြည်တွင်းလုပ်ငန်းရှင်တွေ ရင်းနှီးမြှုပ်နှံမယ့် ဟိုတယ်၊ စီးပွားရေးလုပ်ငန်းဆောင်ရွက်နိုင်တဲ့ မြေနေရာ၊ ယဉ်ကျေးမှု ကဇာတ်ရုံ၊ အဝေး ပြေးယဉ်ရပ်နားစခန်း၊ လှေဆိပ်၊ ဘဏ်လုပ်ငန်း၊ ငွေကြေးဝန်ဆောင်မှုလုပ်ငန်း၊ အပန်းဖြေစခန်း၊ ဂေါက်ကွင်း၊ သင်တန်းကျောင်း၊ အမှတ်တရ မြန်မာ့စက်မှုလက်မှု ပစ္စည်းထုတ်လုပ်တဲ့ရွာ၊ လုံးချင်းအိမ်ရာ၊ ဝန်ဆောင်မှုအ ပြည့်ပေးနိုင်မယ့် လူနေတိုက်ခန်း၊ ဝန်ထမ်းအိမ်ရာ၊ ဆေးရုံဆေးခန်း၊ မီးသတ်တပ်ဖွဲ့၊ ရဲစခန်း၊ ဆက်သွယ်ရေးစ ခန်း၊ ရေဆိုးသန့်စင် စက်ရုံတွေ ပါဝင်မှာ ဖြစ်ပါတယ်။
Credit: The Modern
