ချင်းပြည်နယ် ဟားခါးမြို့တွင် အဆင့်မြင့်ဟိုတယ်များစတင်တည်ဆောက်ရန် စီစဉ်နေ ကြောင်း သိရှိရသည်။ ယင်းကဲ့သို့ တည်ဆောက်နိုင်ရန်အတွက် မြေနေရာ လေ့လာမှုများကိုပြုလုပ်ထားပြီးဖြစ်ကာ အနည်းဆုံး ဟိုတယ်နှစ်လုံးကို စတင်တည် ဆောက်သွားရန်စီစဉ်ထားကြောင်း ချင်းပြည်နယ်အစိုးရအဖွဲ့၊ ဟားခါးမြို့ပြဖွံ့ဖြိုးရေးကော်မတီဥက္ကဋ္ဌ စည်ပင်သာယာရေး၊ လျှပ်စစ်နှင့်စက်မှုဝန်ကြီးဌာနဝန်ကြီးဦးဆလိုင်းအိုက်ဇက်ခင်က ဒီမိုကရေစီတူဒေးသတင်းစာသို့ ဇူလိုင်၃၁ရက်ကပြောသည်။ ဦးဆလိုင်းအိုက်ဇက်ခင်က ''ကျွန် တော်တို့တည်ဆောက်ဖို့ စတင်စစ် ဆေးနေပါပြီ။ စစ်ဆေးပြီးရင်တော့ ခွင့်ပြုပေးသွားမှာပါ။ ဟားခါးမြို့မှာ ပဲတည်ဆောက် သွားမှာပါ။ ဟိုတယ် တစ်လုံးကိုမြေဧကငါးဧကလောက် ပေးဖို့တော့စီစဉ်ထားပါတယ်''ဟု ပြောသည်။
လက်ရှိအချိန်တွင်ဟိုတယ်နှစ်လုံးတည်ဆောက်ရန်စီစဉ်ထားပြီး ပုဂ္ဂလိက ကုမ္ပဏီများကလုပ်ကိုင်ဆောင်ရွက်သွားမည်ဖြစ်ကြောင်းသိရသည်။ ''ဟိုတယ် တည်ဆောက်ရင် တော့အနည်းဆုံးတော့ အခန်း ၂ဝ ရှိရပါ့မယ်။
ဘယ်လိုတည်ဆောက်မယ်ဆိုတာမျိုးကတော့ အသေးစိတ် ပြောလို့မရသေးပါဘူး။ ကျွန်တော် တို့ကမြေနေရာလုပ်ပြီးရင် သူတို့ Proposal တင်မယ်။ အဲဒီအခါမှ သေချာပြောပြနိုင်မယ်''ဟု ၎င်းက ဆက်လက်ပြော သည်။ ချင်းပြည်နယ်၊ ဟားခါးမြို့၌ လက်ရှိအချိန်အထိတွင် ဟိုတယ် လေးလုံးခန့်ရှိသော်လည်း အသေးစားများသာဖြစ်ပြီး အဆင့်မြင့်ဟိုတယ်များ မရှိသေးကြောင်းသိသည်။ ယင်းနှင့်ပတ်သက်ပြီး ခရီးသွားလုပ်ငန်း လုပ်ကိုင်သူ ဦးတင် ထွန်းအောင်က ''ချင်းပြည်နယ်က ခရီးသွားလုပ်ငန်းဖွံ့ဖြိုးလာမယ့် ပြည်နယ်တစ်ခုပါ။
ချင်းလူမျိုးစုတွေ ရဲ့ယဉ်ကျေးမှုတွေ၊ သဘာဝတော တောင်အလှတွေကလည်း အင်မတန်လှပါတယ်။ ဒါတွေကို နိုင်ငံခြား သားတွေကတော်တော်စိတ်ဝင်စားပါတယ်။ ဧည့်သည်စိတ်ဝင်စားမှု ကတော်တော်ရှိပါတယ်။ ခရီးသွား လုပ်ငန်းပွင့်လင်းလာတာနဲ့ဟိုတယ် တွေ၊စားသောက်ဆိုင်တွေလိုအပ်လာမှာဖြစ်ပါတယ်။ အခုချိန်မှာတော့ တည်းခိုခန်းအဆင့်ပဲရှိပါသေးတယ်၊ ချင်းပြည်နယ်ရဲ့ အဓိကအခက်အခဲကတော့ လမ်းပန်းဆက် သွယ်ရေးပဲ။ လမ်းပန်းဆက်သွယ်ရေးကောင်း လာတာနဲ့ခရီးသွားလုပ်ငန်းလည်း ပွင့်လင်းလာမှာပါ''ဟုပြောသည်။
ချင်းပြည်နယ်တွင် ခရီးသွားလုပ်ငန်းဖွံ့ဖြိုးလာစေရန်အတွက် လက်ရှိအချိန်တွင်လည်း ခရီးသွားလုပ် ငန်းဆိုင်ရာလှုပ်ရှားမှုများအများအပြားလုပ်ဆောင်နေကြောင်း၊ ခရီးသွားလုပ်ငန်းမှဒေသဖွံ့ဖြိုးရေး ကိုအထောက်အကူပြုသည့် လုပ်ငန်းစဉ်တစ်ခုဖြစ်ကြောင်းနှင့်ပတ်သက်ပြီး ဒေသခံများကိုအသိပညာပေး လုပ်ငန်းများ လုပ်ဆောင်နေပြီး ရပ်ရွာအခြေပြုခရီးသွားလုပ်ငန်းများကို စတင်အကောင်အထည်ဖော် ဆောင်ရွက်ရန်စီစဉ်နေကြောင်းလည်းသိရသည်။
Credit: Yangon Media Group
