အာရပ်စော်ဘွားများပြည်ထောင်စု (ယူအေအီး) မှ အချမ်းသာဆုံးသူကြွယ်များ၏ ၆၁ ရာခိုင်နှုန်းသည် ၂၀၁၆ ကမ္ဘာလုံးဆိုင်ရာအိမ်ခြံမြေဈေးကွက်တွင် ၀င်ရောက်ရင်းနှီးမြှုပ်နှံကြမည်ဖြစ်ကြောင်းစစ်တမ်းတစ်ရပ်တွင် ဖော်ပြသည်ဟုအမေရိကန်ပြည်ထောင်စု၊ ဖလော်ရီဒါပြည်နယ်၊ မိုင်အမ်မီအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ယင်းသူကြွယ်များသည် ၎င်းတို့ပစ်မှတ်ထားသည့် ကမ္ဘာ့မြို့ ကြီးများတွင် အိမ်ခြံမြေကဏ္ဍ၌ ရင်းနှီးမြှုပ်နှံမှုများ ပြုလုပ်သွားမည်ဖြစ်ကြောင်း ထုတ်ဖော်ပြောကြားကြသည် ဟုအဆိုပါစစ်တမ်းတွင်ဖော်ပြသည်။ ယင်းစစ်တမ်းကို လန်ဒန်အခြေစိုက် အိမ်ခြံမြေအကြံပေးအဖွဲ့ ကလပ်တန်က ပြုလုပ်ခဲ့ခြင်းဖြစ်သည်။
အဆိုပါစစ်တမ်းအရအရှေ့ အလယ်ပိုင်းဒေသပြင်ပတွင် နယူးယောက်သည် ယူအေအီးသူကြွယ်တို့ ထိပ်တန်းရင်းနှီးမြှုပ်နှံမှု ပြုလုပ်ရာနေရာ ဖြစ်လာမည်ဖြစ်ပြီးအရှေ့ အလယ်ပိုင်းတွင် ဒူဘိုင်းဖြစ်လာမည်ဟုဆိုသည်။
“အမေရိကန်ဒေါ်လာဈေးမာနေတာကလည်းကမ္ဘာ့အိမ်ခြံမြေဈေးကွက်မှာရင်းနှီးမြှုပ်နှံမှုတွေလုပ်ဖို့ တွန်းအားတစ်ခုပါပဲ။ အိမ်ခြံမြေဟာစိတ်ချရမှုအရှိဆုံးရင်းနှီးမြှုပ်နှံမှုဖြစ်တယ်လို့ ရှေးရိုးယူဆချက်တွေ ဆက်ပြီးအားကောင်းလာမယ့် သဘောလည်း ဖြစ်ပါတယ်”ဟုကလပ်တန်မှ အမှုဆောင်တစ်ဦးဖြစ်သူစတီဗင် မော်ဂန်ကပြောကြားသည်။
“ကျွန်တော့်သဘောအရပြောရရင် လန်ဒန်ဟာ နယူးယောက်ထက် ရင်းနှီးမြှုပ်နှံမှုလုပ်ဖို့ ပိုကောင်းတယ်။ ဒါပေမယ့် စစ်တမ်းအရတွေ့ရတာကတော့ နယူးယောက်ဟာ ၂၀၁၆ ခုနှစ်မှာရင်းနှီးမြှုပ်နှံ သူတွေ ရွေးချယ်တဲ့ ထိပ်ဆုံး ၃ မြို့ ထဲမှာပါပါတယ်” ဟုမော်ဂန်ကဆက်လက်ပြောကြားသည်။
အာရပ်ရင်းနှီးမြှုပ်နှံသူတို့ ဦးတည်သောထိပ်တန်းမြို့ များတွင် ဒူဘိုင်းပါဝင်သော်လည်း လန်ဒန်နှင့် နယူးယောက်မြို့ ကြီးများကဲ့သို့ ကျော်ကြားခြင်းမရှိချေ။
လန်ဒန်သည် ပင်လယ်ကွေ့ဒေသ ၀ယ်လက်များ၏ ရင်းနှီးမြှုပ်နှံရာဖြစ်ခဲ့သည်မှာ နှစ်ကာလကြာရှည်ခဲ့ပြီ လည်း ဖြစ်သည်။
“ဒူဘိုင်းမှာအငှားချထားမှုတွေဟာတစ်နှစ်ကနေငါးနှစ်ကြားကစလေ့ရှိတယ်။ လန်ဒန်ရုံးခန်းတွေကတော့ အနည်းဆုံး ၅ နှစ်ကနေစငှားပြီး ၁၅ နှစ်လောက်အထိ ငှားရမ်းနိုင်ပါတယ်။ နောက်တစ်ခုကလန်ဒန်မှာရှိတဲ့ စတော့ဈေးကွက်ကရင်းနှီးမြှုပ်နှံမှုလုပ်လို့ရတဲ့ အဆင့်ရှိပြီးဒူဘိုင်းကတော့ အထနှေးတယ်”ဟုမော်ဂန်ကပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
