ရွှေ ၊ ဒေါ်လာဈေးမငြိမ် ၊ အိမ်ခြံမြေလည်း စောင့်ကြည့်နေဆဲ

ရွှေဈေး ၊ ဒေါ်လာဈေးအတက်အကျနဲ့ ဘဏ်အပ်ငွေအတိုးနှုန်း အပြောင်းအလဲတွေရှိနေပေမဲ့ အိမ်ခြံမြေဈေးကွက်မှာတာ့ စောင့်ကြည့်နေဆဲ အခြေအနေပဲလို့ စီးပွားရေးပညာရှင်တချို့က သုံးသပ်ပါတယ် ။

လက်ရှိမှာ အိမ်ခြံမြေဈေးကွက်တစ်ခုပဲ အကျဘက်ကို ဦးတည်နေပါတယ် ။
အိမ်ခြံမြေဈေးကွက်အရှိန်ကောင်းမွန်လာနိုင်ဖို့ဆိုတာ ဝင်ရောင်ရင်းနှီးမြှုပ်နှံသူတွေ လိုအပ်နေပါတယ် ။
‘ဘဏ်အပ်ငွေအပြောင်းအလဲကြောင့် ဈေးတွေ သိသိသာသာကောင်းဖို့ဆိုတာ မဖြစ်နိုင်ဘူး ၊ အခုလျှော့ချလိုက်တဲ့ အတိုးနှုန်းက နေ့စဉ်အတိုးနှုန်းတွက်ပေးတဲ့ အပ်ငွေဖြစ်တော့ ပိုဆိုးတယ် ၊ တကယ်လို့စာရင်းသေအပ်ငွေကို လျှော့လိုက်ရင်တော့ တစ်မျိုးဖြစ်နိုင်တာပေါ့’ လို့ စီးပွားရေးပညာရှင် ဒေါ်မိုးမိုးက သူ့အမြင် ပြောပါတယ် ။

ရွှေနဲ့ဒေါ်လာ

လက်ရှိမှာ ဒေါ်လာဈေးနှုန်းပြောင်းလဲသလို နိုင်ငံခြားငွေအားလုံး မြင့်တက်လာတာတွေကြောင့် ငွေကြေးကစားဖို့ အခုအချိန်မှာ လက်တွန့်နေကြပါတယ် ။ ရွှေကလည်း တစ်ကျပ်သားကို အမြင့်ဆုံးဈေး ကျပ် ၉၀၀,၀၀၀ ဝန်းကျင်လောက်ကနေ နေ့ချင်း ကျပ် ၃၀,၀၀၀ လောက်အထိ ကျဆင်းတယ် ။ အတက်အကျခန့်မှန်းဖို့ ခက်နေတာကြောင့် ဝယ်ယူသူသိပ်မရှိသလို ဈေးကစားဖို့လည်း ကျွမ်းကျင်သူတွေကိုယ်တိုင် စောင့်ကြည့်နေကြတာလို့ သိရတယ် ။

ပြီးခဲ့တဲ့ အောက်တိုဘာလ ၁ ရက်နေ့က စတင်သတ်မှတ်ခိုက်တဲ့ ဘဏ်တိုးနှုန်းထားတစ်ခု အပြောင်အလဲကြောင့် အိမ်ခြံမြေမှာ ဝင်ရောက်မှုများနိုင်မယ်လို့ ခန့်မှန်းကြတယ် ။ ဒါပေမဲ့ မြန်မာနိုင်ငံရဲ့ အဓိက ငွေးကြေးမြှုပ်နှံတဲ့ စာရင်းသေအပ်ငွေ မပြောင်းလဲတာကြောင့် အိမ်ခြံမြေမှာလည်း သိသိသာသာ မပြောင်းလဲပါဘူး ။

ကမ္ဘာ့ရတမာဘဏ်က Deputy Managing Sirector ဒေါက်တာလှညွန့်က ‘ဒီအတိုးနှုန်းထား ပြောင်းလဲလိုက်တာက အတိုးများများပေးနိုင်တဲ့ ချမ်းသာတဲ့ ဘဏ်တွေမှာ သွားထည့်တာတွေ လုပ်တာမျိုးတွေဖြစ်နိုင်တယ် ၊ အဲဒီလိုမှမဟုတ်ဘဲ တခြားနေရာ ဒေါ်လာတို့ ရွှေတို့မှာ သွားရင်းနှီးတာမျိုးဆိုရင်တော့ စီးပွားရေး တည်ငြိမ်မှာ မဟုတ်ဘူး’ လို့ပြောပါတယ်။

အိမ်ခြံမြေ

လက်ရှိအိမ်ခြံမြေဈေးကွက်က မြို့နယ်တချို့မှာ အဝယ်ဆင်းပြီး ဈေးကွက်ပြန်ကြည့်တာရှိပါတယ် ။ ပုံမှန်အတိုင်းဈေးကွက်ဖြစ်ပေါ်နေတဲ့ မြို့နယ်တွေလည်း ရှိပါတယ် ။ ဆင်ခြေဖုံးမြို့နယ် တချို့မြေကွက်တချို့တော့ စိတ်ဝင်စားလာတာတွေ့ရပြီး မြို့တွင်းပိုင်းနဲ့ နာမည်ကြီးလမ်းမပေါ်တွေကတော့ အဝယ်မရှိသေးတဲ့ အခြေအနေပါ ။

ကန်ထရိုက်တိုက်တွေကလည်း အရောင်းများနေပြီး အဝယ်မရှိသလောက်နည်းပါးနေပါတယ် ။ တိုက်ခန်းဈေးကွက်ကတော့ ဈေးသက်သာတဲ့ တိုက်အဟောင်းတွေကို ပြန်လည်ဝယ်ယူကြတာများပါတယ် ။ ဈေးကွက်ထဲမှာတော့ စမ်းပြီးပြန်လည် ရင်းနှီးမြှုပ်နှံတဲ့ သိန်း ၅၀၀ အောက်မြေကွက်အချို့သာ ရှိပါတယ် ။

‘အိမ်ခြံမြေဘက်မှာက ချက်ချင်းကြီး ပြောင်းလဲတာ မဖြစ်သေးဘူး ၊ အားလုံးက ဝယ်ပြီးမှ ပြန်ကျသွားမှာ ကြောက်တော့ အကွက်သေးတွေလောက်ပဲ ပြန်စကြတာများတယ်’ လို့ သုခအိမ်ခြံမြေအကျိုးဆောင်လုပ်ငန်းက ကိုနန္ဒက ပြောပါတယ် ။



Credit: The Modern