အမေရိကန်ပြည်ထောင်စု၊ လူဝီစီယားနားပြည်နယ်၊ နယူးအော်လင်းမြို့ ရှိပုဏ္ဍကတိုက်လျက် ရှိသောကမ္ဘာပေါ်ရှိသရဲအခြောက်ဆုံးနေအိမ်ကြီးကိုစတာလင်ပေါင် ၃ ဒသမ ၄ သန်း (ကန်ဒေါ်လာ ၄ ဒသမ ၇ သန်း) ဖြင့် ရောင်းချမည်ဖြစ်ကြောင်း ဖေဖော်ဝါရီ ၂၂ နိုင်ငံတကာသတင်းများတွင် ဖော်ပြသည်။
စတုရန်းပေ ၁၃၃၆၉ ရှိသောအဆိုပါနေအိမ်ကြီးသည် သက်တမ်း ၁၅၉ နှစ်ရှိပြီဖြစ်ပြီးနေ အိမ်အတွင်းနေရာအများစုတွင် အမှောင်ထုကြီးစိုး လျက်ရှိကာထူးဆန်းသောလျှို့ ဝှက်ချက်များ အတိပြီးလျက်ရှိသည်။
အဆိုပါနေအိမ်ကြီးကိုပိုင်ဆိုင်သူမှာကမ္ဘာကျော်အဆိုတော် Tina Turner ဖြစ်ပြီးဗူဒူးပညာရှင် တို့ကိုခေါ်ယူကာ ယင်းနေအိမ်အတွင်းမှ သရဲတစ္ဆေများကိုမောင်း ထုတ်ရန်ကြိုးပမ်းခဲ့ဖူးသည်။
Magnolia mansion ဟုခေါ်သောအဆိုပါနေအိမ်ကြီးသည် ဒုတိယကမ္ဘာစစ်ကြီးအတွင်းနှင့် ကိုရီးယားစစ်ပွဲကာလ အတွင်းကအမေရိကန်ကြက်ခြေနီအဖွဲ့ ရုံးစိုက်ရာဌာန ဖြစ်ခဲ့ဖူးသည်။
ယင်းနေအိမ်ကိုဗိသုကာပညာရှင် ဂျိမ်းစ်အိတ်ခ်ျကာရိုးကသူဌေးတစ်ဦး အတွက်ဆောက်လုပ်ခဲ့ခြင်းဖြစ်ပြီး အဆိုပါသူဌေးမှာ အသားဝါရောဂါဖြင့် ကွယ်လွန်ခဲ့သည်။
ယင်းသူဌေး၏ ကျန်ရစ်သူဇနီးက ဂျွန်ဟင်နရီမာဂျင်နစ်ဆိုသူကိုရောင်းချခဲ့ရာ ဂျွန်ဟင်နရီသည် အဆိုပါနေအိမ်ဝယ်ယူပြီးနောက်ပိုင်း မိုးကြိုးပစ်ခံရကာကွယ်လွန်ခဲ့ရသည်။ ထို့နောက်ပိုင်းတွင် ပိုင်ရှင်ပေါင်းများစွာပြောင်းလဲခဲ့ရာ ယင်းပိုင်ရှင်များလက်ထက်တွင် လည်းခြောက်လှန့်မှုများ အကြိမ်ကြိမ်ခံခဲ့ရသည့် မှတ်တမ်းများရှိခဲ့သည်။
အလန်ဘရောင်းရေးသားသည့် မစ္စစ္စပီမြစ်ဝှမ်းမှ တစ္ဆေများအမည်ရှိစာအုပ်တွင် ရေဖန်ခွက်တစ်လုံးကိုမှောက်ပြန်လှန်ကာဆော့ကစားတတ်သည့် တစ္ဆေတစ်ကောင်ရှိကြောင်းရေးသားခဲ့ဖူးသည်။
တခါကအဆိုပါနေအိမ်ကြီးသို့ အလည်အပတ်လာသော ဇနီးမောင်နှံနှစ်ဦးမှာထူးဆန်းသောဖြစ်ရပ်နှင့် ကြုံတွေ့ခဲ့ဖူးသည်။ဒေါက်တာစတိဗ်နှင့် နစ်ကီဒေးဗစ်ဇနီးမောင်နှံတို့သည် ယင်းနေအိမ်ကြီး၏ ဧည့်မှတ်တမ်းစာအုပ်တွင် ၎င်းတို့ကြုံတွေ့ခဲ့ရပုံ ကိုရေးသားထားခဲ့သည်။ “သောကြာနေ့ညမှာ ကျမခင်ပွန်းနဲ့ကျမအိပ်ယာဝင်ခါနီးတော့ ဖိနပ်တွေကိုစင်မှာထားခဲ့တယ်။ နောက်နေ့မနက်အိပ်ယာနိုးတော့ကျမဖိနပ်တစ်ဖက်က ရေချိုးခန်းထဲရောက်နေပြီး တစ်ဖက်ကကုတင်အောက်ရောက်နေတယ်”ဟုရေးသားထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
