ဝယ်သူနည်း၍ ပြန်ရောင်းသူများနေသော ရန်ကုန်ရွှေဈေးကွက်

ယနေ့ ရန်ကုန်ရွှေဈေးကွက်ဖြစ်သော လမ်းမတော်မြို့နယ်၊ လသာမြို့နယ်၊ ပန်းဘဲတန်းမြို့ နယ်နှင့် ဗိုလ်ချုပ် အောင်ဆန်းဈေးအတွင်းရှိ ရွှေရောင်းဆိုင် များတွင် ဝယ်ယူသူတို့ အလာနည်းနေပြီး ဝယ်ပြီးသားရွှေထည်များကို ပြန်ရောင်း သူတို့သာများနေကြောင်း ၂၉ လမ်း ရွှေ ပန်းထိမ်ဆိုင်မှ ဦးအုန်းမြိုင်က ပြောသည်။

ရန်ကုန်တိုင်းဒေသကြီး ရွှေလုပ်ငန်း ရှင်များအသင်းဥက္ကဋ္ဌ ဦးမျိုးမြင့်က ''အခုအခြေအနေ မှာတော့ ပြည်တွင်း ရွှေဈေးကွက်က အခုလိုပဲ အေးလိုက်၊ အရောင်းအဝယ် ကောင်းလာလိုက်နဲ့ အနိမ့်အမြင့် ရှိနေမှာပါပဲ။ အာဆီယံ စီးပွားရေးအသိုက်အဝန်း (Asean
Economic Community-AEC) ကို မကြာခင်မှာစတော့မှာ ဖြစ်ပါတယ်။ အာဆီယံ ရွှေဈေးကွက်အတွင်းမှာ လွတ်လပ်စွာ ရောင်းဝယ်နိုင်ကြတော့ မှာ ဖြစ်တဲ့အတွက် ရွှေအရောင်းအဝယ် အခုထက် ပိုကောင်းလာနိုင်ပါတယ်'' ဟု ဆိုသည်။
၎င်းကပင်ထပ်မံ၍ ''အခုအရောင်း အဝယ်ပြုလုပ်နေတဲ့ ကျပ်-ပဲ-ရွေးစနစ် အပြင် က္ဘာသုံးဂရမ်၊ အောင်စစနစ်ကို ပါ ပူးတွဲသုံးတက်ဖို့ လေ့ကျင့်ထားရန် လိုသလို ရွှေရည်ရွှေသွေးကိုလည်း ၉၉ ဒသမ ၉၉၉၉ ရာခိုင်နှုန်းအထိ ထုတ်လုပ် ဖို့လိုလာပါပြီ''ဟု ဆိုခဲ့သည်။

မြန်မာ့ရွှေဈေးကွက်မှာကမ္ဘာ့ရွှေဈေးပေါ်တွင် မှီနေရသည့်အတွက် ကမ္ဘာ့ရွှေဈေး ကျဆင်းခြင်းနှင့်အတူ မြန်မာ့ရွှေဈေးသည်လည်း လိုက်ပါ ကျဆင်းတတ်ခြင်းရှိသကဲ့သို့ က္ဘာ့ ရွှေဈေးအတက်တွင်လည်း ထပ်တူ လိုက်ပါတက်လေ့ရှိကြောင်း သိရသည်။
သင်္ကြန်မတိုင်မီ ဧပြီ ၁၁ ရက်က ကမ္ဘာ့ရွှေဈေး မှာ တစ်အောင်စလျှင် အမေရိကန်ဒေါ်လာ ၁၂၆၃ ရှိခဲ့ပြီး မြန်မာ့ရွှေ (အခေါက်ရွှေ) တစ်ကျပ် သားလျှင် ငွေကျပ် ၇၈၁၅ဝဝ ဈေး ဖြစ်နေခဲ့သည်။

သင်္ကြန်အပြီး ယခုနောက်ပိုင်းရက် များအတွင်း အမြင့်ဆုံးဈေးမှာ မေ ၇ ရက်က ကမ္ဘာ့ရွှေဈေး ၁၂၈၇ ဒေါ်လာရှိပြီး မြန်မာ့ရွှေဈေးမှာ ငွေကျပ် ၇၉၅ဝဝဝ အထိ ဖြစ်လာသည်ဟု ရန်ကုန်တိုင်း ဒေသကြီး ရွှေလုပ်ငန်းရှင်များအသင်းရုံး စာရင်းအရ သိရသည်။

ဈေးမြင့်မားလာမှုကို နှုန်းယှဉ်ကြည့် ပါက ကမ္ဘာ့ရွှေဈေးမှာ ၂၄ ဒေါ်လာအထိ မြင့် တက်လာသကဲ့သို့ မြန်မာ့ရွှေဈေးမှာ တစ်ကျပ်သား ငွေကျပ် ၁၄၅ဝဝ အထိ ကွာဟမှုဖြစ်လာ သည်ကို လေ့လာတွေ့ရှိ ရသည်။

ရန်ကုန်တိုင်းဒေသကြီး ရွှေလုပ်ငန်း ရှင်များအသင်းစည်းရုံးရေးမှူး ဦးအေးချို က ''ရွှေဈေးကွက်က အခုလဆန်း ကတည်းက အေးနေတယ်။ လလယ်၊ လကုန်အထိ အပြင် ရှေ့လ မှာ ကျောင်း တွေဖွင့်တော့မှာဖြစ်တဲ့အတွက် ပိုအေး သွားဖို့ပဲ ရှိပါတယ်''ဟု ဆိုသည်။

မိုးဦးပွင့်ရွှေဆိုင်မှ ဦးသာညွန့်ဟန် က ''အခုရက်ပိုင်း တစ်လျှောက်လုံး အသစ်ဝယ်ယူသူထက်၊ ဝယ်ပြီးသားတွေ ကို လာပြန်ရောင်းကြတာများတယ်။ ကလေးတွေကျောင်းကိစ္စတဲ့၊ အလယ် အလတ် လူတန်းစားတွေ များပါတယ်''ဟု ဆိုခဲ့သည်။

မေ ၁ဝ ရက် နံနက်အဖွင့်၌ ကမ္ဘာ့ရွှေဈေးမှာ တစ်အောင်စလျှင် အမေရိကန် ဒေါ်လာ ၁၂၆၄ ရှိခဲ့ပြီး ညနေဈေးကွက်ပိတ်ချိန်၌၁၂၆၅ ဖြင့်ပိတ်သကဲ့သို့ မြန်မာ့ ရွှေဈေးကွက်မှာလည်း စဖွင့်ချိန်၌ အခေါက်ရွှေ တစ်ကျပ်သားလျှင် ငွေကျပ် ၇၈၉၇ဝဝ ဖြင့် စဖွင့်ခဲ့သော်လည်း ညနေ ဈေးကွက်ပိတ်ချိန်၌ ငွေကျပ် ၇၈၉ဝဝဝ ဖြင့် အရောင်းအဝယ်ပိတ်ခဲ့ကြောင်း သိရသည်။

Credit: MOI Webportal Myanmar