ရန်ကုန်မြို့တွင်းရှိ အိမ် ခြံ မြေ ဈေးကွက်မှာ အရောင်းအဝယ်ဖြစ်မှု အားနည်းနေသော်လည်း အငှားဖြစ်မှုများအားကောင်းလျက်ရှိသည်။အငှားဈေးကွက်အတွင်း၌ပင်လျှင် ရန်ကုန်မြို့အတွင်းရှိ မြေနေရာ နည်းပါးသော နေရာများမှာ အငှားဖြစ်ထွန်းမှုအား အကောင်းမွန်ဆုံး အနေအထားတွင်ရှိနေကြောင်းသိရှိရသည်။
ရန်ကုန်မြို့အတွင်းရှိ မြို့တွင်း ခြောက်မြို့နယ်မှာ မြေနေရာ ရှားပါးမှုကြောင့် အရောင်းအဝယ်ဖြစ်မှုအားနည်းနေသော်လည်း အငှားဖြစ်ထွန်းမှုအားကောင်းနေကြောင်း ရန်ကုန်တိုင်းဒေသကြီး အိမ် ခြံ မြေ လုပ်ငန်းရှင်များအသင်းမှ ဥက္ကဌ ဦးစိုင်းခွန်နောင်မှ ပြောဆို သုံးသပ်သည်။ ""ကျောက်တံတား၊လသာ၊ပန်းဘဲတန်း မြို့နယ်တွေက မြေကွက်ရှားသွားပြီ။ရှိတဲ့ မြေကွက်တွေကလည်း ဈေးတအားကြီးနေတယ်။တော်ရုံ မဝယ်နိုင်ဘူး။ရဖို့လည်းမလွယ်ဘူး။ဒါကြောင့် အဲဒီမြို့နယ်တွေကတော့ အငှားဈေးကွက်အားကောင်းတယ်။
သူ့မြို့နယ်ရဲ့ အနေအထားနဲ့ အငှားလိုက်တာနဲ့ အပေါ်ယှဉ်ပြီးပြောရတာပေါ့။ တစ်ခြား မြို့တွင်း မြို့နယ်တွေကြတော့ အငှားလိုက်ပေမယ့် အရောင်းအဝယ်လည်းရှိတယ်။ဘာကြောင့်လဲဆို မြေရှိသေးလို့။ဥပမာ ပုဇွန်ထောင်၊ဗိုလ်တစ်ထောင်မြို့နယ်တွေမှာကြ မြို့ထဲပိုင်းနဲ့ ယှဉ်လိုက်ရင် ရောင်းစရာ ဝယ်စရာ မြေကျန်သေးတယ်။ဒါကြောင့်ပါ။""ဟု ဦးစိုင်းခွန်နောင်မှ ပြောဆိုသည်။
အခြားသောမြို့နယ်များဖြစ်သည့် သန်လျင် ၊တောင်ဒဂုံ မြောက်ဒဂုံ အစရှိသည့် နေရာများမှာ မူ မြေနေရာအများစုကျန်ရှိနေသေးသဖြင့် အငှားဈေးကွက်အပြင် အရောင်းအဝယ်ဈေးကွက်ပါ အားကောင်းနေဆဲဖြစ်ကြောင်းသိရှိရသည်။
မင်းဝသန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
