ဒူဘိုင်းတွင်ကျင်းပမည့် Dubai Expo 2020 တွင်ပါဝင်ရန် ဆွစ်ဇာလန်ပထမဆုံးစာရင်းပေး

ဆွစ်ဇာလန်နိုင်ငံသည် ဒူဘိုင်းတွင် ကျင်းပမည့် Dubai Expo 2020 တွင် ပါဝင်ပြသရန် ပထမဆုံးစာရင်းပေးလိုက်ကြောင်း
အရှေ့ အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

Dubai Expo 2020 ကျင်းပရေးကော်မတီဥက္ကဌ ရှိတ်အာမက်ဆာအိ အယ်လ်မာ့ခ်တိုအန်သည် အာရပ်စော်ဘွားများ ပြည်ထောင်စုဆိုင်ရာ ဆွစ်ဇာလန်သံအမတ်ကြီး မာယာ တီဆာဖီနှင့် တွေ့ဆုံဆွေးနွေးပြီးနောက် ယင်းသို့ထုတ်ပြန်ကြေညာလိုက်ခြင်း ဖြစ်သည်။

၂၀၂၀တွင်ကျင်းပမည့် နိုင်ငံတကာကုန်သွယ်ရေးပြပွဲအတွက် အိမ်ရှင်နိုင်ငံအဖြစ်လက်ခံကျင်းပရန် ရုရှား၊ တူရကီ၊ ဘရာဇီးနှင့် အာရပ်စော်ဘွားများပြည်ထောင်စုတို့ ယှဉ်ပြိုင်ကြရာတွင် အာရပ်စော်ဘွားများပြည်ထောင်စုတွင် လက်ခံကျင်းပခွင့် ရရှိခဲ့ခြင်း ဖြစ်သည်။

ဒူဘိုင်းသည် နိုင်ငံတကာကုန်သွယ်ရေးပြပွဲလက်ခံကျင်းပခွင့်ရသည့်ပထမဆုံးအရှေ့အလယ်ပိုင်းနိုင်ငံဖြစ်လာမည်
ဖြစ်သည်။

Dubai Expo 2020 ၏ ဆောင်ပုဒ်အဖြစ် စိတ်ဝိဥာဉ်ချင်းဆက်သွယ်၊ အနာဂတ်ကို ဖန်တီးဟု သတ်မှတ်ထားသည်။

အိမ်ရှင်အဖြစ် လက်ခံကျင်းပခွင့်ရရှိခဲ့သည့် ၂၀၁၃ ခုနှစ်၊ နိုဝင်ဘာ၂၇ကကမ္ဘာ့အမြင့်ဆုံးအဆောက်အအုံဖြစ်သောဘာ့ဂ်ျခါလီဖာတွင်မီးရှုးမီးပန်းများဖောက်ကာ
အောင်ပွဲခံခဲ့ကြသည်။

၂၀၂၀ ခုနှစ်တွင် ကမ္ဘာက အံ့အားသင့်ဖွယ်ရာများ ဒူဘိုင်းက လုပ်ဆောင်ပြမည်ဖြစ်ကြောင်း ဒူဘိုင်းအာဏာပိုင်တို့က ဆိုသည်။

အဆိုပါပြပွဲကျင်းပရေးအတွက် ကြိုတင်ပြင်ဆင်မှုများနှင့် ပြပွဲကာလ ခရီးသွားလုပ်ငန်းနယ်ပယ်အတွက် ဒူဘိုင်းတွင် အလုပ်အကိုင်ပေါင်း ၂၇၇၀၀၀ ခန့် ဖန်တီးပေးနိုင်မည်ဖြစ်ကြောင်း ခန့်မှန်းကြသည်။

ယင်းပြပွဲသို့ ကမ္ဘာ့နိုင်ငံပေါင်း ၁၈၀ ကျော်မှ လေ့လာသူပေါင်း ၂၅ သန်းမှ သန်း ၁၀၀ ခန့်အထိ လာရောက်ဖွယ်ရှိသည်ဟု မျှော်မှန်းထားပြီး နိုင်ငံ၏ စီးပွားရေးကဏ္ဍသို့ ၀င်ငွေ ကန်ဒေါ်လာ ၄၀ ဘီလီယံနီးပါး ရရှိရန် မျှော်လင့်ထားသည်။

Dubai Expo 2020 ကျင်းပမည့်နေရာမှာ ဒူဘိုင်းနှင့် အဘူဒါဘီအကြားဆက်သွယ်သည့် လမ်းကြောင်းပေါ်တွင်ဖြစ်ပြီး ဧရိယာအကျယ်အ၀န်း ၄၃၈ ဟက်တာ (၁၀၈၃ ဧက) ကျယ်ဝန်းသည့် နေရာတွင် ပြုလုပ်မည် ဖြစ်သည်။

ဒူဘိုင်းတွင်ကမ္ဘာ့အမြင့်ဆုံးအဆောက်အအုံတစ်ခု ဆောက်လုပ်သွားရန် စီစဉ်လျက်ရှိရာ Dubai Expo 2020 ကို ဂုဏ်ပြုသောအားဖြင့် အဆိုပါအဆောက်အအုံကို ဘာ့ဂ်ျ ၂၀၂၀ ဟု အမည်ပေးထားသည်။

လက်ရှိအားဖြင့် ဒူဘိုင်းတွင် စီးပွားရေးကျဆင်းမှုများရှိနေကြောင်း စစ်တမ်းများက ညွှန်ပြနေပြီး Dubai Expo 2020 ကြောင့် အိမ်ခြံမြေဈေးကွက် ပူဖောင်းပေါက်ကွဲမှုဖြစ်ပေါ်နိုင်ကြောင်း သတိပေးချက်များလည်း ထွက်ပေါ်နေသည်။

Dubai Expo 2020 ပြပွဲစတင်မည့်အချိန်မှာ ၂၀၂၀ ခုနှစ်၊ အောက်တိုဘာ ၂၀ ရက်တွင်ဖြစ်ပြီး ၂၀၂၁ ခုနှစ်၊ ဧပြီလ ၁၀ ရက်တွင် ပြီးဆုံးမည် ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)