ပြည်တွင်းရှိ အစိုးရဘဏ်များအပြင် ပုဂ္ဂလိကဘဏ်များပါ ပိတ်ရက်ရှည်လျားခြင်းကြောင့် နယ်စပ်ကုန်သွယ်ရေး လုပ်ငန်းရှင်များနှင့် ထိုင်းနိုင်ငံရောက် မြန်မာရွှေ့ပြောင်း လုပ်သားများ ငွေလွှဲရန် အခက်ကြုံလျက်ရှိကြောင်း သိရသည်။
နှစ်သစ်ကူး သင်္ကြန်ပွဲတော်ကာလပြီးဆုံးလျှင် မိဘ၊ ဘိုးဘွားများအား ကန်တော့လေ့ရှိပြီး ထိုင်းနိုင်ငံအတွင်း သွားရောက်အလုပ်လုပ်ကိုင်နေကြသူများမှာလည်း အဝေးမှ ငွေကြေးနှင့်ကန်တော့ခြင်းများရှိကြရာ ဘဏ်ပိတ်ရက်များ ဆက်တိုက်ကြုံနေခြင်းကြောင့် ငွေလွှဲရန် အခက်ကြုံလျက်ရှိသည်ဟု ဆိုသည်။
"သင်္ကြန်အကြိုနေ့ မတိုင်ခင်ကတည်းက မိဘတွေဆီ ငွေလွှဲချင်ပေမယ့် လစာမထွက်သေးတာနဲ့ သင်္ကြန်လွန်မှ ပို့ဖို့လုပ်တော့ ဧပြီ ၂၀ ရက်အထိ ဘဏ်တွေ ပိတ်ထားတယ်ဆိုတော့ ဘဏ်ပိတ်ရက်တွေ အရမ်းများပါတယ်။ ဧပြီ ၂၂ ရက်က တန်ခူးလပြည့်နေ့၊ ၂၃ နဲ့ ၂၄ က စနေ၊ တနင်္ဂနွေဆိုတော့ အတော်ကို အခက်ကြုံပါတယ်"ဟု မဟာချိုင် စီဒီစက်ရုံတွင် အလုပ်လုပ်နေသည့် မြောက်ဦးမြို့နယ်မှ ကိုသန်းထွန်းက ပြောကြားသည်။
နှစ်သစ်ကူး သင်္ကြန်ပွဲတော် ကျော်လွန်သည်နှင့် နယ်စပ်ကုန်သွယ်ရေး လုပ်ငန်း လုပ်ကိုင်သူများမှာ မြ၀တီနယ်စပ်မှ ကုန်ပစ္စည်းများ ၀ယ်ယူကုန်သွယ်ရာတွင် သင်္ကြန်ကာလ ဘဏ်ပိတ်ရက် ရှည်ကြာသောကြောင့် ကုန်သွယ်မှု လုပ်ငန်းများ နှောင့်နှေးလျက်ရှိသည်ဟု နယ်စပ်ကုန်သည်များက ဆိုသည်။
“အောက်ငွေတင်လာမှ ဒီမှာပေါက်ဈေးနဲ့ ဘတ်ငွေလဲပြီး ပစ္စည်းဝယ်၊ ပြီးတော့ ကားနဲ့ ပို့ပေးရတယ်။ ကုန်သွယ်မှု လျင်လျင်မြန်မြန် လည်ပတ်ဖို့အတွက် ငွေကြေးစီးဆင်းမှု အဆင်ပြေဖို့ လိုအပ်ပါတယ်။ အခုလို ဘဏ်တွေ ရက်ရှည်ပိတ်ထားတော့ ကုန်ပစ္စည်းဝယ်ယူ ပို့ဆောင်မှုလည်း နားနေရပါတယ်"ဟု မြ၀တီမြို့မှ ရန်ကုန်ဈေးကွက်သို့ ကုန်စည်ပို့ဆောင်သူတစ်ဦးက ပြောကြားသည်။
“ထိုင်းဘက်ကမ်းမှာရှိတဲ့ အလုပ်သမားတွေရဲ့ငွေတွေ သူတို့မိဘတွေရှိတဲ့ မြို့ကိုပို့ပေးဖို့ လက်ခံထားပေမယ့် အခုထိမပို့ရသေးဘူး။သည်းခံပေးကြပါလို့ တောင်းပန်ထားရပါတယ်။ တချို့အရေးကြီးတဲ့သူတွေဆို နယ်မှာရှိတဲ့ ငွေလွှဲဒိုင်တွေဆီမှာ ထုတ်ခိုင်းထားရတယ်"ဟုမြ၀တီမြို့မှ ငွေလွှဲငွေပို့ ပြုလုပ်နေသူ အမျိုးသမီးတစ်ဦးက ပြောကြားသည်။
ထိုင်းနိုင်ငံ ဘန်ကောက်မြို့သို့ သွားရောက် အလုပ်လုပ်နေသူ ကိုသန်းအေးက "ထိုင်းမှာဆိုရင် ဘဏ်တွေပိတ်ရင်တောင် ကုန်တိုက်တွေက ငွေလွှဲပို့လို့ရပါတယ်။ ငွေကြေးကြောင့် စီးပွားရေးနှောင့်နှေးမှုမဖြစ်စေပါဘူး။ အခုက ငွေကြေးဈေးကွက်၊ ကုန်စည်ဈေးကွက်တစ်ခု
လုံး ရပ်သွားပါတယ်"ဟု ပြောကြားသည်။
Credit: Eleven Media Group
