မန္တလေးတိုင်းဒေသကြီးအတွင်း စီးပွားရေးတိုးတက်ဖွံ့ဖြိုးရေးနှင့်ဆင်းရဲနွမ်းပါးမှုလျှော့ချရေးဆိုင်ရာ လုပ်ငန်းများ ဆောင်ရွက်ရန်အတွက် မန္တလေးစက်မှုလုပ်ငန်းများ ဖွံ့ဖြိုးတိုးတက်ရေးကော်မတီနှင့် တော်ဝင်အဆင့်မြင့် နည်းပညာအဖွဲ့ ကုမ္ပဏီလီမီတက်(RHGC)တို့၏ ''မန္တလေးမြို့သာစက်မှုဥယျာဉ်မြို့'' စီမံကိန်းလုပ်ငန်း တည်ဆောက်ခြင်း လုပ်ငန်းစီမံကိန်းနှင့် မြင်းခြံမြို့နယ် ဆီမီးခုံကျေးရွာအုပ်စု နိုင်ငံတကာအဆင့်မီ ဧရာဝတီဆိပ်ကမ်းတည်ဆောက်ခြင်းလုပ်ငန်းများကို ၂ဝ၁၂ ခုနှစ်က စတင်အကောင်အထည်ဖော်ဆောင်ရွက်ခဲ့သည်။
နိုင်ငံတော်၏ ကျေးလက်ဒေသဖွံ့ဖြိုးတိုးတက်ရေးနှင့်ဆင်းရဲနွမ်းပါးမှုလျှော့ချရေး အစီအစဉ်တွင် မန္တလေးတိုင်းဒေသကြီး အစိုးရအဖွဲ့အနေဖြင့် မြန်မာပြည်အလယ်ပိုင်းမိုးနည်းရေရှားရပ်ဝန်းတွင် ပါဝင်သည့် မြင်းခြံခရိုင် ဆီမီးခုံဒေသနှင့် မြို့သာဒေသများကို ဗဟိုပြု၍ ဒေသခံပြည်သူများ၏ ကုန်စည်စီးဆင်းမှု့ လွယ်ကူချောမွေ့စေရေး၊ အလုပ်အကိုင်အခွင့်အလမ်းများ ပေါ်ထွက်လာပြီး တစ်ဦးချင်းဝင်ငွေတိုးတက်စေရေး၊ လူနေမှုအဆင့်အတန်းမြင့်မားလာစေရန် ရည်မှန်းလျက် မန္တလေးတိုင်းဒေသကြီးအစိုးရအဖွဲ့နှင့်(ROYAL HI-TECH GROUP CO-LTD)တို့ကနိုင်ငံတကာအဆင့်မီ ဆီမီးခုံ(ဧရာဝတီ) ဆိပ်ကမ်းတည်
ဆောက်ရေးနှင့် ငါန်းဇွန်မြို့နယ် မြို့သာစက်မှုဥယျာဉ်မြို့ တည်ဆောက်ခြင်းလုပ်ငန်းများကို အကောင်အထည်ဖော်နေရာ မြို့သာစက်မှုဥယျာဉ်မြို့တော်တွင် စက်ရုံများတည်ဆောက်ကာ လုပ်ငန်းစတင်ကာ မီးခိုးတလူလူဖြင့် စက်ရုံအလုပ်ရုံများ လည်ပတ်နေသည်ကို တွေ့ရသည်။
မြို့သာစက်မှုဥယျာဉ်မြို့တွင် ယခုအခါ အထပ်သားစက်ရုံ၊ မွေးမြူရေးနှင့်အစာသွပ်စက်ရုံ၊ ဘီစကွတ်စက်ရုံ၊ကိုကာကိုလာပစ္စည်း သိုလှောင်ရေးစက်ရုံများ တည်
ဆောက်လည်ပတ်လျက်ရှိသည်။ နောက်ထပ်လည်း မြို့သာစက်မှုဥယျာဉ် မြို့တွင် အကြီးစားစက်ရုံများ တည်ဆောက်ရန် မြေကွက်များ ဝယ်ယူထားပြီးဖြစ်ကြောင်းသိရသည်။
မြို့သာစက်မှုဥယျာဉ်မြို့လုပ်ငန်းတွင် တစ်ခုအပါအဝင်ဖြစ်သော နိုင်ငံတကာအဆင့်မီ ဆီမီးခုံ(ဧရာဝတီ) ဆိပ်ကမ်းတည်ဆောက်ရေး လုပ်ငန်းကိုလည်း ၂ဝ၁၅ ခုနှစ်က စတင်၍ နိုင်ငံခြားကျွမ်းကျင်ပညာရှင်များဖြင့် တည်ဆောက်ခဲ့ရာဆိပ်ခံတံတားအပါအဝင် တန် ၅ဝ ရှိ ကုန်တင်ကုန်ချနိုင်သည့်ကရိန်းတစ်ခုနှင့် ရေကျ၊ ရေတက်ချိန်တွင် ကုန်တင်သင်္ဘောကြီးများ အလွယ်တကူ ဆိုက်ကပ်နိုင်ရန်အတွက် ခေတ်မီနည်းပညာများဖြင့် ဆိပ်ခံဗောတံတားကို တည်ဆောက်နေရာ ၂ဝ၁၆ ခုနှစ် မကုန်မီ အပြီးတည်ဆောက်သွားမည်ဆို၏။ နိုင်ငံတကာအဆင့်မီ ဆီမီးခုံ(ဧရာဝတီ) ဆိပ်ကမ်းအား ဆိပ်ကမ်းစီမံခန့်ခွဲရေးရုံး၊ အဆင့်မြင့်အရာရှိ
ရိပ်သာ၊ ဝန်ထမ်းရိပ်သာ၊ ရေချိုးခန်း၊ အိမ်သာ၊ စားရိပ်သာ၊ဝန်ထမ်းစားသောက်ဆိုင်နှင့် ရေလှောင်ကန်များအပါအဝင် မြေဧက ၃၈၉ ဒသမ ၇၇ ဧကပေါ်တွင် ဆောက်လုပ်ပြီးစီး နေပြီဖြစ်သည်။ သင်္ဘောဆိပ်မှစက်မှုဥယျာဉ်မြို့သို ၁၁ မိုင်
ရှိ လမ်းသစ်ကိုလည်း ဖောက်လုပ်ပြီးစီးနေပြီဖြစ်သည်။
မြို့သာစက်မှုဥယျာဉ်မြို့တွင် သယ်ယူပို့ဆောင်ရေးဌာန၊အလတ်စားစက်မှုလုပ်ငန်း၊ အသေးစားစက်မှုလုပ်ငန်း၊ အထပ်နိမ့်အိမ်ရာစီမံကိန်း၊ စီးပွားရေးနှင့်ကူးသန်းရောင်းဝယ်ရေးဇုန်၊ သိပ္ပံနှင့်သုတေသနရုံး၊ ၁၈ ကျင်းပါ ဂေါက်ကွင်း၊
ပန်းခြံနှင့် စိမ်းလမ်းစိုပြည်ရေးနေရာ၊ လုံးချင်းအိမ်ရာ၊ အထပ်မြင့်အိမ်၊ ကုန်တိုက်နှင့်ဈေးဝယ်စင်တာများ ပါရှိမည်ဖြစ်ပြီး မြေဧက ၁၁ဝဝဝ ကျော်တွင် အကောင်အထည်ဖော်တည်ဆောက်သွားမည်ဖြစ်သည်။
စက်မှုဇုန်တွင် အကြီးစားစက်မှုလုပ်ငန်း၊ အလတ်စားစက်မှုလုပ်ငန်း၊ အငယ်စားစက်မှုလုပ်ငန်းများ ပါဝင်၍ စက်ရုံပေါင်း ၂၅ဝဝ ကျော် ပါဝင်မည်ဖြစ်၍
ဝန်ထမ်းပေါင်း ၁၅ဝဝဝဝ ထွက်ပေါ်လာမည်ဖြစ်ရာဒေသခံများ အလုပ်အကိုင်အခွင့်အလမ်းများ ပေါ်ပေါက်လာ
မည်ဖြစ်သည်။
မြို့သာစက်မှုဥယျာဉ်မြို့ကြီးတွင် နိုင်ငံတကာ အဆင့်မီကူးသန်းရောင်းဝယ်ရေးဆိပ်ကမ်းနှင့်စက်မှုလက်မှုဆိုင်ရာ လုပ်ငန်းများ အများအပြားတည်ဆောက်ပေါ်ထွက်လာပြီး မော်တော်ယာဉ်လိုင်းများ၊ စတိုးဆိုင်နှင့်(SHOPPING ENTER) များ၊ ဈေးများ၊ ဆေးရုံများ၊ ဘဏ်များ၊ စာတိုက်နှင့် ဆက်သွယ်ရေးလုပ်ငန်းများ၊ ရဲစခန်းများ၊ မီးသတ်စခန်း၊အားကစားကွင်းနှင့် ဘာသာရေးဆိုင်ရာများ အသီးသီးပေါ်ပေါက်လာပြီးအဆင့်မြင့်မြို့သစ်ကြီးတစ်ခု
အဖြစ်ရောက်ရှိလာမည်ဖြစ်သည် ဆို၏။
မြို့သာစက်မှု့ဥယျာဉ်မြို့တွင် သန့်ရှင်းသော သောက်သုံးရေ လုံလောက်စွာ ရရှိမည်ဖြစ်ပြီး လိုအပ်သော လျှပ်စစ် ဓာတ်အားကို ကုမ္ပဏီ၏အစီအစဉ်ဖြင့် ဓာတ်အားပေးစက်ရုံများ တည်ဆောက်ပေးသွားမည်ဆို၏။ ယခုအခါ မြို့သာစက်မှုဥယျာဉ်မြို့တွင် စက်ရုံအလုပ်ရုံများ စတင်လည်ပတ်နေပြီဖြစ်၍ မကြာမီကာလအတွင်း စက်ရုံအလုပ်ရုံများပေါ်ထွက်လာကာ မီးခိုးတလူလူ ဥသြသံတညံညံဖြင့် စည်ကားတိုးတက်လာမည့် စက်မှုမြို့တော်တစ်ခုဖြစ်လာ မည်ဖြစ်ကြောင်း ရေးသားတင်ပြလိုက်ပါသည်။
Credit: MOI Webportal Myanmar
