အိမ်တွေကို တံခါးမတပ်၊ သော့မခတ်တဲ့ ရွာ

ရှေးရိုးအစဉ်အလာ ယုံကြည်မှုတစ်ခုကြောင့် အိန္ဒိယနိုင်ငံက ရွာတစ်ရွာမှာ အိမ်တွေကို ရှေ့တံခါး တပ်ဆင်ထားခြင်းမရှိ သလို ဈေးဆိုင်တွေကို ဘယ်တော့မှ သော့မခတ်ပေမယ့် ရွာသူရွာသားတွေကတော့ သူတို့ပိုင်ဆိုင်မှုတွေ ပျောက်ရှ သွားမှာကို စိုးရိမ်ပူပန်တာမျိုး မရှိကြပါဘူး။ ဒီအကြောင်းကို ဘီဘီစီသတင်းဌာနရဲ့ ခရီးသွားကဏ္ဍမှာ ဖော်ပြထားတာပါ။
အိန္ဒိယနိုင်ငံ မဟာရှက်ရ်ှထရာပြည်နယ် ရှန်နီရှင်ဂါပူးရွာက ရွာသားတွေဟာ နတ်ဘုရား ရှန်နီက သူတို့ရွာ ကို စောင့်ရှောက် တယ်လို့ စွဲစွဲမြဲမြဲယုံကြည်ခဲ့ကြပါတယ်။ လွန်ခဲ့တဲ့ နှစ်ပေါင်း ၃၀၀ က ဒဏ္ဍာရီတစ်ခုကြောင့် ရှန်နီရှင်ဂါပူးရွာသားတွေ အခုလို ယုံကြည်ကြတာပါ။

မိုးသည်းသည်းထန်ထန် ရွာသွန်းလို့ ရေလျှံပြီးတဲ့နောက် ရှန်နီရှင်ဂါပူးရွာဘေးက ပါနက်စ်နာလာမြစ်ကမ်းပေါ်မှာ ကြီးမားတဲ့ အနက်ရောင်ကျောက်တုံးကြီး တစ်တုံး ပေါ်လာခဲ့ပါတယ်။ ဒဏ္ဍာရီအရဆိုရင်တော့ ၁ ဒသမ ၅ မီတာမြင့်တဲ့ အဲဒီကျောက်တုံးကြီးကို ရွာသားတွေက တုတ်နဲ့ထိုးကြည့်တော့ သွေးတွေစိမ့်ထွက်လာခဲ့တယ်လို့ ဆိုပါတယ်။ အဲဒီညမှာ ရွာလူကြီးကို နတ်ဘုရား ရှန်နီက အနက်ရောင်ကျောက်တုံးကြီးဟာ သူ့ရုပ်တုလို့ အိပ်မက်ပေးခဲ့ပြီး ကျောက်တုံးကြီးကို ရွာထဲမှာထားဖို့ ပြောခဲ့ပါတယ်။ ဒါပေမဲ့ ရှန်နီက တစ်ရွာလုံးကို သူမြင်နိုင်အောင် ဒီကျောက်တုံးကြီးကို အမိုးအကာအောက်မှာ မထားဖို့ ညွှန်ကြားခဲ့ပါတယ်။ ရှန်နီက ရွာလူကြီးကို ဆုတောင်းပေးခဲ့သလို ဒီရွာကို အန္တရာယ်မဖြစ်အောင် ကာကွယ်စောင့်ရှောက်မယ်လို့ ကတိပေးပြီး အိပ်မက်ထဲက ပျောက်ကွယ်သွားခဲ့တယ်လို့ ဆိုပါတယ်။

အဲဒီနောက်မှာတော့ ရွာသားတွေက ကျောက်တုံးကြီးကို ရွာလယ်ခေါင်က မြေနေရာလွတ်မှာ အမိုးအကာမပါဘဲ စိုက်ထူခဲ့ပါတယ်။ ပြီးတော့ သူတို့တွေကို ရှန်နီ မြင်နိုင်ပြီး ကာကွယ်စောင့်ရှောက်ပေးဖို့အတွက် အိမ်တံခါးတွေ ဖြုတ်ဖို့နဲ့ သော့ခလောက်တွေ မတပ်ဖို့ ဆုံးဖြတ်ခဲ့ကြပါတယ်။ အဲဒီယုံကြည်မှု ဓလေ့ထုံးစံ ကို နောက်မျိုးဆက်တွေအထိ လက်ဆင့်ကမ်းကျင့်သုံးခဲ့လို့ မျက်မှောက်ခေတ်ကာလအထိ ရှန်နီရှင်ဂါပူးရွာက အိမ်တွေမှာ အိမ်ရှေ့တံခါးတွေ မရှိကြပါဘူး။ အချို့ရွာသားတွေကတော့ သူတို့အိမ်ထဲကို ခွေးတွေ ၀င်လာမှာ စိုးရိမ်တဲ့အတွက် အိမ်ရှေ့မှာ ပျဉ်ချပ်ပြားတွေ ကာထားတာမျိုး လုပ်ကြပေမယ့် ရှန်နီကို သူတို့ကို ကာကွယ်စောင့်ရှောက်လိမ့်မယ်လို့ ယုံကြည်တဲ့အတွက်
အိမ်ရှေ့တံခါးကို အခိုင်အမာ တပ်ဆင်တာမျိုး မရှိသလို လက်ဝတ်လက်စားနဲ့ ငွေတွေကိုလည်း လုံလုံခြုံခြုံသိမ်းဆည်း ထားတာမျိုး မရှိဘူးလို့ သိရပါတယ်။

၂၀၁၅ ခုနှစ် စက်တင်ဘာလမှာ ရှန်နီရှင်ဂါပူးရွာမှာ တည်ဆောက်ခဲ့တဲ့ ရဲစခန်း အဆောက်အဦ မှာလည်း ရှေ့တံခါးမရှိပါဘူး။ ဒါ့အပြင် ၂၀၁၁ ခုနှစ်က ရှန်နီရှင်ဂါပူးရွာမှာ ဖွင့်လှစ်ခဲ့တဲ့ United Commercial Bank ဟာ အဆောက်အဦ ရှေ့မျက်နှာစာမှာ အဝေးထိန်းခလုပ်နဲ့ အဖွင့်အပိတ် လုပ်နိုင်တဲ့ မှန်တံခါး တပ်ဆင်ထားပေမယ့် သော့ခတ်တာမျိုးမရှိတဲ့အတွက်
အိန္ဒိယနိုင်ငံမှာ သော့မခတ်တဲ့ ပထမဆုံးဘဏ်ခွဲ ဖြစ်လာခဲ့ပါတယ်။

သူတစ်ပါးပစ္စည်းခိုးယူရင် မမြင်နိုင်တဲ့ အရာတစ်ခုက သူခိုးကို ပြစ်ဒဏ်ခတ်မှာဖြစ်ပြီး မရိုးမသားလုပ်တဲ့သူဟာ ခုနစ်နှစ်ခွဲကြာအောင် ကံဆိုးမိုးမှောင်ကျလိမ့်မယ်လို့ ရှန်နီရှင်ဂါပူးရွာသူရွာသားတွေက ယုံကြည်ထားကြပါတယ်။ အိမ်ရှေ့တံခါးဝမှာ သစ်သားတံခါးရွက် တပ်ဆင်ခဲ့တဲ့ ရွာသားတစ်ယောက် နောက်တစ်ရက်မှာပဲ ယာဉ်မတော်တဆမှုဖြစ်ခဲ့တယ်ဆိုတဲ့ အစဉ်အလာစကားကလည်း နှောင်းလူတွေကို ကြောက်ရွံ့ စိတ်ဖြစ်စေခဲ့ပါတယ်။

ရှန်နီရှင်ဂါပူးရွာဟာ ရာစုနှစ်နဲ့ချီပြီး သူခိုးသူဝှက် မရှိခဲ့ဘူးဆိုပေမယ့် ၂၀၁၀ ပြည့်နှစ်မှာ ခရီးသွားတစ်ဦးရဲ့ကားထဲက ငွေသားနဲ့ အဖိုးတန်ပစ္စည်း ရူပီးငွေ ၃၅၀၀၀ ဖိုး အခိုးခံခဲ့ရပြီး ၂၀၁၁ ခုနှစ်မှာလည်း ရူပီး ၇၀၀၀၀ တန်ကြေးရှိတဲ့ ရွှေထည်ပျောက်ဆုံးခဲ့တယ်လို့ သတင်းထွက်ခဲ့ဖူးပါတယ်။ ဒါပေမဲ့ ရှန်နီရှင်ဂါပူးရွာသူ ရွာသားတွေကတော့ အဲဒီခိုးမှုတွေဟာ သူတို့ရွာ အပြင်ဘက်မှာ ဖြစ်တာလို့ ဆိုပါတယ်။ ယုတ္တိဗေဒကျကျ သုံးသပ်သူတွေကတော့ ရှန်နီရှင်ဂါပူးရွာဟာ နတ်ဘုရားရှန်နီရဲ့ တန်ခိုးပြစောင့်ရှောက် မှု ကြောင့်မဟုတ်ဘဲ မြို့နဲ့အလှမ်းဝေးလွန်း တဲ့ နေရာမှာတည်ရှိလို့ ရာဇ၀တ်မှု ဖြစ်ပွားမှုနှုန်းနည်းတာလို့ ဆိုပါတယ်။

ခေတ်ရေစီးကြောင်း ပြောင်းလဲလာချိန်မှာတော့ ရှန်နီရှင်ဂါပူးရွာမှာ နေထိုင်သူအချို့က သူတို့အိမ်တွေကို ရှေ့တံခါးနဲ့ သော့ခလောက်တွေ တပ်ဆင်ဖို့အတွက် ရွာကတင်မြောက်ထားတဲ့ အစိုးရအဖွဲ့အစည်းထံမှ ခွင့်တောင်းထားကြပါတယ်။ ဒါပေမဲ့ ရွာသားအများစုကတော့ ရာစုနှစ်နဲ့ချီပြီး အခိုင်အမာရှိခဲ့တဲ့ သူတို့ရဲ့ယုံကြည်မှုအစဉ်အလာအတိုင်း တံခါးမရှိ၊ သော့မရှိ ဓလေ့ကို ဆက်လက်ထိန်းသိမ်းနိုင်မယ် လို့ မျှော်လင့်နေကြဆဲပါပဲ။

Credit: Yoyarlay