ချင်းပြည်နယ်အတွင်း ၀န်ထမ်းအိမ်ရာ ၊ရုံးဆောက်လုပ်ဖို့ တင်ဒါခေါ်ယူ

ဆောက်လုပ်ရေးဝန်ကြီးဌာန မြို့ပြနှင့်အိမ်ရာဖွံ့ဖြိုးရေးဦးစီးဌာနက ချင်းပြည်နယ်အတွင်း ၀န်ထမ်းအိမ်ရာ နဲ့ ရုံးတွေဆောက်လုပ်အကောင်အထည်ဖော်ဖို့ ပြည်တွင်းဆောက်လုပ်ရေးလုပ်ငန်းရှင်တွေကို တင်ဒါခေါ်ယူနေတယ်လို့ သိရပါတယ်။

တင်ဒါတွေကိုတော့ ဒီ ၁၃ ရက်နေ့ကစတင်ပြီး ရောင်းချတယ်၊ရှေ့လ ၁၅ ရက်နေ့အထိ ရက်သက်မှက်ထားတယ် လို့ ဆောက်လုပ်ရေးဝန်ကြီးဌာန မြို့ပြနှင့် အိမ်ရာဖွံ့ဖြိုးရေးဦးစီးဌာနက တာဝန်ရှိသူတစ်ဦးကပြောပါတယ်။

၂၀၁၆-၂၀၁၇ ဘဏ္ဍာနှစ်အတွင်း ချင်းပြည်နယ် ဟားခါးမြို့၊ဖလမ်းမြို့နဲ့ မင်းတပ်မြို့တွေမှာ လုပ်ငန်းအကောင်အထည်ဖော်မှာဖြစ်ပါတယ်။ဆောက်လုပ်မယ့်လုပ်ငန်းတွေကတော့ ဟားခါးမြို့နယ်မှာ သံကူကွန်ကရစ်လေးခန်းတွဲ၊နှစ်ထပ်ဝန်ထမ်းအိမ်ရာနှစ်လုံး ၊သံကူကွန်ကရစ်နှစ်ခန်းတွဲ သုံးထပ်မြို့နယ်ရုံးနဲ့ နေအိမ်တစ်လုံး၊သံကူကွန်ကရစ်နှစ်ခန်းတွဲ သုံးထပ်ဝန်ထမ်းအိမ်ရာတစ်လုံး ဖလမ်းမြို့နယ်မှာတော့ သံကူကွန်ကရစ်လေးခန်းတွဲ နှစ်ထပ်ဝန်ထမ်းအိမ်ရာနှစ်လုံး၊သံကူကွန်ကရစ် သုံးထပ့်မြို့နယ်ရုံးနှင့် လူနေအိမ်တစ်လုံး မြေထိန်းနံရံကာခြင်းနဲ့ ခြံစည်းရိုးကာရံခြင်းလုပ်ငန်းတို့ဖြစ်ပါတယ်။မင်းတပ်မြို့နယ်မှာတော့ သံကူကွန်ကရစ်လေးခန်းတွဲ နှစ်ထပ် ၀န်ထမ်းအိမ်ရာနှစ်လုံး၊သံကူကွန်ကရစ် သုံးထပ် မြို့နယ်ရုံးနဲ့ နေအိမ်တစ်လုံး၊ခြံစည်းရိုးကာရံခြင်းစတဲ့ လုပ်ငန်းတွေဖြစ်ပါတယ်။
တင်ဒါတင်သွင်းမယ့်ကုမ္ပဏီတွေ အနေနဲ့ ဦးစီးဌာနကသတ်မှတ်ထားတဲ့ လုပ်ငန်းစံနှုန်း၊ဒီဇိုင်းပုံတွေနဲ့ အညီ အသေးစိတ်ရေးဆွဲ တွက်ချက်ပြီးကုမ္ပဏီရဲ့ Profile ကိုလည်း တစ်ခါတည်းတင်ပြရမှာဖြစ်ပါတယ်။

တင်ဒါလုပ်ငန်းတစ်ခုထက်ပိုတင်သွင်းလိုတဲ့ လုပ်ငန်းတွေကို သက်ဆိုင်ရာ လုပ်ငန်းတစ်ခုချင်း အတွက် သတ်မှတ်ထားတဲ့ အာမခံကြေးပေးသွင်းပြီးမှ တင်ဒါပုံစံတစ်ခုချင်းတင်ပြရမှာဖြစ်ပါတယ်။
ပြည်နယ်ညွှန်ကြားရေးမှူးရုံးမြို့ပြနှင့်အိမ်ရာဖွံ့ဖြိုးရေး ဦးစီးဌာန ချင်းပြည်နယ်မှာ တင်ဒါပုံစံ ၀ယ်ယူရမှာဖြစ်ပါတယ်။

Credit: The Modern