ချာလီချက်ပလင် - ခြုံ ကြားမှ ဘုံဖျားသို့ တက်လှမ်းခဲ့ကြသည့် ကမ္ဘာကျော်ပုဂ္ဂိုလ်များ (အပိုင်း-၃)

ချာလီချက်ပလင်

ချာလီချက်ပလင်သည် အသံတိတ်ခေတ်၏ အကြီးမြတ်ဆုံး သရုပ်ဆောင်တစ်ဦးဖြစ်မလာမီ ငယ်စဉ်ဘ၀မှာ ကြမ်းတမ်းလှ၏ ။ခြောက်ခြားဖွယ်ရာကောင်းလှ၏။
အဖမဲ့ကလေးငယ်တစ်ဦးအဖြစ် ကြီးပြင်းခဲ့ရသည်။ မိခင်မှာစိတ်ရောဂါကုဆေးရုံသို့ရောက်နေ၏။
အစ်ကိုဖြစ်သူနှင့် နှစ်ဦးတည်း ကြမ်းတမ်းသည့် လောကဓံလှိုင်းအတွင်း
ဖြတ်ကျော်ခဲ့ရသည်။

တိရစ္ဆာန်သာသာ ဘ၀မျိုးတွင် နေထိုင်ခဲ့ရ၏။
သူရှင်သန်ဖြတ်သန်းခဲ့ရသည့်ဘ၀မှာ မမှန်းဆနိုင်အောင်ပင် ခက်ထန်ကြမ်းတမ်းလှသည်။
သူ၏ ဘ၀ဇာတ်လမ်းမှာ ကမ္ဘာပေါ်ရှိမည်သူ၏ အဖြစ်အပျက်ထက်မဆိုစိတ်နှလုံးအထိခိုက်စေဆုံး ဘ၀ဇာတ်လမ်းပင် ဖြစ်သည်။

ချာလီချက်ပလင်၏ အမည်ရင်းမှာချာလီစပင်ဆာချက်ပလင်ဖြစ်ပြီး ၁၈၈၉ ခုနှစ်၊ ဧပြီလ ၁၆ ရက်တွင် မွေးဖွားသည်။
ချာလီချက်ပလင်မွေးဖွားမှုနှင့် စပ်လျဉ်း၍ တရားဝင်မှတ်တမ်းမှတ်ရာများ မရှိသော်လည်းအင်္ဂလန်တောင်ပိုင်း၊ ဝေါ၀ါ့သ်အရပ်၊ အရှေ့လမ်းတွင် မွေးဖွားသည်ဟုယုံကြည်ရသည်။

ချာလီချက်ပလင်မမွေးဖွားမီ ၄ နှစ်ခန့်က မိဘနှစ်ပါးလက်ထပ်ခဲ့ကြသည်ဟုဆိုသည်။
ချာလီချက်ပလင်၏ မိဘ ၂ ပါးမှာ တရားဝင်ကွာရှင်းပြတ်စဲခြင်းမရှိခဲ့သော်လည်း ၁၈၉၁ ခုနှစ်နောက်ပိုင်းအတူနေထိုင်ကြခြင်းမရှိတော့ချေ။

ထိုနှစ်အတွင်းတွင်ပင် မိခင်ဟန်နာသည် ဂီတလောကမှ လီယိုဒရိုင်းဒန်ဆိုသူနှင့် ကလေးတစ်ဦးမွေးဖွားခဲ့ပြီးယင်းကလေး ၆ လသားအရွယ်တွင် ဒရိုင်းဒန်ကစောင့်ရှောက်ခဲ့သည်။
ချက်ပလင်၏ ငယ်ဘ၀သည် ဆင်းရဲမှု၊ ခက်ထန်ကြမ်းတမ်းမှု အတိပြီးနေသည်။

သူ၏ အတ္ထုပ္ပတိကိုရေးသားခဲ့သူဒေးဗစ်ရော်ဘင်ဆန်၏ အဆိုအရ “ဆင်းရဲတဲ့ဘ၀ကနေ အောင်မြင်ကြွယ်ဝသွားသူတွေ
အကြောင်း ကမ္ဘာပေါ်မှာအများသူငါပြောနေကြတဲ့ ဘ၀ဇာတ်လမ်းတွေထဲမှာ ချက်ပလင်ရဲ့ဘ၀ဟာ ကြေကွဲဖွယ်ရာအကောင်းဆုံးပါပဲ”ဟုဆိုသည်။ချက်ပလင်သည် လန်ဒန်မြို့ရှိကန်နင်တန်ခရိုင်တွင် မိခင်၊ အကိုဖြစ်သူဆစ်ဒနီတို့နှင့်အတူဆင်းရဲချို့တဲ့စွာ ဘ၀ကို ဖြတ်သန်းခဲ့ရသည်။

မိခင်ဟန်နာမှာအခါအားလျော်စွာ အ၀တ်အစားချုပ်လုပ်ခြင်းမှလွဲ၍ ၀င်ငွေမရှိ။
ဖခင်ဖြစ်သူကလည်းချက်ပလင်တို့ကိုမထောက်ပံ့ချေ။
၎င်းတို့သားအမိတစ်စု၏ ရပ်တည်နိုင်မှုအခြေအနေမှာပိုမိုဆိုးရွားလာသောကြောင့် ချက်ပလင်၇ နှစ်သားအရွယ်တွင် မြို့အုပ်ချုပ်ရေးအဖွဲ့ကစောင့်ရှောက်ရေးဂေဟာသို့ ပို့ထားခြင်းခံရတော့သည်။

မြို့ကောင်စီကချက်ပလင်ကိုလူမှုဖူလုံရေးအကူအညီယူရသည့် ဆင်းရဲသားများကိုထားသည့် Central London District Schoolတွင် ကျောင်းတက်စေခဲ့သည်။
ယင်းနောက်ပိုင်း ၁၈ လအကြာတွင် ချက်ပလင်သည် မိခင်ဖြစ်သူနှင့် ပြန်လည်ပေါင်းစည်းနေထိုင်နိုင်ခဲ့လေသည်။
၁၈၉၈ ခုနှစ်၊ ဇူလိုင်တွင် ချက်ပလင်တို့ ညီအစ်ကိုစောင့်ရှောက်ရေးဂေဟာသို့ ပြန်ရောက်ပြန်သည်။
၁၈၉၈ စက်တင်ဘာတွင် ချက်ပလင်၏ မိခင်သည် အာဟာရမပြည့်ဝမှုဒဏ်များကြောင့် စိတ်ရောဂါခံစားရကာစိတ်ရောဂါကုဆေးရုံသို့ ပို့ဆောင်ခြင်းခံရသည်။

စိတ်ဆေးရုံတွင် ၂ လ တက်နေစဉ်ကာလအတွင်းချက်ပလင်တို့ညီအစ်ကိုအားဖခင်နှင့်အတူနေထိုင်ရန် စေလွှတ်ခြင်းခံရသည်။
ချက်ပလင်တို့ ညီအစ်ကိုသည် ဖခင်ကိုမည်သူမှန်းမသိခဲ့ကြချေ။
ချက်ပလင်၏ ဖခင်မှာထိုအချိန်တွင် အရက်သမားကြီးလုံးလုံးဖြစ်နေပြီဖြစ်ကာနောက် ၂ နှစ်အကြာတွင် အသည်းရောဂါဖြင့် ကွယ်လွန်သွားခဲ့သည်။မိခင်ဟန်နာမှာစိတ်ဆေးရုံမှ ပြန်ဆင်းလာပြီးမကြာမီ ၁၉၀၃ ခုနှစ် မေလတွင် ပြန်လည် စိတ်ဖောက်ပြန်လာပြန်သောကြောင့် စိတ်ဆေးရုံသို့ ပြန်ရောက်သွားပြန်သည်။

ထိုအချိန်တွင် ချက်ပလင်သည် ၁၄ နှစ်သားအရွယ်ရှိနေပြီဖြစ်ပြီးအစ်ကိုဆစ်ဒနီမှာရေတပ်သို့ ၀င်သွားခဲ့ရာ လန်ဒန်တွင် ဘ၀ကို တစ်ဦးတည်း ကြမ်းတမ်းစွာ ဖြတ်ကျော်ရတော့သည်။
အစားတစ်နပ်ရရန်အတွက် ခက်ခဲလှပြီးအိပ်စက်ရသည့် အချိန်များနည်းပါးလှသည်။
ချက်ပလင်၏ မိခင်သည် နောက် ၈ လအကြာတွင် စိတ်ဆေးရုံမှ ပြန်ဆင်းလာသော်လည်း ၁၉၀၅ ခုနှစ် မတ်လတွင် ပြန်လည် စိတ်ဖောက်ပြန်လာပြန်ရာယင်းအကြိမ်တွင်ကားအပြီးတိုင်စိတ်ဖောက်ပြန်သွားခြင်း ဖြစ်လေသည်။
“ကျွန်တော်တို့ ဘာမှ မတတ်နိုင်ခဲ့ကြဘူး။ သနားစရာကောင်းတဲ့ အမေ့ရဲ့ကံကြမ္မာပဲလို့ လက်ခံလိုက်တယ်”ဟုချာလီချက်ပလင်ကဆိုသည်။

ဟန်နာသည် စိတ်ဆေးရုံတွင် ရှိနေစဉ်အတွင်း ၁၉၂၈ ခုနှစ်တွင် ကွယ်လွန်သွားခဲ့သည်။
လူမှုဖူလုံရေးခံဆင်းရဲသားများကျောင်းတွင် တက်ရောက်နေစဉ်နှင့် မိခင်ဖြစ်သူစိတ်ဖောက်ပြန်နေချိန်ကာလများအကြားတွင် ချက်ပလင်သည်စင်မြင့်ပေါ်တွင် ဖျော်ဖြေမှုများစတင်ပြုလုပ်ခဲ့သည်။
“ကျွန်တော့်မှာအနုပညာကိုယ်ရည်ကိုယ်သွေးပါလာတယ်လို့ အမေကပြောတယ်”ဟုချာလီချက်ပလင်ကဆိုသည်။
အသက် ၁၃ နှစ်အရွယ်တွင် ချက်ပလင်သည် ပညာရေးကိုကျောခိုင်းလိုက်ကာအလုပ်များစွာလုပ်ကိုင်ပြီး ဘ၀ကို ရပ်တည်ခဲ့ရသည်။

အခြားအလုပ်များလုပ်ကိုင်နေသော်လည်းချက်ပလင်၏ အဓိကဘ၀ရည်မှန်းချက်မှာ သရုပ်ဆောင်တစ်ဦး ဖြစ်လာရန် ဖြစ်သည်။
အသက် ၁၄ နှစ်တွင် လန်ဒန်အနောက်ပိုင်းရှိ ပြဇာတ်အေဂျင်စီတစ်ခုသို့ ၀င်ခဲ့သည်။ယင်းအေဂျင်စီမှ မန်နေဂျာကချာလီချက်ပလင်ကိုမြေတောင်မြှောက်ပေးနိုင်လျှင် အောင်မြင်လာနိုင်သည်ဟုခန့်မှန်းကာ ပြဇာတ်တစ်ခုတင်ဆက်ခဲ့သော်လည်းအဆိုပါပြဇာတ်မှာအောင်မြင်မှု မရခဲ့ချေ။

ချာလီချက်ပလင် သရုပ်ဆောင်ခဲ့သည်များအနက် လူပြောများသည်မှာThe Great Dictatorဇာတ်ကားဖြစ်သည်။
အဆိုပါဇာတ်လမ်းမှာနာဇီအာဏာရှင် ဟစ်တလာနှင့် ဖက်ဆစ်ဝါဒကို သရော်ထားခြင်းဖြစ်သည်။
ချက်ပလင်နှင့် ဟစ်တလာအကြားတွင် ရုပ်ပိုင်းဆိုင်ရာတူညီမှုများရှိ၏။
နှစ်ဦးစလုံးမှာ ဆင်းဆင်းရဲရဲဘ၀မှ အောင်မြင်ကျော်ကြားလာသူများ
ဖြစ်သည်။
ချက်ပလင်ကဟစ်တလာထက် အသက်အားဖြင့် ၄ ရက်သာကြီး၏။
ချက်ပလင် မွေးဖွားသည်မှာ၁၈၈၉ ခုနှစ်၊ ဧပြီလ ၁၆ ရက်ဖြစ်ပြီးဟစ်တလာမှာ ၁၈၈၉ ခုနှစ်၊ ဧပြီ ၂၀ ရက်တွင် မွေးဖွားခြင်းဖြစ်သည်။နှုတ်ခမ်းမွှေးပုံစံမှာလည်းတူညီကြသည်။

အဆိုပါရုပ်ဆင်မှုကချာလီချက်ပလင်၏ The Great Dictatorဇာတ်ကားအတွက် ကြီးမားသည့်အထောက်အကူ ဖြစ်စေခဲ့သည်။
ယင်းဇာတ်ကားကို ဗြိတိန်ကဂျာမနီအပေါ် စစ်ကြေညာအပြီး ၆ ရက်အကြာတွင် စတင်ရိုက်ကူးခဲ့ခြင်း ဖြစ်သည်။
ယင်းအချိန်ကာလကဟစ်တလာကိုထိုးနှက်ခြင်းမှာများစွာအန္တရာယ်များလှသည်။
သို့ရာတွင် ချက်ပလင်အဖို့ ငွေရေးကြေးရေးရပ်တည်မှု အခက်အခဲရှိရာစွန့်စားရန်သာဆုံးဖြတ်ခဲ့ခြင်း ဖြစ်သည်။
The Great Dictatorဇာတ်ကားကိုတစ်နှစ်ခန့် အချိန်ယူရိုက်ကူးခဲ့ရပြီးဒုတိယကမ္ဘာစစ်ကြီးအတွင်း ၁၉၄၀ ခုနှစ်၊ အောက်တိုဘာလတွင် ရုံတင်ပြသခဲ့သည်။

နယူးယောက်တိုင်းမ်သတင်းစာကြီးက “တစ်နှစ်တာအတွင်းစိတ်ရှည်စွာစောင့်မျှော်မှု အခံရဆုံးဇာတ်ကား”ဟုရေးသားဖော်ပြခဲ့သည်။The Great Dictatorသည် ယင်းခေတ်၊ ယင်းကာလက ၀င်ငွေအကောင်းဆုံး ဇာတ်ကားတစ်ကားဖြစ်ပြီးအော်စကာဆုငါးဆုအတွက် ဇကာတင်ဇာတ်ကားအဖြစ် ရွေးချယ်ခြင်းခံခဲ့ရသည်။
ခြုံကြားမှ ဘုံဖျားသို့ တက်လှမ်းခဲ့သည့် ချာလီချက်ပလင်သည် ၁၉၇၇ ခုနှစ်၊ ဒီဇင်ဘာ ၂၅ ရက်တွင် နေအိမ်တွင် အိပ်ပျော်နေစဉ် လေဖြတ်ကာကွယ်လွန်သွားခဲ့ပြီးကွယ်လွန်ချိန်တွင် အသက် ၈၈ နှစ် ရှိပြီဖြစ်သည်။
ဘ၀အောင်မြင်မှုများရရှိရန်အတွက် ချာလီချက်ပလင်ပြောပြသည့် လျှို့ဝှက်ချက်မှာ “ကိုယ့်ကိုယ်ကိုယုံကြည်မှုရှိတာဟာအောင်မြင်မှုရဲ့ လျှို့ဝှက်ချက်ပါပဲ”ဟု ဖြစ်သည်။

ချာလီချက်ပလင်၏ မှတ်သားဖွယ်ရာစကားများမှာ-
(၁) ကျွန်တော့်ဘ၀မှာ ကြေကွဲစရာတွေ အများကြီးရှိပါတယ်။ ဒါပေမယ့် ဒါကို ကျွန်တော့်နှုတ်ခမ်းတွေကမသိကြဘူး။ သူတို့ အမြဲပြုံးနေကြတယ်။
(၂) ဘ၀ဆိုတာ အနီးကပ်ကြည့်ရင် ကြေကွဲစရာအဖြစ် တွေ့မြင်ရမှာဖြစ်ပြီး အဝေးက ကြည့်မယ်ဆိုရင်တော့ ဟာသတစ်ခုပါပဲ။
(၃) ကျွန်တော့်ရဲ့ နာကျင်မှုတွေကတခြားသူတွေအတွက် ဟာသဖြစ်ကောင်းဖြစ်နိုင်မယ် ၊ ဒါပေမယ့် ကျွန်တော့်ဟာသတွေကြောင့် တခြားသူတွေအတွက် နာကျင်မှု ဘယ်တော့မှ မဖြစ်စေရဘူး။
(၄) တခြားသူတွေကိုဒုက္ခရောက်အောင် လုပ်ချင်တဲ့ အချိန်မျိုးမှာသာအာဏာဆိုတာလိုအပ်တယ်။ အဲဒါကလွဲပြီးဘယ်လိုကိစ္စကိုမဆိုမေတ္တာတရားနဲ့
ပြီးမြောက်အောင်မြင်အောင် လုပ်နိုင်ပါတယ်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)