ကျူးကျော်စာရင်း ဒဂုံမြို့သစ် (တောင်ပိုင်း)မြို့နယ်မှ စတင်၍ ကွင်းဆင်းကောက်မည်

ရန်ကုန်တိုင်းဒေသကြီး ရှိ ကျူးကျော်နေထိုင်သူများ စာ ရင်းကို ဒဂုံမြို့သစ်(တောင် ပိုင်း)မြို့နယ်မှစတင်၍ လာမည့်နှစ် ပတ်အတွင်း ကွင်းဆင်းကောက် ယူမည်ဖြစ်ကြောင်း သတင်းရရှိ သည်။

ကျူးကျော်နေထိုင်သူများ စာရင်းကောက်ယူရေးလုပ်ငန်းစီ မံချက်အစည်းအဝေးကို ရန်ကုန် တိုင်းဒေသကြီး ၀န်ကြီးချုပ် ဦးဖြိုး မင်းသိန်း ဦးဆောင်၍ သြဂုတ် ၁၈ ရက်တွင် တိုင်းဒေသကြီး အစိုးရ အဖွဲ့ရုံး၌ ပြုလုပ်ခဲ့ပြီးကွင်းဆင်း စာရင်းကောက်ယူမှုကို ဒဂုံမြို့ နယ် (တောင်ပိုင်း)မှ စတင်ပြုလုပ် မည်ဖြစ်ကြောင်း ယင်းမြို့နယ်၏ တိုင်းဒေသကြီး လွှတ်တော်ကိုယ် စားလှယ် ဦးညီညီကပြောသည်။


‘‘ကျူးကျော်စာရင်းမှာအစ် ကိုတို့မြို့နယ်က အများဆုံးဖြစ် နေတော့ တောင်ဒဂုံကစပြီး ကောက်ယူမယ့်သဘောပေါ့။အုပ် ချုပ်ရေးပိုင်းရော၊ မြို့နယ်နေပြည် သူတွေရော အားလုံးပူးပေါင်းပါ ၀င်လာဖို့ ဆောင်ရွက်မှာပါ။ လာ မည့်နှစ်ပတ်အတွင်း စနိုင်မယ် ထင်တယ်။ စနစ်တကျကောက် ယူသွားမှာပါ’’ဟု ၎င်းကဆိုသည်။

ကျူးကျော်နေထိုင်သူများ အား ကွင်းဆင်းစာရင်းကောက်ယူ ရန် ရန်ကုန်တိုင်းဒေသကြီးအစိုးရ အဖွဲ့က စီစဉ်နေပြီးစတင်ကောက် ယူမည့်ရက်ကို သတ်မှတ်နိုင်ခြင်း မရှိသေးဘဲ စက်တင်ဘာအတွင်း စတင်နိုင်ဖွယ်ရှိကြောင်း လုံခြုံရေး နှင့် နယ်စပ်ရေးရာဝန်ကြီးက 7Day Daily အားပြောကြား သည်။

ကျူးကျော်နေထိုင်သူများကို စာရင်းကောက်ယူရာတွင် အမှန် တကယ်နေစရာမရှိ၍ကျူးကျော် သူများနှင့် စီးပွားဖြစ်ကျူးကျော်သူ များကို ခွဲခြားကာ ကောက်ယူမည် ဖြစ်ပြီး အကြမ်းဖျင်းစီမံချက်အ ဖြစ် အပိုင်းလေးပိုင်းဖြင့် လုပ် ဆောင်မည်ဟု ရန်ကုန်တိုင်းဒေသ ကြီး အစိုးရအဖွဲ့ကသတင်း ထုတ် ပြန်သည်။

အဆိုပါအပိုင်းလေးပိုင်းတွင် ကွင်းဆင်းကောက်ယူရေးအဖွဲ့ များ ဖွဲ့စည်းခြင်း၊ ကောက်ကွက် များ သတ်မှတ်ခြင်းနှင့် ပုံစံများဖြန့် ဝေခြင်း၊ ကွင်းဆင်းကောက်ယူ ခြင်းနှင့် အိမ်ထောင်စုသက်သေ ကတ်ပြားထုတ်ပေးခြင်း၊ ကောက် ယူရရှိသည့် အချက်အလက်များ ကို စိစစ်ကြီးကြပ်ခြင်းတို့ပါဝင် ကြောင်း သတင်းရရှိသည်။

ရန်ကုန်တိုင်းဒေသကြီးခရိုင် လေးခုတွင် ကျူးကျော်နေထိုင်သူ များ ခန့်မှန်းစာရင်း၌ အရှေ့ပိုင်း ခရိုင်တွင် လူဦးရေ တစ်သိန်းငါး သောင်းကျော်၊ အနောက်ပိုင်းခရိုင် တွင် ရှစ်သောင်းကျော်နှင့် တောင် ပိုင်းခရိုင်တွင် ကိုးသောင်းကျော်၊ မြောက်ပိုင်းခရိုင်၌ တစ်သိန်းခုနစ် သောင်းကျော်ရှိကြောင်း ဖော် ပြထားသည်။

အစိုးရသစ်လက်ထက် ကျူး ကျော်နေထိုင်သူများနှင့် ပတ် သက်၍ ရန်ကုန်တိုင်းဝန်ကြီးချုပ် က ကျူးကျော်များကို နေစရာနှင့် အလုပ်အကိုင်များ ဖန်တီးပေးကာ နောင်တစ်ချိန်တွင် ကျူးကျော် ဘ၀မှ ပြောင်းလဲပေးသည့် အစိုးရ ခေတ်တစ်ခေတ် သမိုင်းတွင်ကျန် ရစ်ရန် ကြိုးပမ်းလုပ်ဆောင်မည် ဟု ပြီးခဲ့သည့် မေလ ၂၆ ရက်က ကတိပြုပြောကြားခဲ့သည်။


Credit: 7DayDaily