ဂျပန်တွင် လိုင်စင်မရှိဘဲအိမ်ခြံမြေရောင်းချသူ ၃ ဦးကိုဖမ်းဆီး

ဂျပန်နိုင်ငံတွင် ရင်းနှီးမြှုပ်နှံမှုအတွက် ၀ယ်ယူထားသည်ဟု ယူဆရသော နေအိမ်ခန်းများကို အိမ်ခြံမြေလုပ်ငန်း လုပ်ကိုင်ခွင့် လိုင်စင်မရှိဘဲ ၀ယ်လက်များသို့ ရောင်း ချပေးခဲ့သူ ၃ ဦးကို ဂျပန်ရဲတပ်ဖွဲ့က ဖမ်းဆီး ထိန်းသိမ်းလိုက် ကြောင်းဂျပန်အခြေစိုက် အိမ်ခြံမြေသတင်းဝက်ဘ်ဆိုက် တစ်ခုတွင် ဖော်ပြသည်။

ယင်း ၃ ဦးမှာပွဲစားများ ဖြစ်တန်ရာချေရှိပြီး သံသယဖြစ်ဖွယ် ရောင်းချမှုနည်း ဗျူဟာများ အသုံးပြုခဲ့ကြသည်ဟုဆိုသည်။ ရဲတပ်ဖွဲ့၏ ထုတ်ပြန်ချက်အရ ၎င်းတို့ ၃ ဦးသည် နေအိမ်ခန်းများ ကိုပုံမှန်ပေါက်ဈေးထက် များပြားစွာဈေးတင် ရောင်းချခဲ့ကြပြီး အောင်သွယ်ဝက်ဘ်ဆိုက် များမှတစ်ဆင့် တွေ့ရှိသိကျွမ်းခဲ့သည့် အမျိုးသမီး ၃ ဦးကိုရောင်းချခဲ့ခြင်းဖြစ်သည်ဟုဆိုသည်။

အဆိုပါနေအိမ်ခန်းများကိုတစ်ခန်းလျှင် ယန်းငွေ ၂၇ သန်းခန့်ဖြင့် ရောင်းချခဲ့ခြင်းဖြစ်ပြီး အမှန်တကယ်ပေါက် ဈေးထက် ယန်း ၁၀ သန်းခန့် များပြားနေသည်။ နေအိမ်ခန်းများ ရောင်းချပြီးနောက်ပိုင်း ၎င်းတို့သုံးဦးသည် အောင်သွယ် ၀က်ဘ်ဆိုက်တွင် တွေ့ခဲ့သောအမျိုးသမီးများနှင့် အဆက်အသွယ် ချက်ချင်းဖြတ်တောက် ခဲ့ကြသည်။

အိမ်ခြံမြေလုပ်ငန်းလိုင်စင်မရှိသော ၎င်းတို့ ၃ ဦးသည် အဆိုပါအရောင်းအ၀ယ်မှ ပွဲစားခယန်းငွေ ၇ ဒသမ ၁ သန်းခန့်အထိရရှိခဲ့ကြ သည်ဟုဆို သည်။ အောင်သွယ် ၀က်ဘ်ဆိုက်တွင် တင်ထားသော ကိုယ်ရေး အချက်အလက်များကို ကြည့်ကာအသက် ၃၀ မှ ၄၀ ကြား ၊ နှစ်စဉ်ဝင်ငွေ ယန်း ၁၀ သန်းအထက်ရှိသူ များကိုပစ်မှတ်ထားရွေးချယ်ခဲ့ကြခြင်း ဖြစ်သည်။ ဂျပန်နိုင်ငံတွင် မကြာသေးမီနှစ်များ အတွင်း အောင်သွယ်ဝက်ဘ်ဆိုက်အသုံးပြုသည့် အမျိုးသမီးများကို အိမ်ခြံမြေလုပ်ငန်း၏ သားကောင်များအဖြစ် အသုံးချလာလျက်ရှိကြသည်။

ရဲတပ်ဖွဲ့၏ မှတ်တမ်းများအရ ၎င်းတို့ သားကောင်အဖြစ် အသုံးချခံရသူတို့သည် နေအိမ်ခန်းများ ကိုပုံမှန်ပေါက်ဈေး ထက် အလွန်မြင့်မားသောဈေးနှုန်းဖြင့် ၀ယ်ယူကြရလေ့ရှိပြီး
အချို့ ဖြစ်ရပ်များတွင် ပြင်ပအမှန်တကယ်ပေါက်ဈေးထက် ၇၅ ရာခိုင်နှုန်းအထိပင် များပြားနေသည်ကိုတွေ့ရသည်။

ယခုနှစ်မတ်လ အတွင်းတိုကျိုတွင် အလားတူဖြစ် ပွားခဲ့သော ဖြစ်ရပ်တစ်ခု၌ သားကောင်အဖြစ် အသုံးချခံရသည့် ၀ယ်လက်တစ်ဦးအား ရောင်းချသူမှ နစ်နာကြေးယန်းငွေ ၁၃ ဒသမ ၅၅ သန်းပေးဆောင်စေရန် တရားရုံးကအမိန့်ချမှတ်ခဲ့ဖူးသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)