အစိုးရအိမ်ရာအသစ်တွေရောင်းရင် အရင်လိုပုံစံမျိုး မဖြစ်စေချင်ပါ

အစိုးရအိမ်ရာစီမံကိန်းတွေ ရောင်းချပေးတဲ့အခါ လိုအပ်တဲ့သူတွေ လက်ထဲ ရောက်ရှိဖို့လိုပြီး တစ်ဆင့်ပြန်ရောင်းချတဲ့ဈေးကွက် မဖြစ်အောင် ပြုလုပ်သင့်သလို ပြန်ဝယ်ထားသူတွေ
လည်း နစ်နာမှုရှိနိုင်တယ်ဆိုတာမျိုး တရားဝင်ထုတ်ပြန်ထားသင့်တယ်လို့ သိရပါတယ်။

အသစ်ဆောက်လုပ်နေတဲ့ တန်ဖိုးနည်းအိမ်ရာတွေကို ဝယ်ယူဖို့ စိတ်ဝင်စားနေကြပြီး ပြင်ပကနေ ဝယ်ယူချင်သူတွေလည်း ရှိတယ်လို့ သိရပါတယ်။ အရင်က ရောင်းချခဲ့တဲ့ အိမ်ရာတွေမှာ ဝန်ထမ်းတွေကို ဦးစားပေးတာ များပြီး တစ်ဆင့်ပြန် ရောင်းချတဲ့သူတွေလည်း ရှိခဲ့ပါတယ်။

ဝသုန်အကျိုးဆောင်မှ ဦးမောင်ဝင်းက အရင်အိမ်ရာတွေတုန်းက ပြန်ရောင်းခွင့်မရှိဘူး ဆိုပေမယ့် ပြင်ပမှာ ပြန်ရောင်းတဲ့ဈေးကွက်တော့ များပါသေးတယ်၊ တစ်ခုက တကယ်နေဖို့လို အပ်နေသူတွေကို ဘယ်လိုစိစစ်ပြီး ရောင်းချပေးမလဲ ဆိုတာပဲ၊ ရောင်းပေးမယ်ဆို ဘယ်နေရာမှာ၊ ဘယ်လိုလျှောက်ထားရမယ်ဆိုတာ နီးစပ်ရာသိတာမျိုး မဟုတ်ဘဲ အားလုံးသိဖို့ လိုတယ်လို့ ပြောပါတယ်။

အိမ်ရာဝယ်ယူခွင့် လျှောက်တဲ့အခါမှာ အရင်က နေရာလွဲမှားပြီး လျှောက်မိတာ၊ မဲစနစ်နဲ့ ရောင်းချတဲ့အခါ အမှန်တကယ် လိုအပ်နေ
သူတွေ မပါတာမျိုး ကြုံခဲ့ရတာတွေရှိတယ်လို့ အိမ်ရာလျှောက်ခဲ့ဖူးသူတွေနဲ့ အကျိုးဆောင်တချို့က ပြောပါတယ်။

လက်ဆင့်ကမ်း ဝယ်ယူထားသူတွေအနေနဲ့လည်း ပိုင်ဆိုင်မှုမခိုင်မာတာကြောင့် ပြဿနာတစ်ခုခုဖြစ်ရင် ဆုံးရှုံးနစ်နာနိုင်တယ်လို့လည်း သိရပါတယ်။

ဒါပေမယ့် ဈေးကွက်ထဲမှာ ပြင်ပက မဲပေါက်ပြီး ဝယ်သူတွေသာမက အစိုးရဝန်ထမ်း မဲပေါက်သူတွေပါ တစ်ဆင့်ခံအမြတ်ယူ ရောင်းချတာတွေ ရှိပါတယ်။ စီမံကိန်းမပြီးခင်ကတည်း စီးပွားရေးနှင့် ဥပဒေလမ်းညွှန် ဦးတင်သန်းဦးက ဒါက တကယ်တော့ ထိန်းချုပ်ရခက်တဲ့ ကိစ္စတွေပါ၊ အမှန်တကယ်တော့ ရောင်းချခွင့် မရှိဘူး၊ နောက်ထပ်အိမ်ရာတွေကို ဘယ်လိုထိန်းချုပ်မလဲ စောင့်ကြည့်ရမှာပါလို့ ပြောပါတယ်။

အစိုးရက ရောင်းချတဲ့ အိမ်ရာတွေရဲ့ မြေအမျိုးအစားတွေက ပါမစ်မြေတွေဖြစ်ပြီး လွှဲပြောင်းရောင်းချခွင့် မရှိတာကြောင့် ဝယ်ယူသူတွေအနေနဲ့ ဆုံးရှုံးနိုင်တယ်လို့ သိရတယ်။

တန်ဖိုးမျှတအိမ်ရာတွေကို ၄ နှစ်အတွင်း တစ်ဆင့်ပြန်ရောင်းချရင် သက်ဆိုင်ရာ ဝန်ကြီးဌာနက အခန်းပြန်သိမ်းမယ့် ဥပဒေတွေ စာချုပ်ထဲမှာပါတာကြောင့် ဥပဒေအရ တကယ်အရေးယူရင် တစ်ဆင့်ခံဝယ်ယူသူတွေ ပိုထိခိုက်နိုင်တာ ဖြစ်ပါတယ်။

ဝါရင့်အကျိုးဆောင် ဦးမောင်မောင်က ပထမတစ်ခါလည်း ကြုံခဲ့ဖူးတာကြောင့် ဌာနဆိုင်ရာတွေက နမူနာပြန်ယူပြီး အခုအသစ်တွေမှာ ဘယ်လိုမျိုးပုံစံနဲ့ စိစစ်နိုင်မလဲ၊ ပြုလုပ်နိုင်မလဲ ဆိုတာ နည်းလမ်းပြုလုပ်ထားသင့်တယ်လို့ ပြောပါတယ်။

Credit: Kumudra News