ရန်ကုန်မြို့တော် စည်ပင်သာယာ ရေး ကော်မတီအနေဖြင့် ယာဉ်သွား လာမှုများပြားပြီး လူသွားလူလာများ သည့်နေရာများ၌ ယာဉ်အန္တရာယ် ကင်းရှင်းရေး လူကူးခုံးကျော်တံတား များ တည်ဆောက်ပေးလျက်ရှိရာ လမ်းမတော်မြို့နယ် လမ်းသစ်လမ်းရှိ စက်လှေကားပါ လူကူးခုံးကျော် တံတားကို မကြာမီဖွင့်လှစ်သွားရန် ရန်ကုန်မြို့တော် စည်ပင် သာယာရေး ကော်မတီ ဥက္ကဋ္ဌ မြို့တော်ဝန်ဦးလှမြင့် က လာရောက်ကြည့်ရှု စစ်ဆေးပြီး ရက်သတ်မှတ်ပေးလိုက်သည်။
''ဖေဖော်ဝါရီ ၄ ရက်မှာ စတင် ဖြတ်သန်းခွင့်ပြုပါမယ်။ အဲဒီနေ့ကျရင် စတင်ဖြတ်သန်းသွားလာတဲ့ ပြည်သူ တွေကိုလည်း လက်ကိုင်ပဝါလို အမှတ်တရပစ္စည်းလေးတွေ ပေးနိုင် ဖို့ စီစဉ်ဖို့လိုပါတယ်''ဟု မြို့တော်ဝန် က ဖေဖော်ဝါရီ ၂ ရက် နံနက်ပိုင်း တွင် လာရောက်ကြည့်ရှုစစ်ဆေးစဉ် တာဝန်ရှိသူများအား မှာကြားခဲ့ သည်။
အဆိုပါ လူကူးခုံးကျော်တံတားမှာ လမ်းမတော်မြို့နယ်လမ်း သစ်လမ်း နှင့် မော်တင်လမ်းတို့ကို ဆက်သွယ် ပေးထားပြီး ယခင်နှစ် ဧပြီလအတွင်းမှ စတင်ကာ တည်ဆောက်ရေးလုပ်ငန်း များ စတင်ခဲ့ကြောင်း သိရသည်။
ယင်းလူကူးခုံးကျော်တံတားသည် ရန်ကုန်မြို့၌ တည်ဆောက်ခဲ့သော လူကူးခုံးကျော်တံတားများအနက် ၁၃ စင်းမြောက် လူကူးခုံးကျော် တံတား ဖြစ်လာမည်ဖြစ်သည်။
ထိုလူကူး ခုံးကျော်တံတားမတိုင်မီက ဆူးလေ ၌ လူကူးခုံးကျော်တံတားနှစ်စင်း၊ သိမ်ကြီးဈေးရှေ့၌ နှစ်စင်း၊ ဗိုလ်ချုပ် လမ်း သူနာပြုတက္ကသိုလ်ရှေ့၌ တစ်စင်း၊ ဗိုလ်ချုပ်ဈေးရှေ့၌တစ်စင်း၊ ဒဂုံမြို့နယ် အလံပြဘုရားလမ်း၌ တစ်စင်း၊ ကန်တော်ကြီး တိရစ္ဆာန် ဥယျာဉ်ရှေ့၌ တစ်စင်း၊ မင်္ဂလာဒုံ အောင်ဆန်းသူရိယ လှသောင်း ကျောင်းရှေ့၌တစ်စင်း၊ ကမ္ဘာအေး ဂမုန်းပွင့်ရှေ့၌တစ်စင်း၊ ပန်းဆိုးတန်း- ကမ်းနားလမ်း၌တစ်စင်း၊ လှည်းတန်း မီးပွိုင့် အင်းစိန်လမ်းအနီး၌ တစ်စင်း ဖွင့်လှစ်ခဲ့ပြီးဖြစ်ကြောင်း သိရသည်။
ထို့အပြင် ၂ဝ၁၅-၂ဝ၁၆ ဘဏ္ဍာ နှစ်အတွင်း ဆူးလေ-အနော်ရထာ လမ်းဆုံ၊ လမ်းမတော်-အနော်ရထာ (သံဈေးအနီး)၊ ဗဟန်း(၃)လမ်း၊ ပြည်လမ်း-အင်းလျားကန်ရှေ့၊ ပြည် လမ်း-မာလာဆောင်ရှေ့နှင့် ပြည် လမ်း-စိုက်ပျိုးရေး မှတ်တိုင်အနီးတို့ တွင်လည်း စုစုပေါင်း လူကူးခုံးကျော် တံတားခြောက်စင်းကို ထပ်မံ တည်ဆောက်လျက်ရှိကြောင်း သိရ သည်။
Credit: MOI Webportal Myanmar
