အငြိမ်းစားဝန်ထမ်းများအား မြေကွက်များချပေးမည့်သတင်း ကောလာ ဟလသာဖြစ်ကြောင်း တာဝန်ရှိသူများက အတည်ပြုပြောကြား

အငြိမ်းစားဝန်ထမ်းများအား ရန်ကုန်တိုင်းဒေသကြီးအတွင်း မြေကွက်များ ချထားပေးမည်ဟူသည့် ကောလာ ဟလသတင်းများနှင့်စပ်လျဉ်း၍ ယနေ့မွန်းလွဲပိုင်းက မြန်မာ့သတင်းစဉ်၏ဆက်သွယ်မေးမြန်းမှုကို ရန်ကုန်တိုင်း ဒေသကြီးအစိုးရအဖွဲ့မှ တာဝန်ရှိသူတစ်ဦးက သတင်းအမှား သာဖြစ်ကြောင်း အတည်ပြုပြောကြားသည်။

''အဲဒါနဲ့ပတ်သက်ပြီး ထုတ်ပြန်ထားတာမရှိသလို လျှောက်လွှာခေါ်ယူထား တာလည်း မရှိပါဘူး။
ဒီလျှောက်လွှာတွေနဲ့ပတ်သက်ပြီး ဆောင်ရွက်ပေးခြင်းလည်း မရှိပါဘူး။ ဒါဟာ ကောလာဟလသတင်းအမှားသာဖြစ်ပါတယ်။ ကောလာဟလသတင်းတွေကို မယုံကြည်ကြဖို့ လိုပါတယ်''ဟု ၄င်းက ပြောကြားခဲ့ခြင်းဖြစ်သည်။

ရန်ကုန်တိုင်းဒေသကြီး စိုက်ပျိုးရေးနှင့် မွေးမြူရေး ဝန်ကြီး ဦးစိုးမင်းကလည်း ''ဒီကိစ္စကို ကျွန်တော်တောင် မသိပါဘူး''ဟု ဆိုသကဲ့သို့ သစ်တောနှင့် စွမ်းအင်ဝန်ကြီး ဦးကျော်စိုးနှင့် ရခိုင်တိုင်းရင်းသားရေးရာဝန်ကြီး ဦးဇော်အေးမောင် တို့ကလည်း အငြိမ်းစားဝန်ထမ်းများအား မြေကွက်များချပေးမည်ဆိုသည့် သတင်းကို ၄င်းတို့လည်း မသိရှိကြကြောင်းပြောကြားခဲ့ပြီး အဆိုပါသတင်းမှာ မှန်ကန်မှုမရှိကြောင်း သိရသည်။

အဆိုပါ ကောလာဟလသတင်းကြောင့် အငြိမ်းစား ဝန်ထမ်းအများစုသည် ရန်ကုန်တိုင်းဒေသကြီးအစိုးရအဖွဲ့သို့ လိပ်မူပြီး ရန်ကုန်စာတိုက်ကြီးနှင့် မြို့နယ်စာတိုက်များရှိ ပြည်တွင်းအမြန်ချောပို့လုပ်ငန်းမှတစ်ဆင့် မြေကွက် လျှောက်လွှာများကို ပြီးခဲ့သည့် တစ်ပတ်ခန့်ကပင် စုပြုံ လျှောက်ထားမှု များဖြစ်ပေါ်ခဲ့သည်။

''မြေကွက်လျှောက်လွှာတွေကို စာတိုက်ကရောင်းတာ မဟုတ်ပါဘူး။ လျှောက်လွှာပွဲ စားအချို့က စာတိုက်အောက်မှ လျှောက်လွှာတွေကို မိတ္တူကူးပြီး လာရောင်းနေတာပါ။ ဒီကိစ္စနဲ့ပတ်သက်ပြီး ကျွန်မတို့ဆီကို တရားဝင်သတင်း ထုတ်ပြန်ထားမှုလည်းမရှိပါဘူး။ စာထည့်သူ Customers မှန်သမျှကိုတော့ စာတိုက်က ဝန်ဆောင်မှုပေးခြင်း သက်သက်ပဲဖြစ် ပါတယ်''ဟု မြန်မာ့စာတိုက်လုပ်ငန်း ဒုတိယအထွေထွေမန်နေဂျာ ဒေါ်ငုသီတာက ပြောသည်။

မြို့နယ်စာတိုက်သို့မြေကွက်လျှောက်လွှာ အပြေးအလွှား သွားရောက်တင်ခဲ့သူ ရွှေပြည်သာမြို့နယ်နေ အငြိမ်းစားဝန်ထမ်း ဦးငြိမ်းကမူ ''မိတ်ဆွေ တစ်ယောက်က ဖုန်းဆက်လို့ သွားလျှောက်ခဲ့တယ်။ စာတိုက်မှာ သူလိုကိုယ်လို အသံကြားလို့လာကြတဲ့သူတွေချည်းပဲ၊ သေသေ ချာချာသိတဲ့သူတော့ မရှိပါဘူး။ လျှောက်လွှာဖိုးနဲ့ မှတ်ပုံတင် ကြေးအပါ ငွေကျပ် ၁၅ဝဝ လောက်ပဲကျတဲ့အတွက် နစ်နာမှုတော့ သိပ်မရှိပါဘူး။ ဘာပဲပြောပြော ဒီကိစ္စသာ မှန်နေရင် မျှော်လင့်လို့ရတာပေါ့''ဟု ဆိုသည်။

ရန်ကုန်စာတိုက်ကြီးရှေ့၌ မြေကွက်မိတ္တူလျှောက်လွှာ ရောင်းချသူပွဲစားများထံ လျှောက်လွှာများကို တစ်စောင် လျှင် တစ်ရာကျပ်နှုန်းဖြင့်ဝယ်ယူပြီး အမြန်ချောပို့စနစ်ဖြင့် လျှောက်ထားသူများ ရှိနေဆဲပင်ဖြစ်သည်။

''ရန်ကုန်စာတိုက်ကြီးကိုသွားတော့ စာတိုက်ရှေ့မြေကွက် လျှောက်လွှာရောင်း တဲ့ အမျိုးသမီးက မြေကွက်လျှောက်လွှာ ရမယ်၊ တစ်စောင် ၁ဝဝ ဆိုပြီး ခေါ်ရောင်းတယ်။ ဘယ်လို လျှောက်ရမလဲမေးတော့ မှတ်ပုံတင်မိတ္တူ၊ အိမ်ထောင်စု စာရင်းမိတ္တူ၊ ပင်စင်စာအုပ်မိတ္တူယူလာပြီး လျှောက်လွှာနဲ့ အတူ အမြန်ချောပို့နဲ့ လျှောက်ရမယ်ပြောတယ်''ဟု ဒဂုံမြို့သစ်အရှေ့ပိုင်းနေ အငြိမ်းစားဝန်ထမ်း ဦးအောင်မင်းက ပြောသည်။

ဒလမြို့နေ အငြိမ်းစားဝန်ထမ်းတစ်ဦးဖြစ်သူ ဒေါ်ကြည်လှကလည်း ''ဒလမှာ လျှောက်လွှာတစ်စောင်ကို ငွေကျပ် ၁ဝဝ ကနေ ငွေကျပ် ၅ဝဝ အထိ မိတ္တူဆိုင် တွေက ရောင်းပါတယ်။ ပင်စင်စားမိတ်ဆွေတွေပြောလို့ လာလျှောက်တာပါ။ ရ၊ မရတော့မသိပါဘူး။သူများ လျှောက်လို့ လျှောက်လိုက်တာပါ''ဟု ဆိုသည်။

အငြိမ်းစားဝန်ထမ်းများအား မြေကွက်များချထား ပေးမည်ဟူသည့် သတင်းမှာကောလာဟလသတင်းအမှား သာဖြစ်ကြောင်း တာဝန်ရှိသူများက အတည်ပြုပြောကြား ထားပြီးဖြစ်သော်လည်း ယနေ့တွင်ရန်ကုန်မြို့နှင့် မြို့နယ် အသီးသီးရှိ စာတိုက်များ၌ လျှောက်ထားမှုများ ရှိနေသေးကြောင်း သိရသည်။

Credit: MOI Webportal Myanmar