ေပ်ာက္ကြယ္သြားခဲ့ေသာ အတိတ္စာမ်က္ႏွာမွ လသာေဆာင္မ်ား

27 Apr 2016 11:07 am တွင် တင်ခဲ့သည်

1926 ကြိမ် ကြည့်ရှု့ပြီး

ပြည်တွင်း အိမ်ခြံမြေ သတင်း | Posted by ရွှေစင်ဝင်း

ရန္ကုန္မွာသာတဲ့လ
သာခ်ိန္လြန္ေနၿပီလား
ရန္ကုန္မွာသာတဲ့လ
သာေပမဲ့လည္း အလကား . . .

လြန္ခဲ့တဲ့ ၃၅ ႏွစ္ေလာက္ကေန ခုထိနာမည္ႀကီးလူႀကိဳက္မ်ားေနဆဲ စိုင္းထီးဆိုင္ရဲ႕ သီခ်င္းတစ္ပုဒ္ပါ။ အ႐ွိန္အ၀ါေတြႀကီးတဲ့ လွ်ပ္စစ္မီးေရာင္ ၿပိဳးၿပိဳးျပက္ျပက္ေတြ မႈန္းျခယ္ထားတဲ့ ၿမိဳ႕ျပအေရာင္အ၀ါေတြကို သဘာ၀အလင္းေရာင္ျဖစ္တဲ့ လမင္းေရာင္႐ွိန္က မထိုးေဖာက္ႏိုင္တဲ့အေၾကာင္းေလးပါ။ တကယ္လည္း မွန္ကန္တဲ့အမွန္တရားတစ္ခုပါပဲ။ ရန္ကုန္သူ၊ ရန္ကုန္သားေတြအေနနဲ႔ လမင္းရဲ႕ ေအးျမတဲ့အေရာင္အ၀ါကို ခံစားခ်ိန္မရသလို ခံစားရေကာင္းမွန္းလည္း မသိေတာ့ပါဘူး။ ျခံက်ယ္၀င္းက်ယ္နဲ႔ေနရတဲ့သူေတြေတာင္ လေရာင္ရဲ႕ဖမ္းစားမႈကို လ်စ္လ်ဴ႐ႈခဲ့တာ ၾကာလွေပါ့။ တစ္ခါတေလေလာက္ မီးပ်က္သြားတဲ့အခါမ်ိဳးက်မွ ျခံထဲ မ၀ံ့မရဲထိုးေဖာက္လာတဲ့ လေရာင္ျခည္တန္းမႈန္၀ါး၀ါးကို ၾကည့္ရင္း လဆိုတာ ဒီလိုအလင္းေရာင္လည္း ေပးႏိုင္စြမ္း႐ွိပါလားဆိုတဲ့အသိ ႐ွိသလိုလိုျဖစ္ေနရင္း မီးလည္းျပန္လာေရာ လွ်ပ္စစ္ေရာင္႐ွိန္ေတြရဲ႕ရင္ခြင္ထဲ အေျပးအလႊားခိုင္၀င္ၾက။

ျခံက်ယ္၀င္းက်ယ္နဲ႔မေနႏိုင္တဲ့ ပ်ားအံုတိုက္ခန္းက်ဥ္းေတြက ပ်ားအံုလူသားေတြက်ေတာ့ လေရာင္ရဲ႕ လွ်ပ္တစ္ျပက္႐ိုက္ခ်က္ကို အဲသလိုေတာင္ တစ္စြန္းတစ္စျမည္းစမ္းခြင့္မရ႐ွာၾက။ မီးလာေနစဥ္ကာလတစ္ေလွ်ာက္လံုး ေလးဖက္ေလးတန္ အုတ္သားထုကာရံထားတဲ့ တိုက္ခန္းဧရိယာၾကား လွ်ပ္စစ္ဓာတ္အားကိုသာ အေဖာ္ျပဳေနထိုင္ၾကရ။ မီးပ်က္သြားတဲ့အခါက်ေတာ့ ဖေယာင္းတိုင္ ႐ွာပါဟဲ့၊ လက္ႏွိပ္ဓာတ္မီး ႐ွာပါဟဲ့၊ LED မီးအိမ္ ႐ွာပါဟဲ့နဲ႔ ၀႐ုန္းသုန္းကားေတြ ျဖစ္ၾက။ အခန္းထဲ အလင္းေရာင္မွိန္ပ်ပ်ေလးရတာနဲ႔ ၀န္တာထြက္ထိုင္။ အဲဒီေတာ့မွ လေရာင္ေလး မစို႔မပို႔ ရ။ ရတာကလည္း တိုေရ႐ွားေရ။ အလင္းေရာင္ရဲ႕ရင္းျမစ္ လမင္းကိုေမာ့ၾကည့္လိုက္ေတာ့ လြတ္လြတ္ကင္းကင္း ထင္ထင္႐ွား႐ွား ျမင္ရတယ္ဆိုတာ မ႐ွိ။ တိုက္ေခါင္မိုးေတြက စြန္းထြက္ေနတဲ့ တီဗီအင္တာနာတိုင္ေတြက ငါးတစ္ေကာင္ရဲ႕အ႐ိုးစုေတြလိုလို။ အဲဒီအ႐ိုးစုေတြက လမင္းကို ဘက္ေပါင္းစံုက ထိုးေဖာက္။ ကဗ်ာဆရာေမာင္ေအာင္ပြင့္ရဲ႕ ငါး႐ိုးနင္တဲ့ေငြလမင္း ကဗ်ာက ျပန္လတ္ဆတ္လာ။

ျမန္မာလူမ်ိဳးဆိုတာက သဘာ၀တရားကို အင္မတန္ တန္ဖိုးထားတဲ့လူမ်ိဳး။ သဘာ၀အရင္းအျမစ္ေတြကိုလည္း ႏွစ္ႏွစ္ၿခိဳက္ၿခိဳက္သံုးေဆာင္တဲ့လူမ်ိဳး။ ၿပီးေတာ့ သဘာ၀တရားကိုထိန္းသိမ္းၿပီး သဘာ၀ပ်က္စီးတဲ့အလုပ္မ်ိဳးလုပ္ရမွာ အင္မတန္မလိုလားတဲ့လူမ်ိဳး။ အထူးသျဖင့္ ေနနဲ႔ လကို ဦးထိပ္ထားတတ္တဲ့လူမ်ိဳး။ ကိုးကြယ္ယံုၾကည္မႈမ်က္ႏွာစာကမဟုတ္ဘဲ ႏွစ္သက္ျမတ္ႏိုးမႈမ်က္ႏွာစာကေန တန္ဖိုးထားခဲ့တာ ျမန္မာ့ ေ႐ွးေဟာင္းစာေပေတဲမွာ အထင္အ႐ွားေတြ႔ႏိုင္တယ္။ ေနကိုေတာ့ ရဲရင့္ျခင္း၊ စြမ္းအားျပည့္၀ျခင္း၊ ထိုးေဖာက္ႏွိမ္နင္းႏိုင္စြမ္း႐ွိျခင္း စတဲ့ လက္ရံုးခြန္အားကိုယ္စားျပဳ icon တစ္ခုအေနနဲ႔ တင္စားသလို လကိုေတာ့ ၾကည္သာေအးျမျခင္း၊ ၿငိမ္းခ်မ္းလိႈက္လွဲျခင္း၊ ခ်မ္းေျမ့ခ်စ္ၾကည္ျခင္း စတဲ့ ႏွလံုးသားခံစားမႈ icon တစ္ခုအေနနဲ႔ တင္စားတတ္ပါတယ္။

အမွတ္ 6-လမ္းမေပၚေျမ ကြက္အေရာင္း

8,000 သိန်း (ကျပ်)

မင်္ဂလာဒုံ | ရန်ကုန်တိုင်းဒေသကြီး

#တောင်ဥက္ကလာမှာ မြေကွက်လည်းကျယ် Location လည်းကောင်းတဲ့ နေရာမျိုးကိုရှာဖွေနေပါသလား

50,000 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

🌳ရွှေတောင်ကြား လမ်းမကြီးမေးတင် 🏊ရေကူးကန်ပါ လုံးချင်းအိမ်အရောင်း 🏡 📱 : 𝟬𝟵 𝟴𝟵𝟭𝟭 𝟳𝟬𝟬𝟬 𝟱

18 သိန်း (ကျပ်) (တစ်စတုရန်းပေ ဈေးနှုန်း)

ဗဟန်း | ရန်ကုန်တိုင်းဒေသကြီး

ရန်ကင်းမြို့နယ် ချော်တွင်းကုန်းမီးပွိုင့်အနီးမှာရှိတဲ့ ရန်ကင်း ပါရမီရိပ်သာလုံးချင်းအိမ်လေးအမြန်ရောင်

24,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

ရွှေတောင်ကြား အင်းယားမြိုင်လမ်းမကြီးအနီး အကွက်ကြီး လုံးချင်းအိမ်အရောင်း 🏡 📱 : 𝟬𝟵 𝟴𝟵𝟭𝟭 𝟳𝟬𝟬𝟬 𝟱...

25 သိန်း (ကျပ်) (တစ်စတုရန်းပေ ဈေးနှုန်း)

ဗဟန်း | ရန်ကုန်တိုင်းဒေသကြီး

#ရန်ကင်းဘောက်ထော် ထဲမှာ ရှာဖွေနေသော မိတ်ဆွေများအတွက်🍀 📲📲09891170008

60,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

#codeno30246,📌 ဒဂုံမြို့သစ်(မြောက်ပိုင်း)မြို့နယ်၊ (41)ဆိတ်ငြိမ်ရပ်ကွက်၊ ‌📌 2.5 RC လုံးချင်းအိမ် ရေ

18,000 သိန်း (ကျပ်)

မြောက်ဒဂုံ | ရန်ကုန်တိုင်းဒေသကြီး

လှိုင်မြို့နယ် သီရိမြိုင် တိုက်ခန်းမြေညီထပ် ပြင်ဆင်ပီး ရောင်းမည်

1,450 သိန်း (ကျပ်)

လှိုင် | ရန်ကုန်တိုင်းဒေသကြီး

ေနေရာင္က ခြန္အား၊ စြမ္းအား အျပည့္ေပးႏိုင္တာမို႔ အားကိုးအားထားျပဳတယ္ဆိုေပမဲ့ ေနေရာင္ကို တခုတ္တရခံယူတာမ်ိဳးေတာ့ ႐ွားတယ္။ ေဆာင္းတြင္းလို အင္မတန္ေအးတဲ့အခ်ိန္ မနက္ေစာေစာပိုင္းမွာ အေႏြးဓာတ္ရဖို႔ ေနဆာလွံုတာမ်ိဳး၊ ေနေရာင္ေကာင္းေကာင္းမျမင္ရတဲ့ ေတာင္ေပၚေဒသေတြမွာ ေနေရာင္ျခည္ကို အ႐ူးအမူးျခစ္ကုတ္ယူရတာမ်ိဳးက လြဲလို႔ေပါ့။ ဒါေပမဲ့ လေရာင္ကိုေတာ့ ခ်မ္းေျမ့ၾကည္လင္ျခင္းအလင္းဓာတ္ ရယူခံစားေလ့႐ွိၾကတယ္။ လေရာင္ရဲ႕ ေထြးပိုက္ယုယမႈကို ႏွစ္ႏွစ္သက္သက္ခံယူၾကတယ္။ တစ္နည္းအားျဖင့္ေျပာရရင္ ေနဟာ လူသားေတြရဲ႕ ဖခင္ဓာတ္၊ လဟာ လူသားေတြရဲ႕မိခင္ဓာတ္ရယ္လို႔ သတ္မွတ္ၿပီး ေနေရာင္ကေနရ႐ွိတဲ့ခြန္အားေတြနဲ႔ အလုပ္လုပ္ၿပီး ပင္ပန္းမႈေတြကို လေရာင္ရဲ႕ရင္ခြင္မွာေထြးေပြ႔မႈခံယူရင္း ေျဖေဖ်ာက္ၾကတယ္။

ဒါေၾကာင့္ ေ႐ွးျမန္မာအိမ္ေတြမွာ လသာေဆာင္ဆိုတာကို တစ္ခြင္တစ္ျပင္ထည့္သြင္းေဆာက္လုပ္ၾကတယ္။ အဲဒီေခတ္ေတြတုန္းက လွ်ပ္စစ္မီးဆိုတာကလည္း မေပၚေသးဘူးေလ။ လူေတြလုပ္တဲ့အလင္းေရာင္ မတြင္က်ယ္ေသးခ်ိန္မွာ သဘာ၀ရဲ႕အလင္းေရာင္ကိုပဲ တန္ဖိုးထားသံုးေဆာင္ၾကတယ္။ လေရာင္ဟာ လူသားေတြရဲ႕စိတ္ကို ခ်မ္းေျမ့မႈေပးစြမ္းႏိုင္တာမို႔ လေရာင္ျခည္ကိုခံယူရျခင္းဟာလည္း စိတ္ႏွလံုးခ်မ္းေျမ့မႈကိုပါ တစ္ပါတည္း ေဆာင္ၾကဥ္းလာခဲ့တယ္။ လေရာင္ေအာက္မွာ မိသားစု စကားစျမည္ေအးေအးေဆးေဆးေျပာၿပီး မိသားစု၀င္ခ်င္းၾကားက ခ်စ္ျခင္းတရားသံေယာဇဥ္ႀကိဳးကို ျမဲသထက္ျမဲေအာင္ ထပ္တိုးရစ္ခ်ည္တာဟာ ျမန္မာ့လူ႔အဖြဲ႔အစည္းရဲ႕ ၾကည္ႏူးစရာဓေလ့တစ္ခုပါ။

အဲဒီလေရာင္ေအာက္မွာပဲ သက္ႀကီး၀ါႀကီးပုဂၢိဳလ္တို႔ခ်င္း ဗဟုသုတဖလွယ္ၾက၊ အသိတရားေတြႏိႈးဆြၾက၊ သုတစံုလင္တူးဆြၾက စတဲ့ သက္ႀကီးစကားေတြကို သက္ငယ္ေတြက ေျမ၀ယ္မက်လိုက္နာမွတ္သားတာဟာလည္း ျမန္မာ့လူ႔ေဘာင္ရဲ႕ ထံုးေကာင္းေလးတစ္ခုပါ။ ဒီလိုနည္းနဲ႔ပဲ သက္ႀကီးစကား သက္ငယ္ၾကားနဲ႔ အသိသုတေတြဟာ မ်ိဳးဆက္တစ္ဆက္ကေနတစ္ဆက္ စီးေမ်ာလက္ဆင့္ကမ္းလာခဲ့ႏိုင္တာပါ။ ဒါေၾကာင့္ ေ႐ွးျမန္မာႀကီးေတြဟာ အိမ္တစ္ေဆာင္ေဆာက္ရင္ အရပ္မ်က္ႏွာတြက္ခ်က္ၿပီး မ်က္ႏွာဖြင့္၊ ဘုရားခန္းတို႔ တြက္ခ်က္စီစဥ္တဲ့နည္းတူ လသာေဆာင္ကို ဘယ္လိုတည္ေဆာက္မလဲဆိုတာပါ အေရးႀကီးက႑အေနနဲ႔ထည့္သြင္းထားပါတယ္။

စကားစျမည္ေျပာလို႔ ညဥ့္နက္လာတဲ့အခါ လူစုခြဲၾက၊ ဧည့္သည္ေတြက ကိုယ့္အိမ္ကိုယ္ျပန္၊ မိသားစု၀င္ေတြက ဘုရားဦးခ်ၿပီး အိပ္ရာ၀င္ၾက၊ အဲဒီလို လူ႐ွင္းသြားခ်ိန္ လသာေဆာင္ေပၚမွာ ပုတီးစိပ္၊ စၾကႍန္ေလွ်ာက္၊ ေမတၱာပို႔၊ အမွ်အတန္းေ၀နဲ႔ ကုသိုလ္ကမၼဌာန္း စီးျဖန္းရတာ ဗုဒၶဘာသာ၀င္ေတြရဲ႕ ႏိႈင္းမရတဲ့ ပီတိသုခပါ။ ျမန္မာလူမ်ိဳးတို႔အိမ္ရဲ႕ လသာေဆာင္ဆိုတာ သာယာခ်မ္းေျမ့မႈေမတၱာတရား၊ ကုသိုလ္အာရံု စတာေတြနဲ႔ ထံုမြမ္းထားတဲ့ ေကာင္းျခင္းမဂၤလာ ေအာင္ေျမသာပါပဲ။ အမိုးအကာမဲ့ လသာေဆာင္ေတြကို မိုးနည္းတဲ့ အထက္အညာအရပ္မွာ အေတြ႔မ်ားၿပီး မိုးေကာင္းတဲ့ ေအာက္ျပည္ေအာက္ရြာမွာေတာ့ လသာေဆာင္ကို အမိုးေအာက္ အေနာက္ေတာင္ဘက္စြန္းမွာ တည္ေဆာက္ေလ့႐ွိပါတယ္။

အခုေျပာခဲ့တဲ့ တခမ္းတနားတည္ေဆာက္ထားတဲ့ လသာေဆာင္ေတြဆိုတာ ေ႐ွးျမန္မာ ေၾကးရတတ္လူကံုထံေတြ ေနေလ့႐ွိတဲ့ ႏွစ္ထပ္အိမ္ႀကီးေတြ ျဖစ္ပါတယ္။ တစ္ထပ္ပဲေဆာက္ထားတဲ့အိမ္ေတြမွာေတာ့ လသာေဆာင္ရယ္လို႔ သီးျခားထည့္မထားေတာ့ဘဲ ျခံ၀ိုင္းထဲက ကြပ္ပ်စ္က်ယ္ႀကီးကိုပဲ လသာေဆာင္စည္းေ၀းခန္းမ သေဘာမ်ိဳး သံုးစြဲၾကပါတယ္။ လေရာင္ဟာ လူသားေတြရဲ႕စိတ္ကို ၫြတ္ႏူးေအးျမေစတာမို႔ လေရာင္ေအာက္မွာေျပာတဲ့စကားေတြဟာလည္း စိတ္ႏွလံုးၾကည္သာခ်မ္းေျမ့ေစတဲ့စကားမ်ိဳးပဲ ေရြးေျပာေလ့႐ွိပါတယ္။ ဆိုလိုတာကေတာ့ ျမန္မာလူမ်ိဳးေတြဟာ လေရာင္ကို မိခင္ရင္ေငြ႔လိုသေဘာထားၿပီး ခိုလွံုတန္ဖိုးထားခ်င္စိတ္ သမိုင္းနဲ႔ခ်ီၿပီးအျပည့္အ၀႐ွိခဲ့တယ္ဆိုတာပါပဲ။

ေခတ္ေတြတျဖည္းျဖည္းေျပာင္းလာတာနဲ႔အမွ် တိုးတက္လာတဲ့ေခတ္ေပၚလူ႔အသံုးအေဆာင္ပစၥည္းေတြရဲ႕ လႊမ္းမိုးမႈေအာက္ တစ္စတစ္စပါးလ်ားလာခဲ့တဲ့ သဘာ၀အႏွစ္သာရေတြထဲမွာ လေရာင္လည္း တစ္ခုအပါအ၀င္ျဖစ္ခဲ့ပါတယ္။ ထည္၀ါတဲ့လွ်ပ္စစ္မီးေတြရဲ႕အလယ္မွာ သဘာ၀အေရာင္အလွ်ံျဖစ္တဲ့ လေရာင္ျခည္ ဘယ္လိုမွမထိုးေဖာက္ႏိုင္ေတာ့ပါဘူး။ ဒ္ီၾကားထဲ ျမန္မာ့လူေနမႈစနစ္အရ အိမ္ရာပံုစံေတြကလည္း အရင္ေခတ္ေတြတုန္းကလို စိတ္တိုင္းက်တည္ေဆာက္ႏိုင္တာမဟုတ္ေလေတာ့ ႐ွိေနတဲ့အခန္းအေနအထားအတိုင္း အလိုက္သင့္ေနထိုင္ရံုကလြဲလို႔ ဘာမွတတ္ႏိုင္တာလည္းမဟုတ္။

ေျမလြတ္ေျမပို မဆိုစေလာက္႐ွိထားတဲ့ ၿမိဳ႕သစ္ေတြကအိမ္ကေလးေတြရယ္၊ ျခံ၀င္းက်ယ္က်ယ္နဲ႔ေနႏိုင္တဲ့ လူကံုထံအသိုင္းအ၀ိုင္းရယ္ကလြဲရင္ လေရာင္ကိုထိေတြ႔ႏိုင္တဲ့ ၿမိဳ႕ျပလူသားဆိုတာ ေတာ္ေတာ္႐ွားေနပါၿပီ။ ပ်ားအံုလိုအစီအရီ႐ွိေနတဲ့ တိုက္ခန္းေတြထဲက ပ်ားလူသားေတြအတြက္ေတာ့ လေရာင္ဆိုတာ စာဖြဲ႔ေနစရာေတာင္မ႐ွိေတာ့ဘူးေပါ့။ ရန္ကုန္လိုၿမိဳ႕ျပမ်ိဳးမွာ သာေပးေနရတဲ့ လမင္းရဲ႕အလင္းေရာင္ဟာလည္း . . .

ရန္ကုန္မွာ သာတဲ့လ
သာခ်ိန္လြန္ေနၿပီလား . . .
ရန္ကုန္မွာ သာတဲ့လ
သာေပမဲ့လည္း အလကား . . .

ဆိုတဲ့ သီခ်င္းစာသားေလးအတိုင္းပါပဲ။

ကိုခ်စ္ခင္ မွ iMyanmarHouse.com အတြက္ အထူးေရးသားေဖာ္ျပသည္။
Credit: iMyanmarHouse.com

တိုက္ခန္း

Share on Facebook

Share on Twitter