အိမ်ဈေးမြင့်တက်သည့် တရုတ်မြို့အရေအတွက် ကျဆင်း

တရုတ်တွင် အိမ်ဈေးတက်သည့်မြို့အရေအတွက်သည် ယခုနှစ်တွင် ဒုတိယမြောက်လအဖြစ် ဇွန်လတွင် ဆက်လက်လျော့နည်းကျဆင်းခဲ့ကြောင်း တရုတ်အမျိုးသားစာရင်းအင်းဗျူရိုက ဇူလိုင်လ ၁၈ ရက်တွင် ထုတ်ပြန်ခဲ့သည်။

အစိုးရမတည်သည့်အိမ်ရာများမှအပ အိမ်ဈေးများသည် ပြီးခဲ့သည့်လက မြို့ကြီး ၅၅ မြို့တွင် မြင့်တက်ခဲ့ပြီး ၎င်းအရေအတွက်သည် မေလအောက် ၅ မြို့လျော့နည်းခဲ့သည်ဟု ထိုဗျူရိုက ထုတ်ပြန်ခဲ့သည်။

၎င်းဗျူရိုသည် တရုတ်ရှိ မြို့ကြီး ၇၀ ကို လေ့လာ၍ ထုတ်ပြန်ခဲ့ခြင်းဖြစ်သည်။ သို့ဖြစ်ရာ ထို ၇၀ အနက် ၅၅ မြို့တွင် ဈေးနှုန်းမြင့်တက်ခဲ့ပြီး ၁၀ မြို့တွင် ဈေးနှုန်းမပြောင်းလဲခဲ့ဘဲ ကျန် ၅ မြို့တွင် ဈေးနှုန်း ကျဆင်းခဲ့ကြောင်း သိရသည်။

အန်ဟွေပြည်နယ် ဟယ်ဖေမြို့က မေလေကထက် ဈေးနှုန်း ၄ ဒသမ ၉ ရာခိုင်နှုန်း မြင့်တက်ခဲ့ပြီး မြင့်တက်မှုနှုန်းတွင် ထိပ်ဆုံးက ဦးဆောင်ခဲ့သည်။ ဖူကျန့်ပြည်နယ် ရှမိန်မြို့က ၄ ဒသမ ၇ ရာခိုင်နှုန်းနှင့် နန်ကျင်းမြို့က ၄ ရာခိုင်နှုန်းတို့ဖြင့် ဒုတိယနှင့် တတိယအမြင့်ဆုံးမြို့များအဖြစ် အသီးသီးရပ်တည်ခဲ့သည်။

ထိုအဓိကမြို့ကြီး ၇၀ တွင် အိမ်သစ်ဈေးနှုန်းသည် ဇွန်တွင် မေလအောက် ၁ ဒသမ ၈ ရာခိုင်နှုန်း ကျဆင်းခဲ့ပြီး ကြိုပွိုင့်အိမ်ဈေးနှုန်းသည် မေလကထက် ၁ ဒသမ ၂ ရာခိုင်နှုန်း မြင့်တက်ခဲ့သည်ဟုလည်း ဗျိုရို၏ စာရင်းတွင် ဖော်ပြခဲ့သည်။

"ပထမအဆင့်မြို့ကြီးတွေကလွဲလို့ နိုင်ငံတစ်ဝန်း ကျန်မြို့တွေမှာ ဈေးနှုန်းဟာ အသင့်အတင့်နှုန်းနဲ့ မြင့်တက်ခဲ့တာပါ" ဟု ကမ္ဘာ့အိမ်ခြံမြေအတိုင်ပင်ခံလုပ်ငန်း Savills ၏ တရုတ်သုတေသနခေါင်းဆောင် ဂျိမ်းစ်မက်ဒေါ်နယ်ကလည်း ပြောကြားခဲ့သည်။

ယခင်နှစ်ဇွန်နှင့် ယခုနှစ်ဇွန်ကိုနှိုင်းယှဉ်ပါက ယခုနှစ်ဇွန်တွင် အိမ်သစ်ဈေးနှုန်းသည် ၅၇ မြို့တွင် မြင့်တက်ခဲ့ပြီး ၁၂ မြို့တွင် ကျဆင်းခဲ့ကာ ၁ မြို့တွင် မပြောင်းလဲဘဲတည်ငြိမ်ခဲ့သည်။ ထို့ပြင် ကြိုပွိုင့်အိမ်ဈေးသည်လည်း ၅၂ မြို့တွင် မြင့်တက်ခဲ့ပြီး ၁၆ မြို့်တွင် ကျဆင်းခဲ့ကာ ၂ မြို့တွင် မပြောင်းလဲခဲ့ကြောင်း သိရသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)