လူထုဦးစိန်ဝင်းနေထိုင်ခဲ့သည့် နှစ်ရာကျော်သက်တမ်းရှိအဆောက်အအုံကို အများပြည်သူလေ့လာနိုင်ရန်ပြသ

သတင်းစာဆရာကြီး လူထုစိန်ဝင်းနေထိုင်ခဲ့သော နှစ် ၁၀၀ ကျော် သက်တမ်းရှိသည့် အ ဆောက်အအုံတစ်လုံးကို အများ ပြည်သူလေ့လာနိုင်ရန် ‘‘Living Restoration’’အမည်ဖြင့် ဧပြီ ၃၀ ရက်တွင် စတင်ပြသမည် ဖြစ်ကြောင်း သတင်းရရှိသည်။

အဆိုပါ အဆောက်အအုံ သည် ကုန်သည်လမ်းပေါ်ရှိကျောက်တံတားမြို့နယ်အတွင်း တည်ရှိ ကာ စီးပွားရေးလုပ်ငန်းများနှင့် လူနေအိမ်ခန်းများပါဝင်သည့် ကိုလို နီခေတ်လက်ရာ နှစ်ထပ်အဆောက်အအုံဖြစ်ပြီး လက်ရှိ၌ နေထိုင်သူ ၈၀ ဦးခန့်ရှိကြောင်း ရန်ကုန်မြို့ပြ အမွေအနှစ်ထိန်းသိမ်းစောင့် ရှောက်ရေးအဖွဲ့မှ သိရသည်။

အဆိုပါအဆောက်အအုံကို ဧပြီ ၃၀ ရက်မှစ၍ ဇူလိုင် ၃၁ ရက်အထိ နေ့စဉ် တနင်္လာနေ့မှလွဲ၍ ညနေ ၃ နာရီမှ ည ၇ နာရီအထိ အများပြည်သူလေ့လာနိုင်ရန် ဖွင့် လှစ်ထားမည် ဖြစ်ပြီး အများပြည်သူအတွက် ဟောပြောပွဲများ၊ ရုပ်ရှင်၊ ဓာတ်ပုံပြပွဲများနှင့် သရုပ်ပြပွဲများကို အပတ်စဉ်ပြုလုပ်မည် ဖြစ်ကြောင်း အဆိုပါအဖွဲ့မှ သိရသည်။

‘‘အများမြင်သာတဲ့ လမ်းမ ကြီးပေါ်လည်းဖြစ်၊ ဆရာလူထု စိန်ဝင်းနေထိုင်ခဲ့တဲ့ နေရာလည်း ဖြစ်၊ အဆောက်အအုံကလည်း ရန်ကုန်မြို့ အစောပိုင်းကတည်း ကရှိခဲ့တဲ့ မူလလက်ရာဖြစ်ပြီး ဗိသုကာလက်ရာအားဖြင့်လည်း ကောင်းမွန်ထူးခြားတဲ့အတွက် ရွေးချယ်ခဲ့ကြတာပါ’’ဟု ရန်ကုန် မြို့ပြအမွေအနှစ်ထိန်းသိမ်းစောင့် ရှောက်ရေးအဖွဲ့ ဒုတိယဥက္ကဋ္ဌ ဒေါ်မိုးမိုးလွင်က ပြောသည်။

ရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့ နှင့် နိုင်ငံတကာအင်န်ဂျီအိုတစ်ခု ဖြစ်သော Turquoise Mountain တို့ ပူးပေါင်း၍ အဆိုပါအဆောက် အအုံကို ၂၀၁၅ ဇူလိုင်မှစကာ ပြုပြင်ထိန်းသိမ်းမှုများပြုလုပ်ခဲ့ကြောင်း ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့မှ သိရသည်။

ယင်းအဆောက်အအုံကို ရန်ကုန်မြို့တွင် နိုင်ငံတကာစံချိန် စံညွန်းမီ ပြုပြင်ထိန်းသိမ်းသည့် ပထမဆုံးအဆောက်အအုံအဖြစ် ရန်ကုန်မြို့ပြအမွေအနှစ်ထိန်း သိမ်းစောင့်ရှောက်ရေးအဖွဲ့က ဧပြီ ၂၉ ရက်၌ အပြာရောင် ကမ္ပည်းပြားတပ်ဆင်ခဲ့သည်။

Credit: 7Daydaily