နေပြည်တော်မှာ မြေဈေးကျပြီ

နေပြည်တော်ရှိ မြေကွက်တွေ အခုရက်ပိုင်းအတွင်း လျှော့ဈးနဲ့ အရောင်းအဝယ်ပိုသွက်နေတယ်လို့ သိရပါတယ်။

နေပြည်တော်ရဲ့ အိမ်ခြံမြေဈေးကွက်မှာ ရောင်းလိုသူတွေများနေတဲ့ အခုရက်ပိုင်းဝယ်လက်များနေပေမဲ့လည်း ၂၀ရာခိုင်နှုန်းလျှော့ဈေးနဲ့ပဲ အရောင်းအဝယ် ဖြစ်နေတယ်လို့ သိရပါတယ်။

‘ နေပြည်တော်မှာ ခုရက်ပိုင်းအငှါးထက် မြေကွက်အရောင်းအဝယ်တွေ ပိုအလုပ်ဖြစ်တယ်၊ အရင်လထက်တောင် သွက်တယ်၊ ဒါပေမဲ့ လျှော့ဈေးနဲ့ပဲ အရောင်းအဝယ်ဖြစ်နေတာ ၊ ရောင်းတဲ့သူတွေအော်သလောက် မရဘူး၊ မြေကွက်ရွေးချယ်စရာတွေများနေတော့ ရောင်းတဲ့သူတွေအနေနဲ့လျှော့ဈေးနဲ့ပဲ ပေးရတာများတယ် ‘ လို့ နေပြည်တော်မြန်မာနိုင်ငံအိမ်ခြံမြေအကျိုးဆောင်အသင်းမှ အတွင်းရေးမှူး ဦးကျော်စွာမြင့်က ပြောပါတယ်။

နေပြည်တော်မှာက မြေကွက်အများစုကို ရင်းနှီးမြှုပ်နှံသုတွေအနေနဲ့ တခြားရင်းနှီးမြှုပ်နှံမှုအတွက် ငွေလိုတဲ့အခါ ပြန်လည်ရောင်းချမှုတွေ များလာသလို ဝန်ထမ်းတွေအနေနဲ့ အမှန်တကယ်နေထိုင်ခြင်မရှိတာကြောင့် ပြန်လည်ရောင်းချလိုမှုမြင့်တက်နေတာဖြစ်ပါတယ်။

ဒါကြောင့်လည်း ဝယ်ယူသူတွေအနေနဲ့ ရွေးချယ်စရာနေရာရော ဈေးနှုန်းပါအားသာချက်ရှိနေတာကြောင့် လျှော့ဈေးတွေနဲ့ ဝယ်ယူခွင့်ရကြတာလည်းဖြစ်ပါတယ်။
ဆောက်လုပ်ရေးပိုင်း ၊ ဆက်သွယ်ရေးပိုင်းနဲ့ နိုင်ငံခြားနဲ့ ဖက်စပ်လုပ်မယ့် လုပ်ငန်းတွေက လာဝယ်တာများတဲ့အတွက် ပေ ၆၀x၈၀ အကျယ်မြေကွက်တွေ အဝယ်များတယ်လို့ သိရပါတယ်။

‘ မြေကွက်ကျယ်တာပဲ ကြိုက်ကြတာ များတယ်၊ အဆောက်အအုံကို မမက်ကြဘူး ကုမ္ပဏီတွေ ဆောက်ကြမှာဆိုတော့လေ အငှါးအနေနဲ့ကတော့ ပုံမှန်ပါပဲ ‘ လို့ အတွင်းရေးမှူး ဦးကျော်စွာမြင့် က ပြောပါတယ်။

အရောင်းအဝယ်အဖြစ်များတဲ့ နေရာတွေကတော့ ဥတ္တရသီရိမြို့နယ် ၊ ပျဉ်းမနားမြို့နယ် ပေါင်းလောင်းဘက်နဲ့ ပုဗ္ဗသီရိမြို့နယ်တို့ ဖြစ်ပြီး သိန်း ၃၀၀ကျော် တန်ကနေ သိန်း ၁၀၀၀ ကျော်တန်းမြေကွက်တွေ အရောင်းအဝယ်ဖြစ်နေတယ်လို့ သိရတယ်။

‘ ရွှေကြာပင်ရပ်ကွက်အနေနဲ့ကတော့ အငှါးလေးတွေသွက်တယ်။ ကျန်တဲ့ဘက်တွေကတော့ အရောင်းအဝယ်ဖြစ်တာများတယ် ၊ မြေကွက်တွေအကြိုက်များတော့ မြေကွက်ပေါတဲ့ ဘက်တွေအရောင်းအဝယ်အဖြစ်များတော့ ဈေးကတော့လျှော့ဈေးပေါ့၊ တော်တော်များများကညှိပြီး လျှော့ရောင်းလိုက်
ရတာများတယ် ‘ လို့ ရွှေကြာပင်ရပ်ကွက်အောင်ဆုပန် အိမ်ခြံမြေအကျိုးဆောင် မှ ဒေါ်မြင့်မြင့်အေးက ပြောပါတယ်။

နေပြည်တော်ရဲ့ အိမ်ခြံမြေဈေးကွက်မှာ အရောင်းအဝယ်လုပ်သူတွေအနေနဲ့မှတ်ပုံတင်စာချုပ်ချုပ်
ဆိုသူ မနှစ်ကထက်နည်းပါးပြီး ခုနောက်ပိုင်းမြေကွက်အရောင်းအဝယ် လုပ်နေတဲ့သူတွေလည်း အထူးကိုယ်စာလှယ်လွှဲစာနဲ့ပဲ အရောင်းအဝယ်စာချုပ်ချုပ်ဆိုကြတာများတယ်လို့ သိရပါတယ်။

မှတ်ပုံတင်စာချုပ်ချုပ်ဆိုရင် အခွန်ဆောင်ခများတဲ့အတွက် အရောင်းအဝယ်လုပ်ကြတဲ့သူတွေအနေနဲ့ အခွန်နှုန်းထားပြောင်းလဲမယ်အချိန်ကို စောင့်နေဆဲ ဖြစ်နေတယ်လို့လည်း သိရပါတယ်။

Credit: The Kumudra