လက်ရှိ ၂၀၁၆-၂၀၁၇ ဘဏ္ဍာနှစ်တွင် ရန်ကုန်မြို့ ကမ္ဘာအေးစေတီလမ်းနှင့် ပါရမီလမ်းဆုံ (ချော်တွင်းကုန်းမီးပွိုင့်)နှင့် မြောက်ဥက္ကလာပလမ်းဆုံတို့တွင် ခုံးကျော်တံတားများ ဆောက်လုပ်ရန် လျာထားခဲ့ရာ ယင်းခုံးကျော်တံတားများ ဆောက်လုပ်မည့်အစား ရန်ကုန်မြို့တော်စည်ပင်နယ်နိမိတ် ပြင်ပရှိ မြို့နယ်များ၏ ဖွံ့ဖြိုးရေးလုပ်ငန်းများ လုပ်ဆောင်ရန် ဧပြီ ၂ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်အစည်းအဝေး၌ အတည်ပြုခဲ့သည်။
ယင်းသို့ ခုံးကျော်တံတားနှစ်စင်း ဆောက်လုပ်ရန်အတွက် ယခင် အစိုးရဟောင်းက ၂၀၁၆-၂၀၁၇ ဘဏ္ဍာနှစ် ရန်ကုန်တိုင်းဒေသကြီး၏ ဒေသန္တရစီမံကိန်းဥပဒေကြမ်းတွင် ရည်မှန်းလျာထားကာ ဘဏ္ဍာငွေ ကျပ် ၃၂ ဒသမ ၂ ဘီလျံကို လျာထားခဲ့ခြင်းလည်း ဖြစ်သည်။
သို့ရာတွင် ယာဉ်ကြောပိတ်ဆို့မှု ပြေလည်ခြင်းမရှိသော ခုံးကျော်တံတားများ ထပ်မံဆောက်လုပ်မည့်အစား ယင်းငွေကြေးများဖြင့် အခြားနေရာတွင် အသုံးပြုရန် ရန်ကုန်တိုင်းဒေသကြီးလွှတ်တော်ကိုယ်စားလှယ်များက ထောက်ပြခဲ့ပြီး ခုံးကျော်တံတားနှစ်စင်းအား သတ်မှတ်ချက်များနှင့် ညီ မညီ ပြန်လည်လေ့လာ စိစစ်သုံးသပ်သင့်ကြောင်းရန်ကုန်တိုင်းဒေသကြီးလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီကလည်း အကြံပြုခဲ့သည်။
သို့ဖြစ်ရာယင်းသို့ခုံးကျော်တံတား နှစ်စင်းဆောက်လုပ်မည့်
ငွေကျပ် ၃၂ ဒသမ ၂ ဘီလျံဖြင့် ရန်ကုန်မြို့တော် စည်ပင်နယ်နိမိတ် ပြင်ပ ၁၂ မြို့နယ်ရှိ ကျေးရွာများ၏ ဖွံ့ဖြိုးရေးလုပ်ငန်းများ လုပ်ဆောင်မည်ဖြစ်ကြောင်း သိရသည်။
ထိုသို့ လုပ်ဆောင်ရာတွင် ရန်ကုန်မြို့တော် စည်ပင်သာယာနယ်နိမိတ်ပြင် မြို့နယ်များရှိ ကျေးရွာများအတွက်သာမက မြို့နယ်အသီးသီးတို့တွင်ဖွံ့ဖြိုးရေးလုပ်ငန်းများ ဆောင်ရွက်ရန်များစွာ လိုအပ်နေသဖြင့် ယင်းငွေကြေးများကို ရန်ကုန်မြို့တော် စည်ပင်သာယာရေးနယ်နိမိတ် အတွင်း အပြင်ရှိ မြို့နယ်အသီးသီးများရှိ ရပ်ကွက်ကျေးရွာဖွံ့ဖြိုးရေးလုပ်ငန်းများအတွက် ဆောင်ရွက်ရန်အတွက်ကိုပါ ထည့်သွင်း ပြင်ဆင်သင့်ကြောင်း လွှတ်တော်ကိုယ်စားလှယ်အချို့က တင်ပြခဲ့ခြင်းကြောင့် ယင်းကိစ္စကို မဲခွဲဆုံးဖြတ်ခဲ့ရာ ယခင်အတိုင်း စည်ပင်နယ်နိမိတ်ပြင်ပ မြို့နယ်များတွင်သာ ငွေကြေးများကို သုံးစွဲရန်သာ ကိုယ်စားလှယ်များက သဘောတူညီခဲ့ကြသည်။
“အခုကတော့ ခုံးကျော်တံတားဆောက်မယ့် ပိုက်ဆံတွေကို စည်ပင်နယ်နိမိတ်ပြင်ပ ၁၂ မြို့နယ်မှာပဲ သုံးမယ့်သဘော ဖြစ်သွားတာပေါ့။ အမှန်ဆို ရန်ကုန်မြို့ကြီး ကားလမ်းတွေ ကျပ်တယ်။ ယာဉ်ကြော ပိတ်ဆို့တာတွေကို ဖြေလျှော့ဖို့ သုံးစေချင်တယ်။ ပြီးတော့ လှိုင်မြို့နယ်မှာလည်း အမှိုက်ပုံတွေ၊ ရေမြောင်းပိတ်တာတွေ ရှိတယ်။ ဒါကြောင့် စည်ပင်နယ်နိမိတ်အတွင်းကို ထည့်ပေးဖို့ပြောတာ သဘောမတူခဲ့ဘူး”ဟု လှိုင်မြို့နယ်မဲဆန္ဒနယ်အမှတ် (၁) လွှတ်တော်ကိုယ်စားလှယ် ဦးကျော်ကျော်ထွန်းက ပြောကြားသည်။
ရန်ကုန်မြို့တွင် ယခင်အစိုးရလက်ထက်က ယာဉ်ကြောပိတ်ဆို့မှုကို ဖြေရှင်းရန် လှည်းတန်း၊ ရွှေဂုံတိုင်၊ ဘုရင့်နောင်၊ မြေနီကုန်း၊ ကုက္ကိုင်း ရှစ်မိုင်လမ်းဆုံ စသည့်နေရာများ ခုံးကျော်တံတားများ တည်ဆောက်ခဲ့သော် လည်း ယာဉ်ကြောပိတ်ဆို့မှု ပြေလည်ခဲ့ခြင်းမရှိခဲ့ကြောင်း၊ ထို့ပြင် လက်ရှိ ဆောက်လုပ်နေဆဲဖြစ်သည့် တာမွေအ၀ိုင်း လမ်းငါးခွဆုံ ခုံးကျော်တံတားသည်လည်း ယခင်အစိုးရလက်ထက်က လုပ်ဆောင်ခဲ့သည့် စီမံကိန်းဖြစ်ပြီး အဆိုပါခုံးကျော်တံတား စီမံကိန်းများအားလုံးအတွက် ငွေကျပ်ဘီလျံ ၁၀၀ ကျော် ရှိခဲ့ကြောင်း သိရသည်။
ထို့ပြင် ရန်ကုန်မြို့တော် စည်ပင်သာယာရေးကော်မတီနှင့် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) တို့ ပူးပေါင်းရေးဆွဲခဲ့သည့် “မဟာရန်ကုန်မြို့ပြ ဖွံ့ဖြိုးရေးမဟာဗျူဟာစီမံကိန်း ၂၀၄၀”အရ ရန်ကုန်မြို့တွင် နှစ်ထပ်လမ်းများ တည်ဆောက်ရန် အစီအစဉ်များရှိသောကြောင့် လက်ရှိ ခုံးကျော်တံတားများမှာ မလွတ်ကင်းပါက ပြန်ဖျက်ပေးရနိုင်ကြောင်း သိရသည်။
ရန်ကုန်မြို့တွင် တည်ဆောက်ခဲ့ပြီးသော ခုံးကျော်တံတားများအနက် လှည်းတန်းခုံးကျော်တံတားကို ယခင်အစိုးရနှင့် နီးစပ်ခဲ့သည့် ရွှေတောင်ကုမ္ပဏီ၊ ဘုရင့်နောင် ခုံးကျော်တံတားကို FMI ကုမ္ပဏီ၊ ရွှေဂုံတိုင်၊ မြေနီကုန်းနှင့် ကုက္ကိုင်းခုံးကျော်တံတား သုံးစင်းကို Capital Development ကုမ္ပဏီနှင့် ရှစ်မိုင်လမ်းဆုံ ခုံးကျော်တံတားကို Crown Advanced ကုမ္ပဏီနှင့် လက်ရှိတည်ဆောက်ဆဲ တာမွေအ၀ိုင်း လမ်းငါးခွဆုံခုံးကျော်တံတားကို ရွှေတောင်ကုမ္ပဏီတို့က ဆောက်လုပ်ခွင့် ရရှိခဲ့ခြင်းဖြစ်သည်။
Credit: Eleven Media Group
