မန္တလေးအိမ်ခြံမြေဈေးကွက် စီမံကိန်းတွေမှာပါ အရောင်းအဝယ်ရပ်

မန္တလေးအိမ်ခြံမြေအရောင်းအဝယ်ဈေးကွက်မှာ စီမံကိန်းအနီးနေရာတွေမှာပါ အရောင်းအဝယ်ရပ်တန့်နေပြီး တချို့စီမံကိန်းဝန်းကျင်နေရာတွေမှာ လေးလအတွင်း မြေတန်ဖိုးရဲ့ ၃၀ ရာခိုင်နှုန်းခန့်အထိ ဈေးနှုန်းကျဆင်းသွားတယ်လို့ အကျိုးဆောင်တချို့က ပြောပါတယ်။

ကျောက်စိမ်းဥယျာဉ်မြို့တော်စီမံကိန်း ၊ မြို့သာစက်မှုဥယျာဉ်စီမံကိန်း ၊ တံတားဦးဟိုတယ်ဇုန်စီမံကိန်း ဧရိယာတွေ အနီးဝန်းကျင်ရှိ အိမ်ခြံမြေတွေဟာ စီမံကိန်းသတင်းကြားတဲ့အချိန်ကစပြီး အရောင်းအဝယ်သွက် အဆမတန်ဈေးမြင့်တက်နေရာကနေ အခုလို အရောင်းအဝယ်အေး ဈေးကျဆင်းလာတာဖြစ်ပါတယ်။

တံတားဦးမြို့နယ်က နယ်ခံအကျိုးဆောင်တစ်ဦးက ‘ဈေးကျရတဲ့အကြောင်းအရင်းကတော့ အများကြီးပဲ ၊ အဓိက စီမံကိန်းပေါ်မှာ မှုတည်တယ်’ လို့ ပြောပါတယ်။

အဆိုပါစီမံကိန်းဝန်းကျင်ရှိ အိမ်ခြံမြေတွေရဲ့ ဈေးနှုန်းဟာ မန္တလေးမြို့အနီးဝန်းကျင်ရှိ မြေယာတွေရဲ့ တန်ဖိုးနီးပါး ဈေးနှုန်းအမြင့်ဆုံးရောက်ရှိနေတာ ၊ အချို့စီမံကိန်းတွေဟာ မျှော်မှန်းထားသလောက် ဖွံ့ဖြိုးလာတာမျိုးမရှိဘဲ လမ်းပန်းဆက်သွယ်ရေးကအစ မြို့ထဲနဲ့အလှမ်းကွာဝေးတဲ့အပြင် စီးပွားရေးအကွက်အကွင်းမရှိသေးတာ စတာတွေကြောင့် ယခုလို ဈေးနှုန်းကျဆင်လာတာဖြစ်တယ်လို့ ဝါရင့်အိမ်ခြံမြေအကျိုးဆောင်တချို့က ပြောပါတယ်။

မန္တလေးမြို့ အမရပူမြို့နယ် ဆင်ရွာမြင်းမှုရွာရှိ တည်ဆောက်ဆဲ ကျောက်စိမ်းဈေးသစ်ကြီးအနီး ရန်ကုန်-မန္တလေးကားလမ်းနဲ့ မြစ်ငယ်-စစ်ကိုင်းကားလမ်းဆုံရာ ပတ်ဝန်းကျင်ရှိ မြေနေရာတွေဟာ ကျောက်စိမ်းဥယျာဉ်မြို့တော်စီမံကိန်း အကောင်အထည်ဖော်မယ်ဆိုတဲ့ သတင်းတွေကြောင့် အဆမတန်ဈေးမြင့်နေရာကနေ ယခု ဈေးပြန်ကျလာတယ် ။

အခုနှစ်ဆန်းပိုင်းအထိ တစ်ဧကကို ကျပ်သိန်း ၂၈၀၀ ခန့်ပေါက်ဈေးရှိခဲ့တဲ့ မြေနေရာတွေလည်း ယခု ကျပ်သိန်း ၂၅၀၀ ခန့်သာ ပေါက်ဈေးရှိတယ်။

တစ်ဧက ကျပ်သိန်း ၁၀၀ ခန့်ကနေ ကျပ်သိန်း ထောင်ချီပေါက်ဈေးရှိခဲ့တဲ့ မြို့သာစက်မှုဥယျာဉ်စီမံကိန်းအနီးဝန်းကျင်နဲ့ တံတားဦးဟိုတယ်ဇုန် စီမံကိန်းဧရိယာဝန်းကျင်ရှိ မြေနေရာတွေဟာလည်း ယခုအခါ ဈေးနှုန်းကျဆင်းနေတယ်။ ဈေးနှုန်းကျဆင်းနေပေမဲ့ အဝယ်မရှိဘူးလို့ ဒေသခံအကျိုးဆောင်အချို့က ပြောပါတယ်။

Credit: The Kumudra