မြန်မာအိမ်ခြံမြေကဏ္ဍမှာ အလုံးအရင်းနဲ့ ရင်းနှီးမြှုပ်နှံဖို့ စင်ကာပှုပြင်ဆင်

စင်ကာပှုနိုင်ငံက မြို့ပြဖွံ့ဖြိုးရေး အကောင်အထည်ဖော်တဲ့ အိမ်ခြံမြေဆောက်လုပ်ရေး ကုမ္ပဏီတွေဟာ မြန်မာနိုင်ငံအတွင်းမှာ အလုံးအရင်းနဲ့ ရင်းနှီးမြှုပ်နှံဖို့ ပြင်ဆင်နေတယ်လို့ အာရှဒေသတွင်း အိမ်ခြံမြေကဏ္ဍတွေရဲ့ ရင်းနှီးမြှုပ်နှံမှု အစီရင်ခံစာတွေကို ထုတ်ပြန်နေတဲ့ Property report အဖွဲ့က သည်နေ့မနက်ပိုင်းမှာ ဖောပြပါတယ်။

စင်ကာမှုရဲ့ မြို့ပြဖွံ့ဖြိုးရေး အိမ်ခြံမြေရင်းနှီးမြှုပ်နှံမှုဆိုင်ရာ ကုမ္ပဏီတစ်ခုဖြစ်တဲ့ Golden Glory ကုမ္ပဏီဟာလည်း အရှေ့တောင်အာရှရဲ့ စီးပွားရေးတိုးတက်မှုအမြန်ဆုံး မြန်မာနိုင်ငံရဲ့ အိမ်ခြံမြေဈေးကွက်မှာ မကြာခင် ရင်းနှီးမြှုပ်နှံဖို့ ရှိနေတယ်လို့ ဆိုပါတယ် ။

စင်ကာပှု ဂိုးလ်ဒင်းဂလိုရီဟာ ဒေါ်လာ သန်း ၈၀ ကန ၁၀၀ အထိ ကနဦး ရင်းနှီးမြှုပ်နှံဖို့ ဆုံးဖြတ်ထားတယ်လို့ Chief Executive Officer Christopher Wu ကပြောတယ်လို့ အစီရင်ခံစာမှာ ဖော်ပြထားပါတယ်။

မြန်မာနိုင်ငံရဲ့ စီးပွားရေးဈေးကွက်စတင်ဖွင့်တာဟာ ဂိုးလ်ဒင်းဂလိုရီ ကုမ္ပဏီလို အိမ်ခြံမြေကဏ္ဍမှာ ရင်းနှီးမြှုပ်နှံတဲ့သူတွေအတွက် အခွင့်အလမ်းတစ်ခု ဖြစ်လာတယ်လို့ အိမ်ခြံမြေမှာ ရင်းနှီးမြှုပ်နှံသူတွေက သုံးသပ်ထားပါတယ်။

ဂိုးလ်ဒင်းဂလိုရီဟာ လက်ရှိအချိန်မှာလည်း ပိုလိုကလပ်လို့ ခေါ်တဲ့ အိမ်ခြံမြေဖွံ့ဖြိုးမှုဆိုင်ရာ စီမံကိန်းတစ်ခုကို ရန်ကုန်မြို့မှာအကောင်အထည်ဖော်နေပါတယ် ။ နေပြည်တော်နဲ့ ကီလိုမီတာ ၂၀ အကွာအဝေးမှာလည်း စက်မှုဇုန်တစ်ခု အကောင်အထည်ဖော်နေပါတယ်။

Wu က အိမ်ခြံမြေဈေးကွက်ဟာ အရှိန်မြင့်နေတယ်လို့ ဆိုပါတယ်။

နိုင်ငံတကာ ငွေကြေးရန်ပုံငွေအဖွဲ့ကတော့ မြန်မာနိုင်ငံရဲ့ စီးပွားရေးဟာ ၈.၆ ရာခိုင်နှုန်းတိုးမြင့်လာပြီး အာရှမှာလည်း စီးပွားရေးတိုးတက်မှုနှုန်း အမြန်ဆုံးဖြစ်လာမယ်လို့ ခန့်မှန်းထားပါတယ်။

‘တံခါးကတော့ ဖွင့်လိုက်ပါပြီ ၊ နိုင်ငံခြား ကုမ္ပဏီတွေတော်တော်များများဟာ ဒီမှာရုံးလာဖွင့်နေကြပါပြီ ၊ အဲဒီလိုဖွင့်တာကြောင့် အိမ်ခြံမြေမှာ ငှားရမ်းမှုတွေ ၊ နေထိုင်စရာ လိုအပ်ချက်တွေ ၊ ရုံးခန်းတွေ ကုမ္ပဏီတွေ ဖွင့်လှစ်ဖို့ အဆင့်မြင့်အိမ်ရာတွေ ၊ အဆောက်အအုံတွေလိုအပ်ချက် မြင့်တက်လာမှာ ဖြစ်ပါတယ်’ လို့ Wu ကပြောကြောင်း အစီရင်ခံစာမှာ ဖော်ပြထားပါတယ်။

ရန်ကုန်မြို့မှာ သူတို့ ကုမ္ပဏီလုပ်ဆောင်နေတဲ့ အိမ်ခြံမြေဖွံ့ဖြိုးမှုဆိုင်ရာ စီမံကိန်းဟာလည်း ရာနဲ့ချီတဲ့ တိုက်ခန်းတွေ ၊ အိမ်ရာစီမံကိန်း တွေ ၊ ကြယ်ငါးပွင့်ဟိုတယ် ၊ ဈေးဆိုင်တွေ ၊ ရုံးခန်းတွအတွက် အခန်းများစွာ ပါဝင်မှာဖြစ်ပါတယ်။

ဂိုးလ်မင်းဂလိုရိ ကုမ္ပဏီဟာ မြန်မာနိုင်ငံက စီပွားရေးလုပ်ငန်းရှင် ဆာ့ခ်ျပန်းဦးဆောင်တဲ့ Yoma Strategic Holding Ltd နဲ့ ချိတ်ဆက်လုပ်ဆောင်မှာဖြစ်တယ်လို့ ပြောဆိုထားပါတယ်။

ရန်ကုန်မြို့နဲ့ နေပြည်တော်တစ်ဝိုက်မှာ စင်ကာပှုနိုင်ငံရဲ့ မြို့ပြအိမ်ရာဖွံ့ဖြိုးမှုဆိုင်ရာ ကုမ္ပဏီကြီးတွေဟာ ရင်းနှီးမြှုပ်နှံဖို့ လိုက်လံကြည့်ရှုနေကြပြီး နောက်ထပ်ရင်းနှီးမြှုပ်နှံမှုတွေပြုလုပ်ဖို့ စီစဉ်နေတယ်လို့ မြန်မာ့အိမ်ခြံမြေ ဝန်ဆောင်မှုလုပ်ငန်း အသိုက်အဝန်းက အစီရင်ခံစာထဲမှာ အတည်ပြုထားပါတယ် ။

စင်ကာပှုနိုင်ငံက ကုမ္ပဏီတစ်ခုဟာလည်း ရန်ကုန်မြို့မှာ ဂိုးလ်ဒင်းစီးတီးလို့ အမည်ပေးထားတဲ့ အဆင့်မြင့်အိမ်ရာစီမံကိန်းတစ်ခုကို တည်ဆောက်နေပါတယ် ။
အမေရိကန်ဒေါ်လာ သန်း ၇၀၀ ကနေ ၉၆၀ အထိ ကုန်ကျလိမ့်မယ်လို့ ခန့်မှန်းထားပါတယ် ။

၂၀၁၈ ခုနှစ်မှာ ပြီးမှာဖြစ်တဲ့ အိမ်ရာစီမံကိန်းမှာဆိုရင် ဟိုတယ်တွေ ၊ ရုံးခန်းတွေအပြင် စင်ကာပှုနိုင်ငံက နာမည်ကြီးကုန်ပစ္စည်းဆိုင်အများအပြားကိုလည်း ဖွင့်လှစ်ဖို့ ရည်ရွယ်ထားတယ်လို့ သိရပါတယ် ။

ပြီးခဲ့တဲ့ ၂၀၁၅-၂၀၁၆ ဘဏ္ဍာနှစ်မှာ မြန်မာနိုင်ငံရဲ့ အိမ်ခြံမြေကဏ္ဍရင်းနှီးမြှုပ်နှံမှုဟာ အမေရိကန်ဒေါ်လာ ၃.၇ ဘီလျံရှိနေပြီလို့ နိုင်ငံခြား ရင်းနှီးမြှုပ်နှံမှု ကော်မရှင်က မှတ်တမ်းတင်ထားတဲ့ အချက်အလက်တွေအရ သိရပါတယ် ။

Credit: The Modern