Star Wars ၊ Indiana Jones ဇာတ်လမ်းတွဲများဖြင့် ကမ္ဘာကျော်ခဲ့သူ ဟောလိဝုဒ်သရုပ်ဆောင် ဟယ်ရီဆင်ဖို့ဒ်၏ နေအိမ် ကန်ဒေါ်လာ
၆ ဒသမ ၅၁၂ သန်းဖြင့် ရောင်းချမည်ဖြစ်ကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်
တစ်ခုတွင် ဖော်ပြသည်။
နေအိမ်တည်နေရာမှာ အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ လော့စ်အိန်ဂျလိမြို့၊ အန်စီနိုအရပ်တွင်တည်ရှိပြီး တပ်စ်ကန်ဗိသုကာဟန်ဖြင့် ဆောက်လုပ်ထားခြင်း ဖြစ်သည်။
ယခင်က အဆိုပါနေအိမ်ကို ဟာသသရုပ်ဆောင် ဒစ်ခ် ဗန်ဒိုက်ခ်နှင့် ဘရာဇီးဂီတပညာရှင် ဆာဂျီယို မန်ဒက်စ်တို့ ပိုင်ဆိုင်ခဲ့ဖူးသည်။
ဘရာဇီးဂီတပညာရှင် ဆာဂျီယိုမန်ဒက်စ်ပိုင်ဆိုင်စဉ်က ယင်းနေအိမ်ကြီးတွင် ကမ္ဘာကျော်ဘရာဇီးဘောလုံးသမား ပီလီကို ဧည့်ခံခဲ့ဖူးပြီး နေအိမ်အတွင်း အသံဖမ်းစတူဒီယိုတစ်ခုဆောက်လုပ်ရန် ဆောက်လုပ်ရေး
အဖွဲ့တစ်ခုကို ငှားရမ်းခဲ့ရာ ယင်းအဖွဲ့တွင် ဟယ်ရီဆင်ဖို့ဒ်လည်း ပါဝင်ခဲ့လေသည်။
ဟယ်ရီဆင်ဖို့ဒ်သည် ၁၉၆၄ ခုနှစ်တွင် ရေဒီယိုအသံလွှင့်ဌာနတစ်ခု၌ နောက်ခံ
စကားပြောသူအလုပ်လျှောက်ထားရန်အတွက်
လော့စ်အိန်ဂျလိသို့ ရောက်ရှိလာခဲ့သည်။
ယင်းနောက်ပိုင်းတွင် ၎င်းကို သရုပ်ဆောင်လောကတွင် ထိပ်ဆုံးသို့ပို့ဆောင်ပေးမည့် Star Wars နှင့် American Graffiti ဇာတ်လမ်းတွဲများတွင် ပါဝင်သရုပ်ဆောင်ခွင့်ရခဲ့လေသည်။
ဟယ်ရီဆင်ဖို့ဒ်သည် ယခုနေအိမ်ကြီးကို ဧပြီလအတွင်းကတည်းကအရောင်းဈေးကွက်သို့တင်
ထားခဲ့ခြင်းဖြစ်ပြီး ထိုစဉ်က ခေါ်ဈေးမှာ ကန်ဒေါ်လာ ၈ ဒသမ ၉၉၅ သန်းဖြစ်သည်။
ယင်းနောက်တစ်ဖန် ၆ ဒသမ ၉၉၅ သန်းဖြင့် ဈေးလျှော့ရောင်းချခဲ့ပြန်သော်လည်း ရောင်းမ
ထွက်သေးသောကြောင့် ထပ်မံဈေးလျှော့ကာ ၆ ဒသမ ၅၁၂ သန်းဖြင့် ဈေးကွက်သို့ ပို့လာပြန်ခြင်း ဖြစ်သည်။
ပြီးခဲ့သော နှစ်ပေါင်း ၂၀ ခန့်က အဆိုပါနေအိမ်ကြီး၏ တန်ဖိုးမှာ ကန်ဒေါ်လာ ၁ ဒသမ ၂၅ သန်းသာ ရှိခဲ့သည်။
ခြံဝန်းအကျယ်အ၀န်းမှာ ၁ ဒသမ ၃၇ ဧကရှိပြီး ကြမ်းခင်းဧရိယာမှာ စတုရန်းပေ ၁၂၀၁၅ ရှိကာ အိပ်ခန်း ၆ ခန်းနှင့် ရေချိုးခန်း ၉ ခန်း ပါဝင်သည်။
ဧည့်ခန်းအတွင်း မီးလင်းဖိုတစ်ခုပါဝင်ပြီး စားတော်ကဲကိုင်သည့် အဆင့်ရှိသော မီးဖိုဆောင်၊ ၀ိုင်သိုလှောင်ခန်း၊ အိမ်တွင်းရုပ်ရှင်ရုံနှင့် အရက်ဘားတို့ ပါဝင်သည်။ခြံဝန်းအတွင်းတွင် ရေကူးကန်တစ်ခုနှင့် တင်းနစ်ကွင်းတစ်ခုတို့ ပါဝင်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
