ရွှေဈေးနဲ့ ဒေါ်လာဈေး၊ ဘဏ်အတိုးနှုန်းဂယက်က အိမ်ခြံမြေ လှုပ်ခတ်နိုင်ခြေများ

ရွှေဈေး၊ ဒေါ်လာဈေးနဲ့ ဘဏ်အတိုးနှုန်း ပြောင်းလဲမှုဂယက်က ငွေကြေးဖောင်းပွမှုတွေ ဖြစ်စေပြီး တည်ငြိမ် တဲ့ ဈေးကွက်ရှိတဲ့ အိမ်ခြံမြေ ဈေးကွက်ကို ပြန်ပြီး လှုပ်ခတ်လာနိုင်စေတယ် လို့ သိရပါတယ်။

ဝယ်ရောင်းသမားတွေ ရင်းနှီးမြှုပ်နှံမှု အများဆုံး ပြုလုပ်နေတဲ့ ရွှေ၊ ဒေါ်လာ ဈေးကွက်မှာက ဈေးနှုန်း မ တည်ငြိမ်ဘဲ ငွေကြေးဖောင်းပွစေတာကြောင့် အိမ်ခြံမြေဘက်ကို ပြန်လှည့်လာနိုင်တယ်လို့ ခန့်မှန်းကြတာ ဖြစ်တယ်။ အိမ်ခြံမြေက ခိုင်မာမှုရှိပြီး တည်ငြိမ်တာကြောင့် ပြန်လှုပ်ခတ်လာနိုင်တာ ဖြစ်တယ်လို့ ပြောပါ တယ်။

ရွှေကံမြေ အကျိုးဆောင်မှ ဦးခင်မောင်အေးက “ဈေးကွက်လှုပ်လာမယ် ဆိုတာက အရောင်းအဝယ် ဈေး ကွက်နဲ့ အငှားဈေးကွက် လှုပ်လာနိုင်တယ်၊ ဈေးနှုန်းကတော့ မလှုပ်နိုင်ပါဘူး” လို့ ပြောပါတယ်။

အိမ်ခြံမြေ ဈေးကွက်က အရောင်းအဝယ်အေးနေပေမဲ့ တည်ငြိမ်တဲ့ ဈေးကွက်အနေအထားမှာ ရှိနေတာပါ။ ဈေးကွက်အေးနေခဲ့တာကလည်း ရွှေနဲ့ဒေါ်လာ ဈေးကွက်ဘက်ကို လှည့်သွားကြတာတွေကြောင့် လို့ သိရ တယ်။ ရင်းနှီးမြှုပ်နှံတဲ့ ဈေးကွက်တွေက အခုလို တည်ငြိမ်မှု နည်းနေတာကြောင့် ဈေးမာနေသေးတဲ့ အိမ်ခြံမြေကို ပြန်လှည့်လာပြီး ရင်းနှီးမြှုပ်နှံတာတွေ ရှိလာနိုင်တာဖြစ်တယ်လို့ အကျိုးဆောင်တချို့က ပြော ပါတယ်။

ဝယ်ရောင်းအကျိုးဆောင် ဦးဝင်နိုင်က “ဈေးကွက်ထဲကို အရင်ရက်ပိုင်းတွေကတည်းက ဈေးစုံစမ်းတာတွေ များလာတယ်၊ အိမ်ခြံမြေ ဆိုတာက အရင်ကတည်းက ဝယ်ထားရင် မြတ်တဲ့ ဈေးကွက်ပဲလေ၊ ဒီဈေး ကွက်ထဲမှာ ရင်းနှီးမြှုပ်နှံထားကြတဲ့ သူတွေကတော့ ပုံမှန်ပါပဲ၊ ဈေးကွက်လှုပ်ရာ ပြောင်းပြီး ဈေးကစားချင် သူတွေကတော့ ပြောင်းလာနိုင်တယ်” လို့ ပြောပါတယ်။

အရင်နှစ်တွေတုန်းကလည်း အခုလို ရွှေဈေးရော ဒေါ်လာဈေးပါ မဟုတ်ဘဲ ဒေါ်လာဈေး အပြောင်းအလဲ တစ်ခုတည်းနဲ့ အိမ်ခြံမြေဈေးကွက်ကို လှည့်လာကြတာတွေ ရှိခဲ့ဖူးတယ်လို့ အကျိုးဆောင်အများစုက ပြော ပါတယ်။ လုပ်ငန်းတွေအားလုံးက အပြောင်းအလဲများနေတာကြောင့် အိမ်ခြံမြေဈေးကွက်က ပြန်လှုပ်ခတ် လာနိုင်ခြေ များနိုင်တယ်လို့ ခန့်မှန်းသုံးသပ်ထားကြပါတယ်။


Credit: The Modern